Mat. 23:28 - Ebaibul

²⁸ Aŋun, iyes daŋ itusubuna ŋulu iyookino alokiŋa, nai tooma kus ileleba ŋisoswae ka aronis.

Mat. 23:28 Iomraidhean Croise

Ŋikiru. 51:6

Kire jik, icamit iyoŋ akiyookino ŋina eyai lotau a ituŋanan. Aŋun, kilelebik aosou kon natameta kaŋ.

Ŋakit. 26:26

Epedori emoit kon akimunon ŋuna ikimanitor, nai isileereunio aloikiiko ŋakiro ŋuna aronok ŋuna ikimanitor iŋes iyoŋ.

Mat. 23:27

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Ikote iyes ŋalyalin ŋuna ilelyatae kiwosae neni akwaŋan kiŋa kibusyata, nai tooma kec ileleba ŋakoyo a ŋikatwak ka abosis daadaŋ.

Mat. 23:29

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Ibokete iyes ŋalyalin ŋuna ajokak aŋuna a ŋikadwarak ka isibusito ŋalyalin a ŋulu koloŋ eyookino;

Mat. 23:5

Itiyaete ikes ŋakiro daadaŋ ecamito atemar kiŋolikis ŋituŋa ekecetic. Itopoloto ikes ŋakebei ŋuna iŋadatae ŋakiro ŋuna ka Akuj, ŋuna etorito ikes loreetin, tonapito alokeperin daŋ. Nabo isanisanito ŋilowi kec ŋulu aoyak.

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Ŋigal. 2:13

Apotu ŋikaitotoi ŋuluce daŋ ŋulu Yudayan togeut kaapei ka Petero alotooma akuryanu akitiya ŋuna ayenete ikes atemar nyiyookino; tari Baranaba daŋ, torikosi ŋakiro ŋuna etiyaete ikes.

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”