Mat. 16:18 - Ebaibul

¹⁸ Akalimokini ayoŋ iyoŋ atemar, irae iyoŋ Petero, (apolou keŋ atemar ataaba.) Nataaba ŋin iŋes adukokini ayoŋ akai kaŋ ka nyepedori atwanare akiloun iŋes.

Mat. 16:18 Iomraidhean Croise

Akisy. 22:17

eketerereŋi ayoŋ iyoŋ kire jik, ido akainakini ayoŋ iyoŋ kire jik ŋipapae ŋulu alalak ikwa ŋikacer alokidiama ka elalata ikwa asinyon alokipetot a anam. Ikamarete ŋiletok kon ŋitaunio daadaŋ a ŋimoe kec,

2 Sam. 18:4

Tema erwosit neni kec, “Etiyae ayoŋ ŋuna ikitalakarito iyes.” Aŋun, abu Daudi towo alodiyete epuke apaki ŋina alomaryata ŋajorei daadaŋ kiŋa, etukonoro a ŋamiae ka a ŋalipyo.

Yob 38:17

Eyai ituŋanan ikidodik iyoŋ ŋipukei ŋulu elomarere nakibois a ŋikatwak a? Kori iŋolikinit iyoŋ akibois ŋina ka akiryonut cuc a?

Ŋikiru. 107:18

Apotu toŋero ŋamuja daadaŋ, ido abu toapu ikes atwanare.

Ŋikiru. 127:5

Elakara ituŋanan ŋini eyakar ŋisapa ŋulu ikote ŋul. Nyisurumete iŋes ŋimoe keŋ ŋileec apaki ŋina iryamunotor ikes anakibois a ŋina etubere ŋakiro.

Ŋikiru. 129:2

eketijioto ikes ayoŋ ŋinapei anasoroko kaŋ, nai nyilouna ikes ayoŋ.

Ŋikiru. 69:12

Ayoŋ ekerworotor ŋituŋa ŋinibore iboiyoto; alotemwan alodiyete ŋipukei, ido akaeotor ayoŋ ŋikamerak.

Ŋikiru. 9:13

Okoe Ekapolon, kiŋolik epite ŋolo ekesicanitotor ayoŋ ŋimoe kaŋ! Kisyoni ayoŋ, ido toiunae nyaloma natwanare,

Ŋakit. 24:7

Erae aosou ibore ŋini etamete ŋibaŋaanotin atemar nyepatana aryamun, nyirworyanakinete ikes eyakae lotemu neni ianere ŋakiro ka akwap.

Isa. 28:16

Aŋun, alimu Ekapolon ebe, “Ewuak tokona ayoŋ Sion amoru ŋinakisyakinet aduketait, amoru ŋina agogoŋon nooi, amoru ŋina egogoŋ egyelit ŋina itowoi aduketait jik. Nyekadakini ituŋanan ŋini ikinyomit neni keŋ.”

Isa. 28:6

einakini etau ŋolotubet ŋakiro anakiyookino neni a ŋini etubi ŋakiro ka agogoŋu neni a ŋulu ebwaŋete ŋimoe alopuke apaki ŋina ke ejie.

Isa. 38:10

Abu ayoŋ otema, “Atamak ayoŋ atemar anapakio aŋuna ka asoroko kaŋ, emaikina ayoŋ oŋopiya; adaun ayoŋ akipotokin nakibois a ŋikatwak, ŋirwa ŋulu ka akiyar kaŋ daadaŋ.”

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Yona 2:6

Abu ayoŋ odol tari kwap ŋimoru; okogolok akwap Kwap keŋ ŋikaru ka ŋikaru. Nai iyoŋ Ekapolon Akuj kaŋ, ibu ikinyaku ayoŋ a nen ayari,

Mat. 10:2

Ŋirorwa a Ŋikiyakia a ŋulutomon ka ŋiarei ikes lu, ŋolo esyaunan Simoni, ŋolo anyaritae Petero ka Anderia lokaato keŋ; Yakobo lokoku a Sebedeo, ka Yoana lokaato keŋ;

Mat. 11:23

Ani bo iyoŋ Kaperenaum! Icamit iyoŋ akitopolooro kon todol nakuj a? Ikilemaryo iyoŋ anakwap, ikimasar nakibois ŋina a ŋikatwak! Anerae kerae koloŋ kitiyatetei ŋakujuwuanisya ŋuna etiyakin neni kus, keriŋa Sodoma eyai tari tokona!

Mat. 18:17

Ani erae kewou akiirar ikes, tolimok atukot a Ŋikristo. Ani nabo keŋer akiirar tari ŋuna elimokini atukot ŋin, kimyek iŋes kikok aneni kon ituŋanan ŋini nyenupit ŋakiro ŋuna ka Akuj kori kikok ekeriran ocur.

Mat. 4:18

Ani itori Yesu diye anam ŋina a Galileya, kiŋolik ŋikaitotoi ŋiarei, Simoni (ŋolo anyaritae Petero) ka lokaato keŋ Anderia, ecakakinete ŋatibae nanam, anerae arae ikes ŋikekamak ŋikolya.

Mat. 7:24

“Aŋun, ituŋanan daadaŋ ŋini iirari ŋakaakiro kitiya, ikwaanikin ka ituŋanan ŋini aoson ŋini adukokini akai keŋ nataaba.

Yoa. 1:42

Yau iŋes Simoni neni a Yesu. Kitek Yesu Simoni, tolimok tema, “Ikwa irae iyoŋ Simoni, lokoku a Yoana a? Ikinyarao iyoŋ tokona Kepa” (iŋes atemar ataaba kori Petero a Ŋagirik).

Ŋitic. 2:47

epurosi ikes Akuj ka tominakinito ŋituŋa daadaŋ ikes. A ŋinakoloŋit, eyatanakini Ekapolon natukot kec ŋulu aiununuyo.

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋitic. 8:1

Ayai Saulo nen, kitojokite atwanare a Stepano. Akoloŋit ŋin, tolomu akisicanio ŋina aronon nooi natukot a ŋikanupak a Yesu ŋina ayai Yerusalem. Kielarae ŋikanupak daadaŋ, toloto ikes Yudeya ka Samaria; kidoŋo Ŋikiyakia bon.

1 Ŋikor. 15:55

Atwanare, ai eyai akiloun kon? Ai atwanare eyai apedor kon ŋina wanet?”

Ŋigal. 2:9

Apotu Yakobo, Petero ka Yoana, ŋulu asibito ŋipirin a Ŋikristo, toyenut atemar kebu Akuj okoinak ayoŋ ajokis ŋinakitiyaet etic ŋolo apolon lo; aŋun, apotu ikes tonyout otiŋakinos ka ayoŋ ka Baranaba ŋakan ŋuna aloteten, kitoodiu nen atemar ikirae isua ka ikes ŋipei. Tocamunetei atemar etiyata ayoŋ ka Baranaba alokidiŋ ŋituŋa ŋulu nyerae Ŋiyudayan, ido kitiyata ikes alokidiŋ Ŋiyudayan.

Ŋiep. 3:10

ikotere nai alotooma Ŋikristo toyenut ŋikepukak ka ŋapedorosyo ŋuna anakuj aosou ŋina ka Akuj alotooma ŋiboro daadaŋ.

Ŋiep. 5:32

Eya Nakigireta ŋun ŋakiro ŋuna ajokak ŋuna imunono, ŋuna ayenu ayoŋ atemar ikamunito Kristo ka atukot a Ŋikristo.

Ŋikol. 1:18

Iŋes erae akou ŋina ka akuwan keŋ; a ŋina erae Ŋikristo; iŋes erae akisyakinet, aponi kiteyarunae iŋes alokatwak, aŋun, erae iŋes ŋolo esyaunio akidoun nakiyar ŋina kitete; ikotere toruwor iŋes ŋolo iŋarenikinit ŋiboro daadaŋ.

1 Tim. 3:15

ani keketididi ayoŋ, toyenu iyoŋ epite ŋolo itemokino iyoŋ kiboiyo alokidiŋ ŋituŋa ŋulu ka Akuj, ikes atukot a Ŋikristo ŋina erae ŋina ka Akuj a ŋina eyari. Atukot ŋin iŋes erae akigaŋet ka akiyokiyet ŋakiro ŋuna a kire.

1 Tim. 3:5

Anerae ani pa keyeni ituŋanan epite ŋolo kidaret ekal keŋ ke elope, ikokini nai iŋes idari atukot a ŋituŋa a ŋulu ka Akuj ai?

Ŋibur. 12:28

Aŋun, itemokino iwon olakara, anerae Apukan ŋina eryamunio iwon erae ŋina nyepedoryo akitamaranikin. Itemokino iwon olakaros elipa Akuj alopite a ŋolo italakari iŋes, alotooma akitiditeuna ka akerit,

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 21:14

Adukokinitae arwatata ŋina ke etaun a ŋol namoru ŋunatomon ka ŋaarei ŋuna ka akisyakinet, ŋuna egiritae ŋirorwa ŋulu a Ŋikiyakia a ŋulutomon ka ŋiarei a ŋulu a Imesek.