Mat. 21:44 - Ebaibul

⁴⁴ Ituŋanan daadaŋ ŋini eramakin namoru ŋin, enyilinyilaar, anikecakakin amoru ŋin kidiama ice, inyaadiyari iŋes.]”

Mat. 21:44 Iomraidhean Croise

Ŋikiru. 2:12

Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.

Ŋikiru. 2:9

Idicari iyoŋ ikes, kinyas ikes ikwa ŋamoti ŋuna ebwaŋabwaŋaryo.”

Isa. 28:13

Ŋakiro ŋun iŋes elosyo Ekapolon alimun ebe, “Kitatamae ikes ŋikisila ka ŋikisila, ŋikisila ka ŋikisila, elain a ŋakiro epei ka ŋoloce, elain a ŋakiro epei ka ŋoloce, ŋadi a ne ka ŋadi ka ama;” ikotere nai ani elosete ikes kimasar ekaukau tobilas, kikamarae ka torikoroe.

Isa. 60:12

Emunyaryo ŋituŋa a akwap, kori a apukan a ŋina nyikitiyanakini iyes; inyasunio nooi ŋakwapin ŋun.

Sakar 12:3

Akoloŋit ŋina ecunakinotor ŋakwapin a akwap a daadaŋ imanito Yerusalem, esikwaanikini ayoŋ Yerusalem ka ataaba ŋina nyesubanakin. Ewanasi make ŋakwapin daadaŋ ŋuna ikatakinete alemar iŋes.

Mat. 21:43

“Aŋun, akalimokini ayoŋ iyes atemar, elemaryo Apukan ka Akuj aneni kus, inakinae neni a ŋituŋa a ŋulu iraete ŋaraito. [

Mat. 21:45

Ani iirarete ŋisacaradotin ŋulu apolok ka Ŋiparisayon ŋakitadapeta ŋun, toyenut atemar arae ikes erworor Yesu.

Mat. 26:24

Etwani Lokoku a Ituŋanan ikwaŋina igiritere Nakigireta aŋuna keŋ, nai eroko nooi ŋakiro ŋuna eryamuni ŋolo ipotori Lokoku a Ituŋanan! Kejoikinit koloŋ ekile ŋol nyidoun!”

Mat. 27:25

Toboŋokis ikes daadaŋ temasi, “Kimyekisi ŋaokot keŋ pena nakyes kosi ka ŋuna a ŋikosidwe.”

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Luk. 20:18

Ituŋanan daadaŋ ŋini eramakin namoru ŋin, enyilinyilaar; ani ecakakin amoru ŋin ice kidiama, inyaadiyari iŋes toruwor apuwa.”

Yoa. 19:11

Toboŋok Yesu tema, “Kemam iyoŋ apedor aneni kaŋ, kerae nyikiinakinit Akuj. Aŋun, ituŋanan ŋini ekepotokini ayoŋ neni kon, iŋes eyakar asecit ŋina epol akilo ŋina kon.”

Ŋirom. 9:33

Amoru ŋin iŋes ŋina irworo Akuj alotooma Ŋakigireta ebe, “Kiŋolikisi, ewuakini ayoŋ neni a Sion amoru ŋina iguwanakini ŋituŋa, ataaba ŋina ibusonokini ikes. Nai ituŋanan ŋini enupi neni ka Akuj, nyirumete ŋileec jik.”

1 Ŋites. 2:16

Apotu ikes kikatakis tari akiretakin isua alimonokin ŋituŋa ŋulu nyerae Ŋiyudayan ŋakiro ŋuna eryamuniata ikes aiuno. Alopite a ŋol, apotu ŋasecisya kec kilelebikinos. Nai tokona adolu anyunyura ŋina ka Akuj neni kec.

1 Pet. 2:8

ka daŋ “Amoru ŋin iŋes eguwanakini ŋituŋa, ataaba ŋina ibusonokini ikes.” Abu kiguki ikes, anerae awounete akinup akirot ŋina ka Akuj; arae ŋun ŋuna acamit Akuj kitiyakin neni kec.