Mat. 27:26 - Ebaibul

²⁶ Tolacak nai Pilato Baraba aŋuna kec, kimyek iŋes Yesu kibuŋae, kipoto nai kibubukinoe lomusalaba.

Mat. 27:26 Iomraidhean Croise

Isa. 50:6

Abu ayoŋ oinak akau kaŋ neni a ŋulu ekebuŋaete ayoŋ ka ŋikelyo kaŋ neni a ŋulu arusete epenek kaŋ; nyiwua ayoŋ ereet kaŋ aneni a ŋulu ekeyenyete ka ekemwaanakinete ayoŋ.

Isa. 53:5

Nai aponi iŋes towanawanae aŋuna abilere iwon ŋikisila, aponi iŋes toarae aŋuna a ŋasecisya yok; aponi iŋes kisicanae aŋuna yok, aŋuna aŋajemei keŋ, adaun akitaŋaleun iwon.

Mat. 20:19

Ipotokinete ikes iŋes neni a ŋibukui a ŋulu nyerae Ŋiyudayan, kisoloto, kibuŋata ka kibubukis lomusalaba. Nai kelunyar ŋirwa ŋiuni, iteyarunio iŋes alokatwak.”

Mar. 10:34

Epote ikes akisol iŋes, kimwaanakis, kibuŋata ka toara daŋ; nai kelunyar ŋirwa ŋiuni, eyaruni iŋes.”

Mar. 15:15

Aŋuna acamitor Pilato akitalakar aruruma ŋin, abu tolacak Baraba. Kisibuŋa ŋisigarya Yesu, ani irikakinete, yaasi ikes iŋes kibubukis lomusalaba.

Luk. 23:16

Aŋun, atemari ayoŋ kibuŋata iŋes, kimyekinae tolot.” [

Yoa. 19:1

Toriko nai Pilato Yesu kibuŋae.

Yoa. 19:16

Kipotok nai Pilato ikes Yesu, kibubukis lomusalaba. Yaasi nai ikes Yesu.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.