Mat. 2:23 - Ebaibul

²³ Kiboi alotaun a ŋolo anyaritae Nasaret, kiyookinotor ŋuna erworito ŋikadwarak ebe, “Enyarao iŋes Enasaroit.”

Mat. 2:23 Iomraidhean Croise

Ekim. 6:13

“‘Erae ŋol ekisil aŋuna a Ŋinasari, ani edaun ŋirwa ŋulu italeoritere ikes aŋuna ka akitiyanakin Ekapolon, emaikina yaunae ikes lopuke ŋolo ke eema a ŋolokilipet,

Mat. 1:22

Apotu ŋun daadaŋ totakanut, ikotere iyookinotor ŋuna koloŋ kirworo Ekapolon anakituk ke ekadwaran ebe,

Mat. 21:11

Toboŋokis ŋasepico a ŋituŋa temasi, “Erae ŋol ekadwaran, Yesu ŋolo a Nasaret anakwap a ŋina a Galileya.”

Mat. 26:71

Ani eriŋa iŋes elosi nakan ŋina ke epuke, toanyuwa aketiyan ace iŋes, tolimok ŋulu awuasi alodiyete tema, “Arukito ekile logo ka Yesu ŋolo a Nasaret.”

Mar. 1:24

tema, “Icamit iyoŋ akikokin isua ai, iyoŋ Yesu ŋolo a Nasaret? Ibunit iyoŋ amunyar isua a? Akayeni ayoŋ iyoŋ atemar irae epei bon ŋolo Asegan, ŋolo ka Akuj.”

Mar. 1:9

Alorwa a ŋul, bu Yesu alore a Nasaret, anakwap a Galileya, kibatisa Yoana iŋes daŋ alo Yorodan.

Luk. 1:26

Ani edoli Elisabet ŋilapyo ŋikanikapei epoti, kiyakiya Akuj emalaika Gaburiel nakwap ŋina a Galileya, lotaun ŋolo anyaritae Nasaret;

Luk. 18:37

Tolimokinae iŋes temarae, “Yesu ŋolo a Nasaret iŋes itorunit diye ne.”

Luk. 2:39

Ani kedaut ikes akitiya ŋakiro daadaŋ ikwaŋina ecikakinitere a Lokisila a ŋulu ke Ekapolon, toboŋosi Galileya, toloto lore kec Nasaret.

Yoa. 18:5

Toboŋokis ikes temasi, “Yesu ŋolo a Nasaret.” Tolimok Yesu ikes tema, “Ayoŋ lo!” Awuasi Yuda ŋolo alukinon ka ikes.

Yoa. 18:7

Kiŋit Yesu ikes nabo tema, “Ŋae iwarito iyes?” Temasi ikes, “Yesu ŋolo a Nasaret.”

Yoa. 19:19

Kigir Pilato ŋakiro nu kiwuakinae kidiama emusalaba, egiritae ikona: “YESU ŊOLO A NASARET, ERWOSIT A ŊIYUDAYAN.”

Ŋitic. 2:22

Topupokisi ŋakiro nu, iyes ŋituŋa a Isirael! Arae Yesu ŋolo a Nasaret ituŋanan ŋini eyakuunit Akuj. Abu iŋes kiteyenik ŋakiro neni kus alotooma ŋakujuwuanisya ka ŋaumonokineta ta ŋakitoodikineta ŋuna abu Akuj kitiya alotooma keŋ. Iyenete iyes ŋilopeyek ŋun.

Ŋitic. 24:5

Aponi isua toryamunae etuŋanan lo erae ŋolo aronon nooi, ŋolo ageununui aruruma alokidiŋ Ŋiyudayan daadaŋ ŋulu ka akwap a daadaŋ ka erae iŋes elope ekarikon ŋolo ka atukot a ŋina ebookoi ebe Ŋinasarin.

Ŋikat. 13:5

anerae ipotiuni iyoŋ ka idouni ikoku ŋinisapat. Emam ebanyet emaikina totap akou keŋ, anerae eruwor Enasarait, edya ŋolo italeoritae aŋuna ka akitiyanakin Akuj ameun anakidouno keŋ. Iŋes ebuni ageikin alakun Ŋisirael anapedor a Ŋipilistin.”

1 Sam. 1:11

Tolimu akikoŋet na ebe, “Okoe Ekapolon ŋolo Etiron, kerae ca kiŋolikini akitiditeuna kaŋ a aketiyan kon, ido itotamu iyoŋ ayoŋ, nyikimuryak ayoŋ aketiyan kon, nai ikiinak ayoŋ ŋina arae aketiyan kon ikoku ŋinisapat, ayauni ayoŋ iŋes kiŋaren kon erae ŋini italeunitoe, ŋini nyebanyio akitodol natwanare keŋ. Nyemasi iŋes epiini, kori ibore daadaŋ ŋini ikitemerakini, mam ituŋanan emaikina totapak ebanyet nakou keŋ.”