Mat. 24:44 - Ebaibul

⁴⁴ Aŋun, itemokino iyes daŋ totenito, anerae ebuni Lokoku a Ituŋanan apaki ŋina nyitamakinitotor iyes atemar ebunio.

Mat. 24:44 Iomraidhean Croise

Mat. 24:27

Anerae ikoni abunore a Lokoku a Ituŋanan neni imilyaunia akimilyaunet alo Kide tari To.

Mat. 24:42

“Aŋun totenito, anerae nyiyenete iyes Akoloŋit ŋina ebunio Ekapolon kus.

Mat. 24:43

Toyenutu nu, kerae toyenunite elope akai esaa ŋolo ebunio ekokolan nakwaare, kekienyit iŋes ka pa kimyekinit ekokolan ituwuokini akai keŋ.

Mat. 25:10

Ani elosito ikes akigyel akimyet, todolu ekeitan. Tolomasi iŋes ka ŋapesur ŋuna atenito kai ŋina eitare, tosodi togolokinoe ekek.

Mat. 25:13

Kirikak Yesu ŋakiro ŋun ebala, “Totenito, anerae nyiyenete akoloŋit kori esaa.”

Luk. 12:39

Toyenete nabo atemar kerae toyeni elope ere esaa ŋolo edolunio ekokolan, kekienyit iŋes, ikotere nyebwaŋi akai keŋ.

Luk. 12:40

Iyes daŋ totenito, anerae ebuni Lokoku a Ituŋanan apaki ŋina nyiyenete iyes.”

Luk. 21:36

Torubakisi ikienyete, nabo kilipete jwi jwi, ikotere toryamut agogoŋu ŋina ibucarotor anakiro a daadaŋ a ŋuna etakanunete ka towueta alokiŋaren Lokoku a Ituŋanan.”

Ŋipil. 4:5

Kiyapara alotuŋa a daadaŋ. Aapuu apaki ŋina ebunio Ekapolon.

Yak. 5:9

Ŋikaitotoi, tojoŋoto akiŋuruŋura make, ikotere nyikitubok Akuj. Kiirasi! Aapuu Ekatubon, eapi atakanun keŋ.

Akis. 19:7

Olelyana ka olakaros, epuro apolou keŋ! Anerae adol apaki ŋina a ŋasuban a ŋuna ke ekiitanu a Imesek, itemokino daŋ ateran keŋ aŋuna keŋ.