Mat. 14:36 - Ebaibul

³⁶ Kimaimaa ŋikadyakak Yesu acamakin ikes akitap abilet bon ŋina ke elou keŋ. Ŋulu daadaŋ apotu totapa apotu toŋaleut.

Mat. 14:36 Iomraidhean Croise

Mat. 14:35

Ani eyenete ŋituŋa ŋulu ka akwap a ŋin Yesu, kielasi akirot nakwap yaunae ŋikadyakak daadaŋ neni keŋ.

Mat. 23:5

Itiyaete ikes ŋakiro daadaŋ ecamito atemar kiŋolikis ŋituŋa ekecetic. Itopoloto ikes ŋakebei ŋuna iŋadatae ŋakiro ŋuna ka Akuj, ŋuna etorito ikes loreetin, tonapito alokeperin daŋ. Nabo isanisanito ŋilowi kec ŋulu aoyak.

Mar. 3:10

anerae abu iŋes kitaŋaleu ŋituŋa ŋulu alalak. Todiŋuna ŋulu adyakasi daŋ ecamito akitap iŋes.

Mar. 6:56

Neni daadaŋ ayakaunun Yesu, kerae lorerya, nadakarisinei, kori lotaunio, namanat kori lomaketa, adakununuyete ŋituŋa ŋikadyakak nen, kiperikis nenilapat, kilipa iŋes acamakin ŋikadyakak akitap tari ŋina erae abilet ke elou keŋ bon. Ŋulu daadaŋ apotu totapa, apotu toŋaleut.

Mar. 8:22

Ani edolunete ikes Betesaida, yaut ŋituŋa ŋice emudukanot neni a Yesu, kimaimaa ikes iŋes temasi, “Totap iŋes.”

Luk. 6:19

Acamito ŋituŋa daadaŋ akitap iŋes, anerae ayai apedor neni keŋ ŋina etaŋaleuni ikes daadaŋ.

Yoa. 6:37

Ituŋanan daadaŋ ŋini akainit ayoŋ Papa kaŋ ebuni neni kaŋ, nyeritari jik ayoŋ iŋes ebuni neni kaŋ;

Yoa. 7:23

Ani kileŋeryo ikoku ŋini sapat akoloŋit ŋina a Sabato ikotere nyebilere Ŋikisila a Moses, nyo bo ikiŋoikinitotor iyes ayoŋ aŋuna etaŋaleunio ituŋanan akoloŋit ŋina a Sabato?

Ŋitic. 3:16

Aŋuna ka anupit ekiro a Yesu, aponi kitaŋaleunoe ekile lo ŋolo iteete ka ŋolo iyenete iyes. Anupit Yesu iŋes ainaki ekile lo aŋaleun kire ikwaŋina iteoto iyes daadaŋ.