Mat. 16:27 - Ebaibul

²⁷ Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

Mat. 16:27 Iomraidhean Croise

Yob 34:11

anerae eropi Akuj ŋituŋa lopite ŋolo itiyatotor ikes ka itiyakin neni a ŋituŋa ŋakiro ŋunapei sek iwuapito ikes.

Ŋikiru. 62:12

ido neni kon okoe Ekapolon eyai amina ŋina nyiryaŋiryaŋa, anerae iropi iyoŋ ŋituŋa daadaŋ alopite a ŋolo itiyatotor ikes.

Ŋakit. 24:12

Ani kitemasi iyes ebe, “Kiirasi, pa ayenio isua ŋakiro ŋun,” eyeni Akuj ŋuna iyakatar iyes lotai kus, eyeni Akuj ŋina iyokit akiyar kus ŋakiro ŋun, eropi iŋes ŋinituŋanan alopite a ŋolo itiyator ŋinituŋanan.

Ekal. 3:17

Abu ayoŋ otam bon otema, “Etubi Akuj ŋakiro a ŋituŋa a ŋulu iyookino ka ŋuna a ŋulu aronok, anerae adau Akuj akitemokin apaki ŋina a ŋunakiro daadaŋ ka ŋina a ŋolotic daadaŋ.”

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 32:19

iloit iyoŋ daadaŋ anakitatam ka aloticisyo, ite iyoŋ ŋuna daadaŋ itiyaete ŋituŋa ka itaci iyoŋ ŋinituŋanan lopite ŋolo eyakatar ŋuna iwuapit iŋes ka lopite ŋolo itiyatotor ikes ŋiticisyo kec.

Esek. 18:20

Emaikina ituŋanan ŋini eseci totwan. Nyemaikina lokoku kisicanae aŋuna ka asecit a papa keŋ, kori nyemaikina papa kisicanae aŋuna ka asecit alokoku keŋ; emaikina ituŋanan ŋini iyookino toryamu ŋarereŋisyo aŋuna ka akiyookino keŋ ka emaikina ituŋanan ŋini aronon toryamu ŋican aŋuna ka aronis keŋ.

Esek. 7:27

Ikalouni erwosit kus, edaun akigeno aneni alokoku a erwosit, emaranikinete aŋuna ka akuryanu a ŋituŋa a akwap kus. Ekesicani ayoŋ iyes lopite ŋolo itiyatotor iyes; akatubokini ayoŋ iyes lopite ŋolo itubonokiniata iyes ŋuluce. Ŋun nai iyenuniata iyes atemar arae ayoŋ Ekapolon.’ ”

Dan. 7:10

Abunit ayonae ŋina alelyaa akim alokicoloŋ keŋ aleleunit akim ŋin aneni ayai ŋolo iboit ŋikaru ka ŋikaru. Etiyanakinete iŋes ŋiketiyak ŋulu arae ŋalipyo ka ŋalipyo, awuasi ŋiketiyak keŋ ŋamilionio amiat alokiŋaren keŋ. Togeunae nai eikiiko ŋolo etubere ŋakiro, toŋaarae ŋikitaaboi.

Sakar 14:5

Iemete iyes kitoro nakadipaalat ŋina ke emukura kaŋ, anerae itooyaaryo akadipaalat ŋin tari Asal. Iemete iyes lopite ŋolo aponiata atapapaa kus toemyata apaki ŋina amaranikinia akwap ŋirwa ŋulu araakar Usia erwosit ŋolo a Yudaya. Ebuni Ekapolon Akuj kaŋ, erukunete iŋes kaapei ka ŋimalaikan daadaŋ.

Mat. 13:41

Iyakuuni Lokoku a Ituŋanan ŋimalaikan keŋ, tocunakis ŋituŋa daadaŋ ŋulu iteseceneneete ŋuluce ka ŋikasecak daadaŋ,

Mat. 13:49

Ikokini nen Akoloŋit ŋina esalunia akwap. Epote ŋimalaikan atyakar ŋulu aronok aneni a ŋulu iyookino.

Mat. 24:30

Totakanu nai akitoodikinet a Lokoku a Ituŋanan anakuj. Ikalounete ŋibukui daadaŋ anakwap iŋolikinete Lokoku a Ituŋanan ebuni alodowuon eyakar apedor ka akica ŋina apolon nooi.

Mat. 25:31

“Ŋina ebunio Lokoku a Ituŋanan erae Erwosit erukito ka ŋimalaikan, iboikin lokicoloŋ keŋ ŋolo ka apedor.

Mat. 26:64

Tolimok Yesu iŋes tema, “Idau iyoŋ alimun. Nai akalimokini ayoŋ iyes atemar, kelunyar nu, ianyuwarete Lokoku a Ituŋanan iboi aloteten Akuj ŋina alokidiama nooi ka ebunit alokidiama ŋidouwon ŋulu anakuj.”

Mat. 8:20

Toboŋok Yesu iŋes tema, “Eyakatar ŋikweei ŋaduyon ka eyakatar ŋikyeny ŋakais; nai emam Lokoku a Ituŋanan neni kieŋunet.”

Mar. 14:62

Toboŋok Yesu tema, “Arae; nabo iŋolikinete iyes Lokoku a Ituŋanan iboi aloteten Akuj ŋina alokidiama nooi ka ebuni alodowuon a ŋulu anakuj!”

Mar. 8:38

Anerae ŋinituŋanan irumete ŋileec aŋuna kaŋ ka aŋuna a ŋakaakiro ananyamet a na a ŋina aloman ka a ŋina asecesecan; Lokoku a Ituŋanan daŋ irumete ŋileec aŋuna keŋ apaki ŋina eboŋunio iŋes ka apedor a Papa keŋ kaapei ka ŋimalaikan ŋulu ka Akuj.”

Luk. 21:27

Tosodi etakanuni Lokoku a Ituŋanan, iŋolikinio ebunit alodowuon ka apedor ka akica ŋina apolon.

Luk. 22:69

Nai ameun tokona, iboikin Lokoku a Ituŋanan teten Akuj ŋina alokidiama nooi!”

Luk. 9:26

Anerae ŋini irumito ŋileec aŋuna kaŋ ka aŋuna a ŋakaakiro, irumete Lokoku a Ituŋanan daŋ ŋileec aŋuna keŋ ŋina ebunio anapolou a ŋina a Papa ta ŋina a ŋimalaikan a ŋulu ka Akuj.

Yoa. 21:22

Tolimok Yesu Petero tema, “Ani nai kerae acamit kaŋ aesikin iŋes kidoŋ nege tari ŋina aboŋunio ayoŋ, anu ikikamunito iyoŋ? Kiwuapakinae iyoŋ ayoŋ!”

Yoa. 21:23

Apotu ŋakiro ŋun kielakin lokasyomak daadaŋ ilereete ebe, nyetwani ekasyoman ŋol jik. Nai pa alimokinit Yesu iŋes atemar nyetwani, nai abala Yesu, “Ani nai kerae acamit kaŋ aesikin iŋes kidoŋ nege tari ŋina aboŋunio ayoŋ, anu ikikamunito iyoŋ?”

Ŋitic. 1:11

temasi, “Ŋikilyok ŋulu alo Galileya, nyo iwuatar iyes kireorito kidiama? Yesu lo ŋolo ayaar nakuj aneni kus, eboŋuni alopite a ŋolopei iŋolikiniata iyes iŋes elosi nakuj.”

Ŋirom. 14:12

Isisauni nai ŋinituŋanan alotooma yok ŋakiro keŋ a ilope alokiŋaren Akuj.

Ŋirom. 2:6

Akoloŋit ŋin, eropi Akuj ŋinituŋanan lopite ŋolo itiyator iŋes.

1 Ŋikor. 15:23

Nai iteyarunio ŋinituŋanan ikona: eteyarun mono Kristo; ekaku iteyarunio ŋikanupak a Kristo apaki ŋina eboŋunio iŋes.

1 Ŋikor. 3:13

Akoloŋit ŋina esidyon, isileereunio etic a ŋinituŋanan alotooma akim, anerae ikatakinio ka akim ibore ŋini edukitor iŋes.

1 Ŋikor. 8:8

Nyepedori akimuj akitojok epite ŋolo iboiyere iwon ka Akuj: emam ibore ikibuci iwon erae pa kikinyam ŋamuja ŋun, nabo emam ibore ikiryamuni iwon erae kikinyam.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Ŋiep. 6:8

Toyenete atemar eropi Ekapolon ŋinituŋanan, kerae epito kori ŋini nyerae epito, aŋuna ke etic a ŋolo ajokan a ŋolo itiyae iŋes.

Ŋikol. 3:25

Ŋini daadaŋ itiyae aronis, isicanio emam atyakatyak aŋuna a ŋakiro a ŋuna aronok a ŋuna itiyae iŋes.

1 Ŋites. 1:10

nabo, irworosi epite ŋolo idaritotor iyes Lokoku keŋ bu anakuj--Yesu ŋolo abu iŋes kiteyaru alokatwak ŋolo ikiuni iwon ananyunyura a ŋina ebunit aneni ka Akuj.

1 Ŋites. 4:16

Anerae, apaki ŋina elimunio Akuj atemar adol apaki, iirarete ŋituŋa etoil ŋolo ke emalaika a ŋolo apolon ka eruye ŋolo ka arupepe a ŋina ka Akuj. Apaki ŋin nai ebunio Ekapolon elope anakuj. Isyaunete mono ŋikatwak ŋulu sek anupito Kristo ayarun;

Yak. 5:7

Ŋikaitotoi, totitinyikisi akitodol ŋina ebunio Ekapolon. Kiŋolikisi epite ŋolo etitinyikinitor eketan idarit emanikor keŋ tora ejok. Idarit iŋes akiru ŋina ka akicereet ka ŋina ka akiporo anatitinyikinit.

1 Pet. 1:17

Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.

1 Yoa. 2:28

Ŋidwe ŋuluminan, kiboiyoto alotooma Kristo, ikotere ani etakanuni iŋes, oyakatar iwon atitinyu ŋina nyikirumiata iwon ŋileec apaki ŋina etakanunia iŋes.

Yud. 1:14

Arae ikotere ikes abunio Enok ŋolo a ŋikanikaarei alokidiŋ ŋipapae ŋulu ka Adam todwarya tema, “Topupokisi! Erukunete Ekapolon ka ŋimalaikan keŋ ŋulu nyimarun,

Akis. 1:7

Kiirasi, ebunit iŋes alodowuon! Eanyuwarete ŋituŋa daadaŋ tari ŋulu ecumete iŋes. Ikalounete ŋituŋa daadaŋ ŋulu ka akwap aŋuna keŋ. Kire ikokinete neni! Amen!

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

Akis. 20:12

Abu eŋolik ŋikatwak, ŋikarwok ka ŋicaryo ewuasi kaapei alokiŋaren ekicoloŋ, toŋaarae ŋikitaaboi. Toŋaarae nabo ekitaabo ece, ekitaabo ŋolo ka akiyar. Aponi totubokinae ŋikatwak ikwaŋina kitiyatotor ikes, ikwapei igiritere lokitaaboi.