Mat. 24:22 - Ebaibul

²² Nai etuuruwuan Akuj ŋirwa ŋul. Kerae nyituuruwuanit, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Mat. 24:22 Iomraidhean Croise

Isa. 6:13

Tari kidoŋ ituŋanan ipei alotooma ŋitomon nakwap earyo ŋini daŋ ikwaanikin iŋes ka apuŋure a ekwaakwaa, kori ŋina a ekuyon ŋina idoŋi kedaun ayepar ekitoe.” Apuŋure ŋin erae akisyakinet ŋina kitete ŋina a ŋituŋa a ŋulu ka Akuj.

Sakar 13:8

ido alotooma akwap daadaŋ, etwakete ŋituŋa ŋulu edolit ŋiarei alotooma ŋiuniuni. Eyari ipei alotooma ŋiuniuni.

Sakar 14:2

anerae acunakini ayoŋ ŋakwapin daadaŋ kimana Yerusalem kitijioto, ikamarete ikes Yerusalem, toŋatasi ŋiboro anakais ka toreikis ŋaberu akiryamakin ka ikes, erikoryo atutubet aŋituna apei alotaun, nai idoŋete ŋituŋa ŋuluce lotaun.

Mat. 22:14

Anerae elalak ŋulu enyaritae, nai ekudyoko ŋulu eseunio.”

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mat. 24:31

Iyakuuni iŋes ŋimalaikan keŋ apaki ŋina ekutakinere arupepe ŋina apolon, tocunakis ŋiseuna keŋ alowaetin ka akwap a daadaŋ, ameun anakisyakinet tari nasalunet.

Mar. 13:20

Kerae nyituuruwuanit Akuj ŋirwa ŋul, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Luk. 18:7

Ani bo Akuj, nyepedori mono iŋes akitiya neni ajokan loseuna keŋ ŋulu igworonokinete iŋes apaaran jwii ka akuwar kya ecamito akiŋarakino a? Edidi iŋes akiŋarakin ikes a?

Ŋirom. 9:11

Tari eriŋa ikes nyidouno ka eriŋa ikes nyitiya ŋuna ajokak kori ŋuna aronok, aponi tolimokinae Rebeka ebe, “Eruwor edya ŋolo apolon eketiyan a ŋolo cici.” Aŋun, erae aseunet ŋina ka Akuj ŋina iwuapit epite ŋolo ikinyaraa iŋes alope; meere aŋuna a idiobore a ŋini itiyae ituŋanan.

2 Tim. 2:10

Edaŋidaŋi ayoŋ ŋun daadaŋ aŋuna a ŋituŋa a ŋulu aseu Akuj, ikotere ikes daŋ eryamunete aiuno ŋina ebuni aneni a Yesu Kristo ka ŋina eyauni ajakaanut ŋina nyedaun.

1 Pet. 1:1

Ayoŋ Petero, ekiyakia a Yesu Kristo, egirit abaruwa na neni a ŋituŋa a ŋulu seuna a ŋulu ka Akuj, a ŋulu erae ŋikawuotok ka ielakina nakwapin nu: Ponito, Galatia, Kapadokia, Asia ka Bisinia.