Mat. 2:5 - Ebaibul

⁵ Tolimokis ikes iŋes temasi, “Betelem, nakwap a Yudaya, anerae igirit ekadwaran ebe,

Mat. 2:5 Iomraidhean Croise

Akisy. 35:19

Totwan Rakel a nen, tonukae kidiŋ neni aya ikes ka Epurat (iŋes Betelem).

Mat. 2:1

Kedaun akidoun Yesu alo Betelem anakwap a ŋina a Yudaya, ŋirwa ŋulu araakar Erode erwosit, potu ŋikaosok ŋice alo Kide tari Yerusalem,

Mat. 2:4

Tonyarau ŋisacaradotin ŋulu apolok daadaŋ ka ŋiketatamak ŋulu a Ŋikisila, kiŋit ikes neni etemokino kidounere Kristo.

Yoa. 7:42

Kire igiritae Nakigireta ebe, erae Kristo lopapait a Daudi, ebuni iŋes alo Betelem alore a ŋolo koloŋ ayai Daudi.”

Yos. 19:15

Emarakinitae ŋitaunio lu lotuŋa a Sebulon: Katas, Naalal, Simiron, Idala ka Betelem. Arae ŋitaunio kec ŋitomon ka ŋiarei ka ŋirerya kec.

Ŋikat. 17:7

Apaki ŋin, ayai esorokit ŋolo alo Betelem anakwap a ŋina eboiyo iŋes alotuŋa a ekabila a Yuda ka arae iŋes Elepait ŋolo eboi anakwap a ŋin.

Rus. 1:1

Anapaki a ŋina araakar ŋikatubok epukato Isirael, tolomu eron nakwap ŋin. Abu ekile epei torotok alore a ŋolo alo Betelem a ŋolo eyai Yudaya, tolot akiboi Moab kaapei ka aberu keŋ ka ŋidwe keŋ ŋulusapa ŋiarei. Arae ikes ŋulu anateker a Epuraim alo Betelem anakwap a Yudaya. Apotu ikes toloto Moab kiboiyoto a nen.

Rus. 1:19

Toloto ikes ŋaarei torukosi akitodol neni alomaryata lotaun Betelem. Ani elomarete ikes Betelem, kiguryakin ŋituŋa a etaun a daadaŋ iŋolikinete ikes. Temasi ŋaberu, “Erae mono na Naomi a?”

Rus. 2:4

Apaki ŋin, bu Boas alo Betelem, kimala ŋikalemak tema, “Toyai Akuj neni kus.” Toboŋokis ikes temasi, “Ikiterereŋ iyoŋ Akuj.”

Rus. 4:11

Temasi ŋituŋa daadaŋ ŋulu aya lotemu diyete epuke kaapei ka ŋikasikou ebe, “Ikirae isua ŋisuudae. Kisikwaanik Akuj aberu ŋin ŋina elomuni lokal kon ka Rakel ka Lea ŋuna apotu kitatakanut ŋituŋa ŋulu a Isirael. Iyoŋ daŋ touri ŋidwe alo Epurata kiturubak ekiro a Ekapolon alo Betelem.

1 Sam. 16:1

Tema Ekapolon neni a Samuel, “Tari ori igworo iyoŋ aŋuna a Saul? Adau ayoŋ akiŋer iŋes anaraakau erwosit a Isirael, kilelebik akimyet namomwara ŋina itiŋit iyoŋ, ido tonyou tolot; ekeyakiyari ayoŋ iyoŋ neni a Yese a ŋolo eyai Betelem. Adau ayoŋ aseun aŋuna kaŋ epei a ŋidwe keŋ a ŋulusapa aruwor erwosit.”