Mat. 2:11 - Ebaibul

¹¹ Tolomasi ikes kai, kiŋolikis ikoku ka toto keŋ Maria, toryediko ikes alokiŋaren keŋ, tomaa, toŋaasi nai ŋicweei kec, tolemikis iŋes ŋainakineta nu: egolid, eminae ŋolo ke ekinyate ka eceminae ŋolo akukunyon nooi.

Mat. 2:11 Iomraidhean Croise

Akisy. 43:11

Tema nai papa kec Isirael neni kec, “Ani kemaikina kikokis nen, kitiyata nai nu: Tosekisi ŋaraito ŋadi ŋuna ka akwap a na locweei kus yaasi erae ainakinet kus neni a ekile a ŋol; yaasi: Ekitoe ŋolo a ŋajemei edio, ao adio, ŋikito ŋulu itoboboete akimuj, ŋimina ŋulu ekukuny icunyio ka ŋaraito ŋuna esibit ŋakamurya ta ŋuna esibit emaide ŋuna enyaritae alimond.

1 Ŋirw. 10:10

Inak nai arwosit ŋina a Seba erwosit ŋatalantae amiat ka ŋatomoniarei ŋuna ke egolid, ŋikito ŋulu ekukuny ŋulu alalak ka ŋamoru ŋuna epol egyelit; mam apaki ace ŋina ayaunitere neni a Solomon ŋikito ŋulu ekukuny ŋulu alalak, ŋulu etya ŋulu abu arwosit ŋina a Seba inak erwosit Solomon.

1 Ŋirw. 10:2

Abu arwosit ŋin bu Yerusalem, torukut ka ŋituŋa ŋulu alalak, ŋikaala ŋulu ewokito ŋikito ŋulu akukunyok, egolid ŋolo alalan nooi ka ŋamoru ŋuna epol egyelit. Abu arwosit ŋin bu neni a Solomon kiyana ka iŋes ŋakiro daadaŋ ŋuna ayakar iŋes.

Ŋikiru. 2:12

Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.

Ŋikiru. 45:8

Eyai lokaasoi kon daadaŋ eure ŋolo akukunyon, eure ŋolo a eminae a ŋolo akukunyon ka ŋolo ka akimyet a ŋina akukunyon ta ŋolo a ekitoe a ŋolo enyaritae Kasia. Ilakara iyoŋ aŋuna a ŋieosyo a ŋulu eeoi eramyo ŋiboro ŋulu a ŋiunoi anakais ka apukan a ŋuna isibusitae a ŋikyal a ŋitome.

Ŋikiru. 72:10

Emaikina inakis ŋirwosi ŋulu a Tarisis ka ŋulu a ŋiculeta iŋes ocur, emaikina yaut neni keŋ ŋirwosi a Ceba ka Seba ŋainakineta.

Ŋikiru. 72:15

Agasi ayoŋ torubak iŋes eyari jik! Elipi ayoŋ inakinae iŋes egolid ŋolo a Ceba. Elipi ayoŋ kilipete ŋituŋa aŋuna keŋ jwi jwi ido togatunito ŋarereŋisyo aŋuna keŋ apaaran jwii.

Ŋikiru. 95:6

Potu, oryediko elipa iŋes; oryediko alokiŋaren Ekapolon, Ekasuban yok!

Awos. 30:23

“Tolemu ŋikito lu: Eminae ŋolo akukunyon ŋolo elemyo anakwii a ŋikito. Tolemu ŋol eliit erae apotis ŋakiloi ŋakanikapei. Tolemu ekitoe ŋolo akukunyon ŋolo enyaritae Sinamo erae apotis keŋ ŋakiloi ŋauni. Tolemu ŋakasirim ŋuna akukunyok erae apotis kec ŋakiloi ŋauni.

Awos. 30:34

Tema Ekapolon neni a Moses, “Tolemu ŋimina lu ŋulu akukunyok ŋulu enyaritae: Resin, onika ka galbanum ta eminae ŋolo akwaŋan kya. Emaikina ŋimina ŋul daadaŋ eriyan etyae.

Eete a Ŋie. 3:6

Nyo mono ŋini ebunit analoŋisat ŋini ikwaan ka apuru ŋina eremit kidiama, ŋini eyakar eure ŋolo ke eminae a ŋolo akukunyon ka ŋolo a ekinyate ŋulu etiyaunitae alokito a daadaŋ a ŋulu akukunyok a ŋulu alomucurus.

Isa. 60:6

Eburusiyarete ŋikaala ŋulu alalak akwap kus, epote neni kus ŋitak a ŋikaala ŋulu a Midian ka Epa, epote ŋikaala ŋulu alo Seba daadaŋ neni kus. Iwokunete ikes neni kus egolid ka ekinyate, ido iseraete ŋikametok kec ipurosi Ekapolon.

Ŋilep. 6:15

Emaikina esacaradoti tomuk ŋakirya ŋuna ajokak ŋadi ileleba akan, tolemu akimyet kaapei ke ekinyate ŋolo idokokinitoe nainakinet ŋin, yaasi ainakinet ŋin ŋina ke etal, kicunya alokidiama namuroet, erae ainakinet ŋina ebob eure aneni ke Ekapolon.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Ekim. 7:14

ŋainakineta a Nason ŋace ikes nu: Abakuli ŋina etiyaunitae a egolid ŋina aapiyarit apotis keŋ akilo apei elelebikinitae ekinyate nabakuli ŋin,

Ekim. 7:86

ŋabakuli ŋatomon ka ŋaarei ŋuna etiyaunitae ke egolid, ŋuna eleleba ekinyate, aapiyarit apotis a ŋinabakuli atutubet apei a akilo ka arae ŋakiloi apotis a egolid a daadaŋ a ŋolo etiyaunitere ŋabakuli ŋun akilo apei;

Mat. 1:18

Ekoni akidouno a Yesu Kristo etakanuni ne: eikinitae Maria toto a Yesu aruwor aberu a Yosepu, nai ani eriŋa ikes nyeruko, toryamunae Maria epoti aŋuna ka apedor a ŋina ke Etau a ŋolo Asegan.

Mat. 12:46

Ani eriŋa Yesu isirwori ŋituŋa, potu toto keŋ ka ŋikaitotoi keŋ; towua alokiŋa ecamito akirworikin ka iŋes. [

Mat. 14:33

Apotu ŋikasyomak ŋulu ayakasi nataker toryediko alokiŋaren Yesu kilipa temasi, “Kire, irae iyoŋ Lokoku ka Akuj!”

Mat. 2:10

Ani iŋolikinete ikes etop, tolelyana nooi.

Mat. 2:2

iŋitasi ebasi, “Ai eyai erwosit ŋolo a Ŋiyudayan ŋolo ariŋa sek idounio? Anerae ikianyu isua etop keŋ ebuni alo Kide, ikiponit aryedik akima iŋes.”

Luk. 2:16

Kikomakis ikes atipei, toryamut Maria ka Yosepu ta ikoku ŋini cici ŋini aperi anataker.

Luk. 2:38

Todolu iŋes apaki ŋinapei ŋin tolakar neni ka Akuj, tolimok ŋakiro ŋuna a ikoku lotuŋa daadaŋ ŋulu edarito aiuno a Yerusalem.

Yoa. 19:39

Nikodemo daŋ ŋolo aris ekiŋaren kelot nakwaare aanyun Yesu, torukosi ka Yosepu, etiŋit eminae ka ŋamyeta ŋuna akukunyok ŋuna aapiyarito ŋakiloi kec ŋatomoniuni.

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.

Akis. 5:8

Ani kedau iŋes alemar ekitaabo, apotu ŋisubuna ŋuluomwon ka ŋikatukok ŋulutomoniarei ka ŋiomwon toramakinos kwap kiŋaren Imesek. Ayakar ŋolosubuna ka ŋolokatukon aduŋgu ka abakule ŋina etiyaunitae a egolid, kileleba eminae ŋolo ke ekinyate ŋolo erae ŋakilipasinei ŋuna a ŋituŋa a ŋulu ka Akuj.

1 Sam. 10:27

Nai apotu ŋasyanisya ŋace temasi, “Epedori mono etuŋanan lo aiun iwon a?” Tojamuwasi ikes Saul, ido nyeaut ŋainakineta ŋadi neni a Saul. Nai abu Saul nyemitak ŋakiro kec. Apaki ŋin, atiŋit neni aronon nooi Naas erwosit ŋolo a Ŋiamoni erwosit ŋolo a Ŋigadi ka ŋolo a Ŋirubeni. Amina Naas agoronor ŋakonyen ŋuna aloteten ŋuna a ŋimoe keŋ a ŋul, ido pa acamit ainakin Ŋisirael ekaiunan. Mam Ŋisirael ŋulu eboiyete alokekwaye Yorodan ŋulu abu Naas erwosit a Ŋiamoni toesik nyegororo ŋakonyen ŋuna aloteten. Nai ayakasi Ŋisirael ŋalipyo ŋakanikaarei ŋulu kepotu tosiwa aneni a Ŋiamoni toloto Yabes-Gilead.