Mat. 24:4 - Ebaibul

⁴ Toboŋok Yesu ikes tema, “Tocoito nyikimodik idiotuŋanan iyes.

Mat. 24:4 Iomraidhean Croise

Yer. 29:8

Alimu Ekapolon ŋolo a ŋajoresyo, Akuj a Ŋisirael ebe, “Nyimyekis ŋikadwarak ka ŋimurok ŋulu iboiyete ka iyes ikimodyanakis iyes ka nyinupa ŋakiro ŋuna irujaete ikes,

Yer. 37:9

Aŋun, nyimodikinosi bon ibasi, ‘Kire jik eakarete Ŋibabiloniyae aneni kosi,’ anerae nyeakarete ikes jik.

Mar. 13:22

Anerae epote ŋikamodyanakinak ka ŋikadwarak ŋulu amodiyanak ebasi ebe ikirae ikes atakristo. Epote ikes akitiya ŋakitoodyanakineta ŋuna ailiilok ŋuna isuparete ŋituŋa ŋulu seuna erae kepedorete.

Luk. 21:8

Toboŋok Yesu ikes tema, “Tocoito nyikimodik ituŋanan. Epote ŋikalalak irworosi alokiro kaŋ ebasi, ‘Ayoŋ iŋes ŋolo!’ kori ebasi, ‘Adol apaki!’ Nai tocoito iwuapakinete ikes.

Ŋigal. 6:3

Ani ketami ituŋanan atemar arae iŋes ŋae torae bo kire ikoŋinait, emodyanakin iŋes bon.

Ŋiep. 4:14

Ejoŋoo nai iwon ayakau ikisibit ŋidwe, ŋulu ikiryaŋiryaŋete ŋakitatameta a ŋituŋa a ŋulu alyokonok, ikwa ataker ŋina iryaŋiryaŋete ŋikaguragurae ŋulu a ŋakipi; iteseceneneete ŋituŋa ŋul ŋuluce aŋuna ka amodiyo a ŋina elimonokinete ikes.

Ŋiep. 5:6

Nyicamut idiotuŋanan ikimodikini iyes a ŋakiro a ŋuna ka amodiyo; anerae aŋuna a ŋakiro a ŋun, ebuni anyunyura ŋina ka Akuj neni a ŋulu nyepupete ŋakiro keŋ.

Ŋikol. 2:18

Nyicamut ikimodikini iyes idiotuŋanan ŋini iitanit aanyunun ŋakitoodikineta ŋuna a ŋimalaikan ka torubakinite itatami ŋuna ka akitiditeuna a ŋina erae alyokonu ka kilipi daŋ neni a ŋimalaikan. Aŋuna a ŋakiro a ŋuna emam apolou, ituro ituŋanan ŋin ikoŋin aŋuna ka akitam keŋ a ilope

Ŋikol. 2:8

Nyicamut nai idiotuŋanan ikisupari iyes alotooma aosou a ŋituŋa ŋina erae amodiyo ŋina koŋinait, ŋina ebunit anakitatam a ŋituŋa ka aneni a ŋipyan a ŋulu ipukato akwap na, meere aneni a Kristo.

2 Ŋites. 2:3

Nyikimodik iyes idiotuŋanan alopite a edio daŋ, anerae nyebuni Akoloŋit ŋin, mati kedol mono apaki ŋina eŋeryoto ŋituŋa ŋulu alalak Akuj, ido totakanu nai Eketepegan ŋolo ka Akuj, ŋolo emaikina tocakakinae nakim ŋina nyeduŋe.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.