Mat. 26:65 - Ebaibul

⁶⁵ Ŋolopeikiro, tocil Esacaradoti ŋolo Apolon nooi ŋilowi keŋ tema, “Eyany iŋes Akuj! Nyo nabo eriŋa ikiitanitor ŋisuudae ŋice? Iirasi tokona iyes ŋiyany keŋ.

Mat. 26:65 Iomraidhean Croise

2 Ŋirw. 18:37

Tosodo nai Eliakim lokoku a Ilikia ŋolo apolokinit etic alokai ke erwosit ka Sebina ekegirigiran ta Yoa lokoku ka Asap ŋolo eŋadae ŋakiro ŋuna adaun akigir, toloto neni ke Esekia ecilicilito ŋilowi kec, tolimokis iŋes ŋakiro ŋuna erworo ekapolokiniton ejie a ŋasigarya ka Asiriya.

Yer. 36:24

Kikote neni daŋ, mam ekabule abu toyakaun neni a erwosit, kori neni a ŋiketiyak keŋ a idio a ŋulu apotu kiirasi ŋakiro ŋun daadaŋ, apotu ikes nyecila tari ŋilowi kec.

Ŋilep. 21:20

kori ŋolo eyai aruk, kori ŋolo earit auruwuanut, kori ŋolo emunaara iwace anakonyen, kori ŋolo eyakar edeke ŋolo ipyono, kori ŋiipu, kori ŋolo idoŋitoe.

Ekim. 14:6

Anenipei, potu Yosua lokoku a Nun ka Kaleb lokoku a Yepune, ŋirukitos a ŋikilyok a ŋulu alosito akireb akwap, tocila ŋilowi kec,

Mat. 9:3

Kirworikinos ŋiketatamak a Ŋikisila ŋice alotai kec temasi, “Iyanyi ekile lo Akuj.”

Luk. 5:21

Apotu ŋiketatamak a Ŋikisila ka Ŋiparisayon kiŋitas make temasi, “Ŋae ŋini iyanyi Akuj ikona en? Emam ituŋanan ŋini epedori akisyon ŋasecisya, mati Akuj bon!”

Yoa. 10:33

Toboŋokis Ŋiyudayan iŋes temasi, “Meere aŋuna ke ediotic a ŋolo ajokan ikimasere isua iyoŋ, nai aŋuna iyanyia iyoŋ Akuj! Irae iyoŋ ituŋanan, nyo nai ibaakar iyoŋ ikwaanasi ka Akuj!”

Yoa. 10:36

Ani nai kikote nen, ikokinete iyes ai ibasi, ‘Iyanyi iyoŋ Akuj!’ anerae abu ayoŋ olimu atemar, ‘Arae Ayoŋ Lokoku ka Akuj,’ ikwapei araakar ayoŋ abu Akuj okotyaku ekeyakuu nakwap.

Ŋitic. 14:14

Ani iirarete Baranaba ka Paulo ŋakiro ŋun, tociliciliyasi ŋilowi kec, toema tooma nasepico a ŋituŋa iworoete ebasi,