Mat. 24:15 - Ebaibul

¹⁵ “Iŋolikinete iyes ŋiboro ŋulu aronok eyakasi neni einakinitae Akuj, ikwaŋina koloŋ alimunitor ekadwaran Daniel, (toyenu ekasyoman apolou a ŋakiro a nu!)

Mat. 24:15 Iomraidhean Croise

Yer. 44:29

Ebala Ekapolon, ‘Erae akitoodikinet atemar abuni ayoŋ akisican iyes anakibois a na, ikotere iyenuniata iyes atemar iyookin kire jik ŋakiro kaŋ ŋuna alimu ayoŋ aŋuna kus:

Esek. 40:4

Abu ekile ŋol tema neni kaŋ, “Lokoku a ituŋanan, kiŋolik ejok ediyediye ka topupok ejok nooi, yau ŋatameta kon neni a ibore a daadaŋ a ŋini alosi ayoŋ akitoodikin iyoŋ, anerae aponi iyoŋ ikiyaun ne, ikotere eketoodikini ayoŋ iyoŋ ibore daadaŋ. Emaikina iyoŋ tolimok Ŋisirael ibore daadaŋ ŋini iŋolikini iyoŋ a ne.”

Dan. 1:6

Alotuŋa a ŋulu aponi toseunae, ayakasi Daniel, Anania, Misael ka Asaria ŋulu arae ŋulu alokabila a Yuda.

Dan. 11:31

Epote ŋasigarya ŋuna iyakuunit iŋes, ido toloma nen, tomunaasi ŋaduketa ŋunajiet, itojoŋoete ikes ŋituŋa ayaunun ŋamuronisya ŋuna a ŋinakoloŋit ka eyaunete ikes nen asiilyo ŋina eyauni ekasile.

Dan. 12:11

Ameun anakoloŋit a ŋina ajoŋoere ayaunun ŋainakineta ŋuna epeyo, akoloŋit ŋina etiyaere asiilyo ŋina abu yau ekasile, eyakaun ŋirwa aliput ka ŋamiae ŋaarei ka ŋatomoniomwon.

Dan. 9:23

Apaki ŋina igeunia iyoŋ adyekanar ilipi, ibu iyoŋ tolimu akirot, abu tokona ayoŋ alimokin iyoŋ aboŋokinet a akirot a ŋin, anerae ikiminae iyoŋ nooi. Aŋun totamatama ŋuna ka akirot a ŋin, ido toyenu akisileerekinet.

Dan. 9:25

Aŋun, toyenu atemar ameun anapaki a ŋina alimorere atemar emaikina kinyakunae Yerusalem ka todukoe nabo, akitodol apaki ŋina ebunio ekarikon ŋolo eseunit Akuj, eyakaun ŋikaru ŋatomoniomwon ka ŋikanikaomwon ka alotooma ŋikaru ŋamiae ŋaomwon ka ŋatomonikanikapei ka ŋiomwon, edukokinio Yerusalem nabo toyakaun ŋirotin ŋulu ke etaun ka ŋarwatatain ŋuna erae ŋatabab ewuatere etaun, nai itiyao ŋun anapaki a ŋina a ŋican.

Dan. 9:27

Iwuakini nai ekarikon ŋol acamunet ŋina agogoŋon ka ŋituŋa ŋulu alalak, acamunet ŋina iboi ŋikaru ŋikanikaarei, ani elunyar atutubet apei ŋina a ŋikaru a ŋul, elemari iŋes ŋamuronisya ka ŋainakineta. Iwuakinio neni sek eayeneneo ikes etorube ŋolo aronon ŋolo asiilyanan ŋolo eyauni ekasile. Erubakini iŋes eyai nen akitodol ŋina emunaarya Akuj ŋini abu kiwuak etorube ŋolo nen, itiyakin ŋun lopite ŋolo etubunitor Akuj.”

Mat. 24:16

Itemokino nai ŋulu eyakasi Yudaya, toema lomoru,

Mar. 13:14

“Iŋolikinete iyes asiilyo etakanuni neni nyitemokino etakanunia. (Itemokino ŋini esyomi toyenu apolou a ŋakiro a ŋun!) Apaki ŋin, itemokino ŋulu eyakasi Yudeya, toema lomoru.

Luk. 19:43

Epote ŋirwa ŋulu ikirikauniata iyes ŋimoi kus itoroosi alowaetin a daadaŋ.

Luk. 21:20

“Ani iŋolikinete iyes Yerusalem irikaunito ŋajorei a ŋimoi, toyenete atemar aapiki akinyasun iŋes.

Yoa. 11:48

Ani kikilakak iwon iŋes itiyae jik ikona, epote ŋituŋa daadaŋ akiwuapakin iŋes, potu nai Ŋiromanin akinyasun Akai ka Akuj kaapei ka akwap yok.”

Ŋitic. 21:28

Tocelut ikes temasi, “Ŋituŋa a Isirael, kiŋarakinae! Elo ekile ŋolo irimit akwap daadaŋ akitatam ŋituŋa daadaŋ akitoroniyar ŋituŋa a Isirael, Ŋikisila a Moses ka Akai ka Akuj na. Nabo tokona ayau iŋes tari ŋituŋa ŋulu nyerae Ŋiyudayan tooma Akai ka Akuj, ido etooŋoryan ne, neni imyekinitae aŋuna ka Akuj!”

Ŋitic. 6:13

Yaut ŋisuudae ŋulu esudete ŋakiro ŋulu abasi, “Nyieŋununui ekile lo erwor ŋuna aronok Kai ka Akuj na ŋina asegan ka Lokisila ŋulu ka Akuj;

Ŋibur. 2:1

Aŋuna a ŋakiro a ŋun, itemokino ericakisi ejok ŋuna ikidau akiirar, ikotere nyikioliyo.

Akis. 1:3

Erereŋ ituŋanan ŋini esyomi ŋakiro ŋuna edwaritae ka erereŋ ŋulu epupete nu kiricakis ŋakiro ŋuna igiritae lokitaabo lo! Anerae eapi apaki ŋina etakanuniata ŋakiro nu.

Akis. 3:22

“Iŋes ŋini eya ŋaki, kiira ŋuna irworo Etau natukon ŋuna a Ŋikristo.”