Mat. 27:17 - Ebaibul

¹⁷ Ani kedaut ŋituŋa acunakin, kiŋit Pilato ikes tema, “Ŋae icamito iyes olacak ayoŋ aŋuna kus, Baraba kori Yesu ŋolo enyaritae Kristo?”

Mat. 27:17 Iomraidhean Croise

1 Ŋirw. 18:21

Abu nai Eliya toapu lotuŋa tema, “Apaki ŋina etya ai iyaete iyes pa iyenete ŋuna kiwuapa anakiro a nu a ŋaarei? Ani kerae Ekapolon Akuj, kiwuapa iŋes ani robo kerae Baal akuj kiwuapa iŋes.” Mam akirot apotu ŋituŋa toboŋokis Eliya.

Mat. 1:16

touru Yakobo Yosepu, ŋolo abu toruwor ekile a Maria a ŋina edouni Yesu, ŋolo enyaritae Kristo.

Mat. 27:16

Ayai nai nen ekeworon ŋolo ayai mabus ŋolo anyaritae Baraba.

Mat. 27:18

Anerae ayeni iŋes atemar arikunito ikes Yesu neni keŋ aŋuna ka arakaanut kec.

Yoa. 19:15

Tocelut nabo temasi, “Toar! Toar! Kibubuk iŋes lomusalaba!” Kiŋit Pilato ikes tema, “Icamito iyes ebubuki ayoŋ erwosit kus lomusalaba a?” Toboŋokis ŋisacaradotin ŋulu apolok temasi, “Emam isua erwosit ece, mati ekepukan a Roma bon.”

Yoa. 4:25

Tolimok aberu ŋin Yesu tema, “Ayeni ayoŋ atemar ebuni Messia, ŋolo enyaritae Kristo. Ŋina ebunio iŋes, ikilimokini iŋes isua ŋakiro daadaŋ.”

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”