Mat. 18:9 - Ebaibul

⁹ Ani kikitesec iyoŋ akoŋu kon, togoro tocaka. Ejok iyoŋ alomar nakiyar emam apeikoŋu akilo ayakau ŋakonyen daadaŋ, ido itocakakin nakim ŋina nyeduŋe.

Mat. 18:9 Iomraidhean Croise

Mat. 16:26

Alipoida eryamuni ituŋanan erae keŋata iŋes akwap daadaŋ, nai totwania akiyar keŋ? Mam jik! Kori nyo epedorya ituŋanan akisyecia akiyar keŋ?

Mat. 18:8

“Ani kikitesec iyoŋ akonikan kori akonikeju totubo tocaka. Ejok iyoŋ alomar nakiyar iŋwalit kori icodo, akilo ayakau ka ŋakan ŋaarei kori ŋakejen ŋaarei, ido itocakakin nakim ŋina nyeduŋe.

Mat. 19:17

Toboŋok Yesu iŋes tema, “Nyo ikiŋisitor iyoŋ ayoŋ ibore ŋini ajokan? Eyai epei bon ŋolo ejok. Ani kicamit iyoŋ alomar nakiyar, kiric Ŋakiciketa.”

Mat. 5:22

Nai tokona akalimokini ayoŋ iyes atemar, ituŋanan ŋini eŋoikini lokaato keŋ, itemokino isitakinio anatukot. Nai ŋini iyanyi lokaato keŋ, itemokino yaunae loikiiko ka ŋini etemari ŋinice, ‘Ibaŋaana iyoŋ,’ itemokino tocakakinae tooma nakim ŋina nyeduŋe.

Mat. 5:29

Ani kikitesec iyoŋ akonikoŋu ŋina aloteten, itemokino todita tocaka nariet! Ejok iyoŋ atwaniyar ekiner epei akilo akonikuwan daadaŋ acakakino tooma nakim ŋina nyeduŋe.

Mar. 9:47

Ani kikitesec iyoŋ akonikoŋu, togoro todita; ejok iyoŋ alomar Napukan ka Akuj emam apeikoŋu, akilo iyoŋ ayakau ŋakonyen ŋaarei, nai itocakakin nakim ŋina nyeduŋe;

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋibur. 4:11

Ekatakisi nai tokona iwon nooi anacamit alomar nakieŋun ŋin, ikotere nyekuruwo idiotuŋanan alomar nakieŋun ŋin ikwa abunio tokuruworya ŋituŋa ŋulu koloŋ, aŋuna pa anupitotor ŋakiro ka Akuj.

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.