Mat. 23:39 - Ebaibul

³⁹ Anerae akalimokini ayoŋ iyes atemar, nyikianyunete iyes ayoŋ nabo, mati kedol akoloŋit ŋina itemaryata iyes, ‘Erereŋ ŋolo ebunit alokiro a ŋolo ke Ekapolon.’ ”

Mat. 23:39 Iomraidhean Croise

Ŋikiru. 118:26

Erereŋ ŋini ebunit alokiro ke Ekapolon. Ikilakar isua neni kus a ŋulu iponito Kai ke Ekapolon.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Mat. 21:9

Tocalut ŋasepico a ŋituŋa ŋuna ayakasi kiŋaren Yesu ka ŋulu ewuapito iŋes ebasi, “Osanna Lokoku a Daudi! Erereŋ ŋolo ebunit alokiro ke Ekapolon! Osanna toyai kidiama nooi!”

Luk. 17:22

Tolimok nai Yesu ŋikasyomak keŋ tema, “Epote ŋirwa ŋulu iitaniata iyes akiŋolikin tari apeikoloŋit ŋina a Lokoku a Ituŋanan, nai nyiŋolikinete jik.

Yoa. 14:19

Apaki adio cicinyekeŋolikinete nabo ayoŋ ŋituŋa ŋulu ka akwap a na, nai ikiŋolikinete iyes ayoŋ ka aŋuna ayarya ayoŋ, iyarete iyes daŋ.

Yoa. 14:9

Tolimok Yesu iŋes tema, “Pilipo, ikirukit iyoŋ ka ayoŋ ŋinapei, nai eriŋa iyoŋ nyeyenuna ayoŋ a? Ŋini adau aanyun ayoŋ, aanyu Papa kaŋ daŋ, kaanukiro nai ibaakar iyoŋ, ‘Kitoodikinae isua Papa?’

Yoa. 8:21

Tolimok nabo Yesu ikes tema, “Alosi ayoŋ. Ikiwarete iyes ayoŋ, nai itwakete anasecit kus; nyipedorete iyes aponare neni alosi ayoŋ.”

Yoa. 8:24

Akalimokinit ayoŋ iyes atemar, itwakete anasecit kus. Kire itwakete anasecit kus, erae pa kinupa atemar ‘Arae Ayoŋ ŋolo Arae Ayoŋ.’”

Yoa. 8:56

Abu papaa kus Aburaam tolelyan, anerae ayeni atemar alosi iŋes aanyun akoloŋit ŋina abunio ayoŋ; abu kire toanyu, ido tolakar nooi.”

Ŋirom. 11:25

Ŋikaitotoi kaŋ, eya ŋakiro ŋuna a kire ŋuna ka akimunono ŋuna acamit ayoŋ iyes toyenut. Ikitojoŋoe nen iyes akitam atemar kori iosok iyes. Ikote ŋakiro ne: nyerae akisyaanua Ŋisirael a ŋice ŋinaruba, nai edaun anapaki a ŋina ecamuniata daadaŋ ŋulu eseunitae aneni a ŋulu nyerae Ŋiyudayan ŋakiro ka Akuj.