Mat. 20:6 - Ebaibul

⁶ Ani edoli ŋisaae ŋitomon ka epei, toboŋo nabo toryamu ŋituŋa ŋice ewuasi. Kiŋit iŋes ikes, tema, ‘Kaanukiro iwuatar iyes a ne apaaran daadaŋ emam etic itiyaete?’

Mat. 20:6 Iomraidhean Croise

Ŋakit. 19:15

Eauni akalanyo neni a ituŋanan ŋajo ŋuna apotyok, epedori akoro aŋedar ituŋanan ŋini nyitiyae.

Ekal. 9:10

Etic daadaŋ ŋolo itiyaete iyes kitiyata anagogoŋu kus a daadaŋ, anerae emam etic, kori atamatam, kori ayenut, kori aosou anakibois a ŋikatwak a ŋina ilosete iyes alomar.

Esek. 16:49

Asecit anakaato kon Sodoma iŋes na, abu iŋes ka ŋirerya keŋ kiturokinos, todakakiata nooi ka kiboiyoto anakinapakina, nai pa apotu ikes kiŋarakis ŋikulyak ka ŋulu ayakatar akiitanit.

Mat. 20:5

Ani edoli ŋisaae ŋikanikapei ka ŋikanikaomwon, toboŋo iŋes nabo kitiya ikwaŋinapei.

Mat. 20:7

Toboŋokis ikes iŋes temasi, ‘Emam ro ituŋanan ikinyaraiya isua lotic.’ Tolimok iŋes ikes tema, ‘Toloto iyes daŋ etic lomanikor kaŋ ŋolo ke epiini.’

Mat. 20:9

Ani epote ŋiketiyak ŋulu adolunete lotic ŋisaae ŋitomon ka epei, totacae ŋinituŋanan eropit ŋolo ka apeikoloŋit.

Yoa. 9:4

Itemokino iwon etiyata ŋiticisyo ŋulu a ŋolo ekeyakuunit ayoŋ eriŋa erae apaaran; ebunit akiryonut ŋina ka akuwar, ŋina nyepedorya idiotuŋanan akitiya.

Ŋitic. 17:21

(Aminasi ŋituŋa ŋulu ka Asen ka ŋulu gelae ŋulu aya nen aayenen ŋapakio daadaŋ irworosi ŋakiro ŋuna alunyarosi ka akiiranar ŋuna kitet.)

Ŋibur. 6:12

Nyikicamit isua iyes tokalanyakiata, nai ikicamit iyes kituputo ŋulu aryamut ŋuna adau Akuj akiikin aŋuna ka anupit ka atitinyikinit.