Mat. 2:13 - Ebaibul

¹³ Ani kerotokis ikes, totakanu emalaika ŋolo ke Ekapolon neni a Yosepu anakiruja tema, “Tonyou, ya ikoku ka toto keŋ tosiya tari Ijipit. Kiboi aina tari ŋina akalimokinia ayoŋ iyoŋ, anerae ecamit Erode akimimaun ŋakiro a ikoku, ecamit akiar.”

Mat. 2:13 Iomraidhean Croise

1 Ŋirw. 11:17

Nai kebu Adad tosi tolot Ijipit ka Ŋiedomi, ŋice ŋulu arae ŋiketiyak a papa keŋ. Arae Adad edya ŋolo adit apaki ŋin.

1 Ŋirw. 3:5

Ani eriŋa iŋes eyai Gibeon, totakanu Ekapolon nakwaare neni keŋ anakiruja. Tema Akuj neni keŋ, “Kiŋitae ayoŋ ibore ŋini icamit iyoŋ okoinak ayoŋ iyoŋ.”

Yob 33:15

“Erae apaki ŋina irujaa ituŋanan, apaki ŋina iteo ŋitorubei irujae, apaki ŋina etikokinotor ŋajo lotuŋa ka apaki ŋina ilurakinor ituŋanan,

Yob 33:17

ikotere nai Akuj iteesikini ŋituŋa akitiya aronis, kitojoŋo ikes akituro,

Awos. 1:22

Abu nai Parao kicik ŋituŋa keŋ daadaŋ tema, “Ikoku ŋinisapat daadaŋ ŋini euruunito Ŋiburaniyae, emaikina iyes kimasakis naŋolol Nile, nai kimyekisi ŋulupesur toyara.”

Mat. 1:20

Nai ani eriŋa iŋes etamatamae ŋakiro ŋun, totakanu emalaika ŋolo ke Ekapolon neni keŋ anakiruja tema, “Yosepu lopapait a Daudi, nyikuryaniar akiit Maria toruwor aberu kon, anerae ŋini epoti iŋes ebunit aneni ke Etau a ŋolo Asegan;

Mat. 10:23

Ani ikitidiŋete ikes iyes alotaun ke epei, toema lotaun ece. Akalimokini ayoŋ iyes kire atemar, nyirikakinete iyes ekusitic alotaunio a ŋulu a Isirael, eriŋa nyebuno Lokoku a Ituŋanan.

Mat. 2:12

Aŋuna abunio Akuj kicik ikes anakiruja atemar nyeboŋosi neni eyai Erode, kitoro ikes lorot ece eboŋorete nakwap kec.

Mat. 2:14

Tonyou Yosepu ya ikoku ka toto keŋ nakwaare, tolot Ijipit.

Mat. 2:16

Ani eanyuni Erode atemar amodikis ŋikaosok iŋes, tonyunyurikin nooi, kiyakiya ŋisigarya keŋ Betelem ka akwap ŋin daadaŋ akiar ŋidwe ŋulusapa daadaŋ, ŋulu adolito ŋikaru kec ŋiarei ka ŋulu ariŋa ŋikaru kec nyedolo ŋiarei. Kitiya iŋes ŋun itamakina napaki ŋina kiŋitunit iŋes ejok alokaosok.

Mat. 2:22

Nai ani iirari iŋes atemar elunyokin Arikaleo lokicoloŋ a papa keŋ ke Erode aruwor erwosit ŋolo a Yudaya, tokuryaniar iŋes alomar Yudaya. Ani kedau Akuj akicik iŋes anakiruja, abu Yosepu tolot Galileya.

Ŋitic. 10:22

Toboŋokis ikes temasi, “Kornelio, ekapolokiniton ŋasigarya, iŋes ikiyakuunit isua. Erae iŋes ekile ŋolo ajokan, ŋolo iyookino ka ekerit iŋes Akuj. Ekerito Ŋiyudayan daadaŋ iŋes. Alimokini emalaika ŋolo ka Akuj iŋes anyarare iyoŋ bu kai keŋ, ikotere kiira iŋes ŋuna ilimuni iyoŋ.”

Ŋitic. 10:7

Ani kelot emalaika ŋolo erworo neni keŋ, tonyarau Kornelio ŋiketiyak keŋ ŋiarei ka esigarit ŋolo ainakina neni ka Akuj, ŋolo arae epei alokidiŋ ŋulu eyokiyete iŋes.

Ŋitic. 12:11

Toyenu nai Petero ŋuna kepotu kitiyakinos neni keŋ tema, “Ayenu ayoŋ kire tokona atemar Ekapolon iyakuunit emalaika keŋ aiun ayoŋ anapedor a ŋina ke Erode ka anakiro a daadaŋ a ŋuna acamito Ŋiyudayan akitiya.”

Ŋitic. 12:7

Atipei, totakanu emalaika ŋolo ke Ekapolon, kinuaku akica ejera. Totap emalaika eseket a Petero, kiiŋiiŋak kitekienyu, tolimok tema, “Tonyou atipei!” Tolacakinos ŋiriko anakan keŋ atipei.

Ŋitic. 16:36

Tosodi ekapolokiniton mabus tolimok Paulo ŋakiro ŋun tema, “Eyakuut ŋikatubok akirot atemar ikilacakin iyes. Tonyoutu nai, toloto a ekisil.”

Ŋitic. 5:19

Nai ani nakwaare, toŋaa emalaika ŋolo ke Ekapolon ŋikekya ŋulu a mabus, ido yau ikes kiŋa, tolimok ikes tema,

Ŋitic. 7:19

Abu iŋes tomodik ateker yok, kitiŋak atapapaa yok acakanar ŋidwe kec ŋulu cicik nariet ikotere etwakyata.

Yos. 3:13

Apaki ŋina iciakyata ŋisacaradotin ŋulu edakito Asaduku ŋina ka Acamunet a Ekapolon a ŋolo erae elope ka akwap daadaŋ ŋakipi ŋuna a Yorodan, etubosi ŋakipi towua aiwapei.”

Yos. 3:17

Apaki ŋina adokaryata Ŋisirael aneni atyaikinito ŋakipi, awoete ŋisacaradotin ŋulu adakito Asaduku ŋina ka Acamunet a Ekapolon Akuj alokidiŋ Yorodan aneni aonit, akitodol ŋina adokaryata Ŋisirael daadaŋ ekekwaye Yorodan.

Yos. 4:10

Apaki ŋina adokaryata Ŋisirael ekekwaye aŋolol Yorodan, arubakinito ŋisacaradotin ŋulu adakito Asaduku ŋina ka Acamunet ewuasi alokidiŋ aŋolol, akitodol ŋina erikakinotor ŋakiro daadaŋ ŋuna ecikit Ekapolon Akuj Yosua alimokin ŋituŋa kitiyata, lopite ŋolo keris Moses kicikia Yosua. Apotu ŋituŋa kiburuburakis akidok aŋolol ekekwaye.

Yos. 4:18

Ani edokunete ŋisacaradotin ŋulu adakito Asaduku ŋina ka Acamunet a ŋina ke Ekapolon alokidiŋ aŋolol Yorodan, apotu ŋakipi apaki ŋinapei ecakyata ŋakejen kec neni aonit alokiŋa toboŋokis alelere, kipumas kilapa nabo ŋikipetetyo ikwapei sek.

Akis. 12:14

Aponi inakinae aberu ŋin ŋabebenuk ŋaarei ŋuna ke egole a ŋolo apolon, ikotere topororia tolosio nakibois keŋ naloŋisat neni etemokinit Akuj aŋuna keŋ; neni iyokiyere iŋes ŋikaru ŋiuni ka atutubet nyewania epiu iŋes.

Akis. 12:4

Torarau elado keŋ atutubet apei alotooma ŋunauni ŋuna a ŋikacer, kimasa kwap. Towo epiu ŋol alokiŋaren aberu, ikotere enyamia ikoku apaki ŋina idounere.

Akis. 12:6

Abu aberu ŋin todoki naloŋisat neni etemokinit Akuj aŋuna keŋ, neni iyokiyere iŋes ŋirwa apeiliput ka ŋamiae ŋaarei ka ŋatomonikanikapei.