11 Itemokino ŋini epol alokidiŋ kus toruwor ekusiketiyan.
Nyitemokino itonyarae iyes ‘Ekarikon,’ anerae eyai iyes ekarikon epei; iŋes Kristo.
Kiboikin nai Yesu kwap, tonyara ŋikasyomak keŋ ŋulutomon ka ŋiarei tema, “Ituŋanan daadaŋ ŋini ecamit aruwor ŋini eŋarenon, itemokino toruwor iŋes ŋini esidyon ka eketiyan a daadaŋ.”
Arae ayoŋ ituŋanan ŋini alacakina ka nyarae epito a idiotuŋanan, nai eturuwor ayoŋ epito a ŋituŋa a daadaŋ, ikotere onyaraunia ŋituŋa ŋulu alalak nooi neni a Kristo.
Eraakasi ikes ŋiketiyak a Kristo a? Erworo ayoŋ ikwa ŋolo a ŋikerep--eloit ayoŋ ikes anaraakau eketiyan! -- Abu ayoŋ etiya nooi adepar, aponi ekewuakin mabus ŋarwa ŋakalalak, ekebuŋatae ŋakibuŋa ŋuna nyimarun, ŋapakio ŋuna alalak adikino atwani.
Nyikilimonokini isua ŋuna ikikamunito isua; nai ikilimonokini Yesu Kristo ikwapei Ekapolon, ka isua ikwapei ŋiketiyak kus aŋuna a Yesu.
Nai iyes ŋikaitotoi kaŋ, aponi iyes ikinyarae aruwor ŋulu ilacakina. Nyicamakis nai alacakina ŋin eruwor ŋina kimyekinet ekibure ŋolo a ŋawat kus ikipukae iyes. Akilo, kimyekisi amina ikiinak iyes akijaanakin make.
