Mat. 24:35 - Ebaibul

³⁵ Edaunosi nakuj ka akwap, nai nyedaunosi ŋakaakiro jik.

Mat. 24:35 Iomraidhean Croise

Ŋikiru. 102:26

Edaunosi ikes, nai irubakini iyoŋ iyai; enyamunosi ikes daadaŋ ikwa ŋilowi. ilocokini iyoŋ ikes ikwa ŋilowi, ido edaunosi.

Ŋikiru. 119:89

Okoe Ekapolon, iyai iyoŋ ŋikaru ka ŋikaru; eyai akirot kon jik nakuj.

Ŋikiru. 19:7

Iyookino ŋikisila ŋulu ke Ekapolon, ikisimukyanakinete anakiyar. Ikinyoma ŋakiciketa ŋuna ke Ekapolon, einanakinete aosou neni a ŋulu emam ŋuna eyenete.

Ŋikiru. 89:34

Arubakini ayoŋ ericit acamunet kaŋ ka iŋes ka ericit ŋakiikineta daadaŋ ŋuna adau ayoŋ akiikin iŋes.

Ŋakit. 30:5

Isiyoonokini Akuj ŋakiro keŋ daadaŋ; erae Akuj aupal a daadaŋ a ŋulu elosete aiuno neni keŋ.

Isa. 34:4

Inyasunosi ŋikacer, elap ka akoloŋ alokidiama, elugurikin kidiama lopite ŋolo elugurikinere akaratas. Enyipinyipaarosi ŋikacer, elap ka akoloŋ alokidiama, lopite ŋolo einiyaryata ŋakwii alokitoe a epiini, kori lopite ŋolo einiyaryata ŋaraito a ebobore.

Isa. 40:8

Einiyarete ŋinya, ido toraraun ŋatur; nai erubakini akirot ŋina ke Ekapolon jik.”

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

Isa. 54:10

Epedorete ŋimoru aŋopiyar ka epedoryo ŋikamukumukui alemar, nai nyalemari ayoŋ amina kaŋ ŋina nyiryaŋiryaŋa aneni kon, nyepedoryo alemar aneni kon acamunet kaŋ ka iyoŋ ŋina ke ekisil. Alimu Ekapolon ŋolo ikisyonit iyoŋ ŋakiro ŋun.

Isa. 55:11

ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Dan. 4:28

Apotu ŋakiro ŋun daadaŋ kitiyakinos neni a erwosit Nebukadinesar.

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Mat. 5:18

Akalimokini ayoŋ iyes kire atemar, mati kesalu nakuj ka akwap, emam enyukuta kori akirot adio cici ŋina ikisaryo a Lokisila, mati kirikakin ŋakiro daadaŋ.

Mar. 13:31

Edaunosi nakuj ka akwap, nai nyedaunosi ŋakaakiro jik.”

Luk. 21:33

Edaunosi nakuj ka akwap, nai nyedaunosi ŋakiro kaŋ jik.

Tito 1:2

ŋakiro ŋuna eponito anakigeno a ŋina ka akiyar a ŋina nyedaun. Abu Akuj ŋina nyelyokono ikiik iwon akiyar ŋin eriŋa ŋakwapin nyesubuna

1 Pet. 1:25

nai erubakini akirot ŋina ke Ekapolon jik.” Akirot ŋin, ikes Ŋakiro ŋuna Ajokak ŋuna aponi ikiserakin iyes.

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.

Akis. 3:14

“Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.

Akis. 6:14

Toŋopya adis kikok akaratas ŋina ebilakinio ka aponi kisiyotoroe ŋimoru ka ŋiculata ŋulu ka anam aneni sek eyakasi.