Mat. 22:4 - Ebaibul

⁴ Kiyakiya nabo ŋipi keŋ ŋice, alimokin ŋulu anyaritae nasuban atemar, ‘Etemok ayoŋ akimuj, aarit ŋimoŋin ka ŋitak ŋulu atumak, etemokin ŋiboro daadaŋ; potu nasuban!’

Mat. 22:4 Iomraidhean Croise

Neem. 9:17

apotu ikes toŋero akiwuap ŋakiro kon, nyemitakis ŋaumonokineta ŋuna itiyat iyoŋ alokidiŋ kec, nai apotu ikes kitogogoŋo ŋakyes kec, kiitana aboŋor napitoonut kec alo Ijipit. Nai irae iyoŋ Akuj ŋina itenit akisyon, Akuj ŋina ejok ka isyoniono, ŋina nyeŋoi atipei ka ŋina elal amina, ŋina nyiryaŋiryaŋa, ido ibu iyoŋ nyiŋer ikes.

Ŋikiru. 86:5

Irimaana ka isyoniono iyoŋ, okoe Ekapolon, elal amina kon ŋina nyiryaŋiryaŋa aŋuna a daadaŋ a ŋulu ilipete neni kon.

Ŋakit. 15:17

Ejok akinyam ŋidyas tolakara, akilo akinyam ŋimoŋin ŋulu atumak ŋulu ikimanere.

Eete a Ŋie. 5:1

Abu ayoŋ lomanikor kaŋ, nakaato kaŋ ka ateran kaŋ, adau ayoŋ acunakin eminae ŋolo akukunyon ka ŋikito ŋulu akukunyok, adau ayoŋ akinyam ŋapune ŋuna ka ao kaŋ ka akimyet ŋina ka ao kaŋ, adau ayoŋ akimat epiini kaŋ ka ŋakile kaŋ. Okoe ŋikonei kaŋ, kimuja ka tomata, ibus ŋolominat kaŋ alokidiŋ ŋisorok, ŋuluminan kaŋ, tomata kimwoko.

Mat. 21:36

Kiyakiya nabo elope emanikor ŋipi ŋice ŋulu alalak ŋulu eloito ŋulu sek eyakiyarit iŋes ekiŋaren; kitiyata neni kec daŋ ikwaŋinapei.

Mat. 22:5

Nai apotu ŋituŋa ŋul nyemitakis, toloto akitiya ŋikeceticisyo; tolot epei lomanikor keŋ, ŋoloce tolot lodukan keŋ.

Mat. 22:8

Tonyarau iŋes ŋipi keŋ tolimok tema, ‘Etemokin ŋasuban, nai ŋituŋa ŋulu anyaritae, nyitemokino ikes epote ne.

Luk. 14:17

Ani edoli apaki ŋinakimujet, kiyaki iŋes epito keŋ anyarare ŋipeyok tema, ‘Potu, anerae etemokin ibore daadaŋ!’

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 13:46

Kirworo nai Paulo ka Baranaba neni kec pa ekuryanito temasi, “Arae neni kus mono etemokino akirot ŋina ka Akuj tolimonokinae. Nai ikwapei iŋeryoto iyes ŋakiro nu ka itamete atemar nyemaikina iyes aryamun akiyar ŋina nyedaun, tokona elosyo isua lotuŋa ŋulu nyerae Ŋiyudayan.

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?