Mat. 18:14 - Ebaibul

¹⁴ Ikwaŋinapei ikoŋin, nyecamit Papa kus ŋolo anakuj atemar tooliyo ipei a ŋulu cicik a lu.

Mat. 18:14 Iomraidhean Croise

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Sakar 13:7

Ebala Ekapolon ŋolo Etiron ebe, “Okoe ekileŋ toten kicum ekeyokon kaŋ, kicum ekile ŋolo itiyae etic kaŋ! Toar iŋes, ikotere kielar ŋamesekin; etijikini ayoŋ ŋamesekin keŋ ŋuna adaun ekeyokon ŋolo iyoki,

Mat. 18:13

Ani ŋina eryamunia iŋes amesek ŋin, akalimokini ayoŋ iyes kire atemar, elakar iŋes nooi aŋuna atakanunia amesek ŋin akilo ŋuna tomonikanikaomwon ka ŋakanikaomwon ŋuna pa aolito.

Mat. 18:15

“Ani kesec lokaato kon neni kon, tolot neni keŋ kiteyenik iŋes adyakaret keŋ aneni kus make. Ani kiira iŋes ŋuna ilimok iyoŋ, iŋes atemar inyaku iyoŋ lokaato kon.

Mat. 5:16

Ikwaŋinapei, itemokino akica kus tocai kileere alotuŋa, ikotere ikes eanyuwarete ŋiticisyo kus ŋulu ajokak, kipuro Papa kus ŋolo eyai nakuj.

Mat. 6:32

(Erae ŋituŋa ŋulu nyenupito, ikes iwarito ŋiboro ŋul.) Eyeni Papa kus ŋolo anakuj atemar iitanito iyes ŋiboro lu daadaŋ.

Mat. 6:9

“Itemokino kilipeneneete ikona: ‘Papa kosi ŋolo iyai nakuj; Ekonikiro tokeritetei,

Luk. 12:32

“Nyikuryaketa iyes erae kikudyoko daŋ! Anerae iwarit Papa kus ainakin iyes Apukan keŋ.

Yoa. 17:12

Ani eriŋa ayoŋ ikirukit ka ikes, abu eyok ikes ka apedor a ŋina ke ekiro kon, ekiro ŋolo ikiinakinit iyoŋ ayoŋ. Eyok ayoŋ ikes, emam ŋini aoliyo, mati ipei ŋini etemokino tooliyo--ikotere kiyookinotor Ŋakigireta.

Yoa. 21:15

Kedaut ikes akimuj, tolimok Yesu Simoni Petero tema, “Simoni lokoku a Yoana, ikimina iyoŋ ayoŋ akilo neni akaminatar ŋuluce lu a?” Toboŋok Petero tema, “Ee Ekapolon, iyeni iyoŋ atemar akamina ayoŋ iyoŋ.” Tolimok nai Yesu iŋes tema, “Kitan ŋikaalei kaŋ ŋulu meesekin.”

2 Tim. 2:10

Edaŋidaŋi ayoŋ ŋun daadaŋ aŋuna a ŋituŋa a ŋulu aseu Akuj, ikotere ikes daŋ eryamunete aiuno ŋina ebuni aneni a Yesu Kristo ka ŋina eyauni ajakaanut ŋina nyedaun.

Ŋibur. 12:13

Kisidiiryata ŋirotin, ikotere nyilenyar ŋakejen kus ŋuna sek eŋwalito, nai toruworos ŋuna itaŋaleunio.

2 Pet. 3:9

Nyedidi Ekapolon akitiyakin ŋakiro ŋuna adau iŋes akiikin ikwa etamiata ŋice. Ikidaŋit iŋes iyes daadaŋ pa ikirikira, anerae nyecamit iŋes idiotuŋanan inyasunio, nai ecamit iŋes daadaŋ tokiwa ŋasecisya kec.