Mat. 26:39 - Ebaibul

³⁹ Torotok iŋes kiŋaren iwadio, kibusokin kwap kijuuru kilip tema, “Okoe! Papa, ani kepedor, tolema ekopo ŋolo a ŋican lo aneni kaŋ. Meere nai ikwa acamitor ayoŋ, nai ikwaŋina icamitor iyoŋ.”

Mat. 26:39 Iomraidhean Croise

Akisy. 17:3

Toryedik Aburam, kijuuru todol ereet kwap, tosodi Akuj tema,

2 Sam. 15:26

Nai ani ketema Ekapolon, ‘Nyakarimanikinit ayoŋ iyoŋ,’ ayoŋ lo kimyekisi iŋes kitiya neni kaŋ ŋuna ebala iŋes ejokak aŋuna kaŋ.”

1 Ŋakiro a ŋirwa 21:16

Kiŋoliya Daudi kidiama, kiŋolik emalaika ke Ekapolon ewoi alokidiŋ nakuj ka akwap, etiŋit ekileŋ ŋolo alemunitae anakuraro aarya ŋituŋa a Yerusalem. Apotu nai Daudi ka ŋikasikou tonapa ŋilowi ŋulukigworyet, toramakinos kwap, kijuuroto.

Isa. 50:5

Aŋaa Ekapolon Akuj ŋaki kaŋ ka abu ayoŋ nyaruwor ekaŋeron ŋakiro keŋ, abu ayoŋ nyaboŋo aneni keŋ.

Isa. 53:12

Aŋun, ainakini ayoŋ iŋes akibois aneni a ŋikapolok, ekorete iŋes ka ŋikagogoŋok ŋiboro ŋulu eŋatunitae, anerae abu iŋes tocamu atwanare ka aponi kimarakinae iŋes neni a ŋulu abilibiliyete ŋikisila, nai abu iŋes tocamu akidaŋ ŋasecisya a ŋikalalak ka abu todyek Akuj aŋuna a ŋulu ebilibiliyete ŋikisila.

Esek. 1:28

Ekoni akica ŋin ileere neni ileereo alokakinet apaki ŋina eyakar akiru tocai akoloŋ. Ayai etorube ŋol kidiŋ akica ŋin. Arae ŋol etakane ŋolo ka apolou a ŋina ke Ekapolon. Ani eŋolikini ayoŋ akica ŋin, abu omin kwap, oper obuburiyar, eiira etoil a ice irworo neni kaŋ.

Ekim. 14:5

Aŋun, abu Moses ka Aron toramakinos kwap, tobuburiyaros alokiŋaren atukot a Ŋisirael daadaŋ.

Ekim. 16:22

Anenipei, toramakinos Moses ka Aron todolo ŋireetin kwap, ido temasi, “Okoe Akuj, Akuj ŋina a ŋitai a ŋituŋa a daadaŋ, iŋoikini iyoŋ ŋituŋa daadaŋ aŋuna ka asecit a ipeituŋanan a?”

Mat. 20:22

Toboŋok Yesu ikes tema, “Nyiyenete iyes ŋuna iŋitasi. Ipedorete iyes akimat ekopo ŋolo a ŋican ŋolo alosi ayoŋ akimat a?” Toboŋokis ikes temasi, “Ikipedori.”

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mat. 26:42

Toboŋo nabo iŋes akilip tema, “Okoe! Papa, ani pa kitemokino alemar ekopo ŋolo a ŋican lo aneni kaŋ, alemar mati kamat iŋes, kitiyakin ŋuna icamit iyoŋ.”

Mar. 13:22

Anerae epote ŋikamodyanakinak ka ŋikadwarak ŋulu amodiyanak ebasi ebe ikirae ikes atakristo. Epote ikes akitiya ŋakitoodyanakineta ŋuna ailiilok ŋuna isuparete ŋituŋa ŋulu seuna erae kepedorete.

Luk. 17:16

Tolot toramakin kwap nakejen a Yesu kijuuru, tolakar neni keŋ. Arae iŋes Esamaritanoit.

Yoa. 11:41

Tolemasi nai ikes amoru analyal. Kireo Yesu kidiama nakuj tema, “Alakara ayoŋ neni kon Papa, anerae ikiira iyoŋ ayoŋ.

Yoa. 14:31

nai etiyae ayoŋ ikwaŋina ekecikakinitor Papa, ikotere eyenuniata ŋituŋa ŋulu ka akwap atemar amina ayoŋ Papa. Tonyoutu, oloto a ne.

Yoa. 18:11

Tolimok Yesu Petero tema, “Kinyakak atum kon nakuraro! Itami iyoŋ atemar nyamasi ayoŋ ekopo ŋolo a ŋican ŋolo akainaki ayoŋ Papa kaŋ lo a?”

Yoa. 5:19

Tolimok Yesu ikes tema, “Akalimokini ayoŋ iyes kire atemar, emam idiobore ŋini epedori Lokoku akitiya bon, nai itiyae iŋes ŋuna make iŋolikini iŋes Akuj Papa keŋ itiyae, anerae ŋuna daadaŋ itiyae Papa, itiyae Lokoku daŋ ikwaŋinapei.

Yoa. 5:30

“Emam idiobore ŋini apedori ayoŋ akitiya aŋuna ka apedor kaŋ bon. Atubonokini ayoŋ ikwaŋina akalimokinitere; eriyan ekaatubokine, anerae nyewarit ayoŋ ŋuna acamit, nai acamit a ŋolo ekeyakuunit ayoŋ.

Yoa. 6:38

anerae nyabunit ayoŋ anakuj akitiya acamit kaŋ, nai akitiya acamit a ŋolo ekeyakuunit ayoŋ.

Ŋitic. 10:25

Ani elomari Petero kai, kisiryam Kornelio iŋes toramakin nakejen keŋ, kilip neni keŋ.

Ŋipil. 2:8

Alotakane keŋ arae ituŋanan, abu kitiditeun, ido kiwuap ŋuna acamit Akuj tari natwanare keŋ--atwanare keŋ alomusalaba.

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.