Mat. 23:13 - Ebaibul

¹³ “Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Mat. 23:13 Iomraidhean Croise

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Sakar 11:17

Ekaŋ iyoŋ ekeyokon kaŋ ŋolocaryoit, ŋolo iesianakini ŋamesekin! Elemaryo apedor kon alojie. Einiiyari akan kon ka emudukani akoŋu kon ŋina alo teten.”

Mat. 23:16

“Ekaŋ iyes, ŋikarikok ŋulu imudukaka! Ibasi iyes ebe, ‘Ani kikoŋ ituŋanan alokiro ka Akai ka Akuj emam ŋakiro, nai ani kikoŋ ituŋanan elimit ŋiboro ŋulu ka Akai a ŋina ka Akuj ŋulu itiyaunitae a egolid, imicao.’

Mat. 23:23

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Ilemianakinete iyes Akuj alemikinet apei anatomon a ŋikito a ŋulu itoboboete akimuj. Nai nyiricakinito iyes ŋakitatameta ŋuna apolok ŋuna a ŋikisila, ikwa akitiya ŋuna iyookino, akisyon, ka anupit.

Mat. 23:25

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Itesegete iyes ekopo ka asaani kiŋa bon, nai tooma kec ileleba akimuj ŋina demuna alotooma narorokanut.

Mat. 23:27

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Ikote iyes ŋalyalin ŋuna ilelyatae kiwosae neni akwaŋan kiŋa kibusyata, nai tooma kec ileleba ŋakoyo a ŋikatwak ka abosis daadaŋ.

Mat. 23:29

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Ibokete iyes ŋalyalin ŋuna ajokak aŋuna a ŋikadwarak ka isibusito ŋalyalin a ŋulu koloŋ eyookino;

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Luk. 11:52

“Ekaŋ iyes ŋiketatamak a Ŋikisila! Iwua iyes ekipuŋguwo ŋolo eŋae akai ŋina eyai aosou; tari iyes ŋilopeyek nyelomara, nabo iretakis iyes tari ŋulu acamito alomar!”

Yoa. 9:22

Alimunete ŋikauruunak keŋ ŋun aŋuna akeritotor ŋikarikok a Ŋiyudayan; anerae atukito sek Ŋiyudayan atemar, ŋini enupi ebe Yesu iŋes erae Kristo, ikisaryo alosinagoga.

Yoa. 9:24

Tonyarata ikes nabo ŋolo sek amudukana, tolimokis iŋes temasi, “Kikoŋ alokiŋaren Akuj atemar ilimuni iyoŋ ŋuna a kire; ikiyeni isua atemar ekasecan ekile ŋolo kikitekienyuni iyoŋ.”

Yoa. 9:34

Tolimokis ŋituŋa ŋul iŋes temasi, “Ikidounitoe iyoŋ irae ekasecan ka itusubuna iyoŋ eketataman isua a?” Kiritasi nai ikes iŋes alosinagoga.

Ŋitic. 13:8

Nai abu ekekukujan Elimas (epite ŋol anyaritotor Ŋigirik Ba-Yesu ŋol), ŋolo acamit akitooliyor ekepukan ananupit ŋakiro ŋuna ka Akuj, kitepeg ikes.

Ŋitic. 5:28

“Ikicikit paaran isua iyes nooi atemar, toesikisi akitatam alokiro a lo, nai isiryam iyes ŋakiro ŋuna itatamete Yerusalem daadaŋ ka icamito daŋ areeun atemar pena ŋaokot keŋ nakyes kosi!”

Ŋitic. 5:40

Tonyaraut nai ikes Ŋikiyakia tooma, kibuŋata, ido kicikakis nyirwor nabo alokiro a Yesu, tolakakis ikes toloto.

Ŋitic. 8:1

Ayai Saulo nen, kitojokite atwanare a Stepano. Akoloŋit ŋin, tolomu akisicanio ŋina aronon nooi natukot a ŋikanupak a Yesu ŋina ayai Yerusalem. Kielarae ŋikanupak daadaŋ, toloto ikes Yudeya ka Samaria; kidoŋo Ŋikiyakia bon.

2 Tim. 3:8

Ikwaŋina aponiata Yane ka Yambure kitepega Moses, itepegete ŋikilyok ŋul daŋ ŋakiro ŋuna a kire--ŋikilyok ŋulu nyisitiyaete ŋatameta kec ka ŋulu enyasut anupit kec.

2 Tim. 4:15

Tocoite mono iyoŋ iŋes, anerae itepegit iŋes ka agogoŋu ŋakiro yok.