Mat. 17:20 - Ebaibul

²⁰ Toboŋok Yesu ikes tema, “Anerae edit anupit kus. Akalimokini ayoŋ iyes kire atemar, ani iyakatar iyes anupit ŋina edit ikwa icokit ŋini ikoni ŋini ke ebobore, ilimokinete tari emoru lo atemar, ‘Kiyoto a ne, tolot ama,’ iyotori; ka emam ibore ŋini ikipiyori iyes akitiyakin. [

Mat. 17:20 Iomraidhean Croise

Mat. 13:31

Tolimok Yesu ikes akitadapet ace tema, “Ikoni Apukan ŋina anakuj icokit ŋini ikoni ŋini ke ebobore, ŋini abu ituŋanan todupak lomanikor keŋ.

Mat. 14:29

Tolimok nai Yesu iŋes tema, “Bua!” Todoku Petero anataker, torotok alokidiama nakipi, tolot neni ayai Yesu.

Mat. 17:17

Toboŋok Yesu tema, “Iyes ŋituŋa ŋulu nyinupito ka ŋulu ioliyorito! Ikiruki mono ayoŋ ka iyes tari ori? Akadaŋi ayoŋ iyes tari ori? Yautu edya neni kaŋ.”

Mat. 17:19

Potu nai ŋikasyomak neni a Yesu, kiŋita iŋes aneni kec make temasi, “Nyo bo pa ikipedorya isua akiritar ekipye ŋol?”

Mat. 17:9

Ŋolopite adokuniata ikes alomoru, kicik Yesu ikes tema, “Nyilimokis idiotuŋanan atakanikinet ŋin akitodol apaki ŋina iteyarunere Lokoku a Ituŋanan alokatwak.”

Mat. 21:21

Toboŋok Yesu ikes tema, “Akalimokini ayoŋ iyes kire atemar, ani iyakatar iyes anupit ka nyiŋayaŋayato, itiyaete iyes ŋuna etiyak ayoŋ lobobore. Meere ŋuna bon, ilimokinete tari emoru lo atemar ‘Kiyoto a ne, kimasar nanam,’ itiyakinio.

Mat. 8:26

Toboŋok Yesu ikes tema, “Nyo ikibulitor iyes ikona? Abe edit anupit kus!” Tonyou nai Yesu, kikilyak ekuwuam ka ŋakipi, kililiŋ akwap cek.

Mar. 11:22

Toboŋok Yesu ikes tema, “Toyakatar anupit neni ka Akuj.

Mar. 11:23

Anerae akalimokini ayoŋ iyes kire atemar, ŋinituŋanan etemari emoru lo ‘Kiyoto a ne, kimasar nanam;’ ani pa keŋayaŋayat alotau keŋ, nai tonupite atemar itiyakin ŋuna daadaŋ irworo iŋes kire, itiyakinio neni keŋ.

Mar. 4:31

Ikoni iŋes icokit ŋini ikoni ŋini ke ebobore ŋini edit nooi akilo ŋicok daadaŋ anakwap, nai ani kedupakin nalup,

Mar. 9:23

Tema Yesu neni keŋ, “Ani kipedori a! Epedorosi ŋiboro daadaŋ aneni a ŋini enupit.”

Luk. 1:37

Anerae emam ibore ŋini ipiyori Akuj.”

Luk. 17:6

Toboŋok Yesu ikes tema, “Kerae tari todit anupit kus totya icokit ŋini ikoni ŋini ke ebobore, kipedosi alimokin ekitoe lo atemar, ‘Torutun anataagor, min torup ananam!’ Iirari iŋes.

Luk. 18:27

Toboŋok Yesu ikes tema, “Ŋuna nyepedorosi alotuŋa, epedorosi aneni ka Akuj!”

Yoa. 11:40

Tolimok Yesu iŋes tema, “Pa akalimokinit ayoŋ iyoŋ atemar ani kinup, iŋolikini apolou ŋina ka Akuj a?”

1 Ŋikor. 12:9

Neni a ice einakini Etau anupit, neni a ice einakini Etau ŋolopei ŋol apedor ŋina kitaŋaleununuyet.

1 Ŋikor. 13:2

Ani kayakar ayoŋ apedor ŋina dwaret ŋakiro ŋuna ka Akuj, oyeni ŋuna imunono ka aosou daadaŋ; ani kayakar anupit ŋina apolon ŋina iitana aŋuna ka akisiyotonor ŋimoru, nai tomam amina aneni kaŋ, arae ayoŋ koŋin.

Ŋibur. 3:19

Ikianyu tokona iwon atemar apotu ikes nyelomasi nakwap ŋin, anerae pa anupito ŋakiro ka Akuj.