Mat. 14:20 - Ebaibul

²⁰ Kimuja daadaŋ kimwoko, ido tocunut ŋikasyomak ŋapiyanunet ŋuna apotu kilelebun naditae ŋatomon ka ŋaarei.

Mat. 14:20 Iomraidhean Croise

Awos. 16:12

“Adau ayoŋ akiirar akiŋuruŋura a Ŋisirael, tolimok ikes ebe, ‘Ani eboŋ, inyamete iyes akiriŋ, ido ani taparacu, inyamete iyes akimuj ŋina iitanito; nen nai iyenuniata iyes atemar arae ayoŋ Ekapolon Akuj kus.’ ”

Awos. 16:8

Tema daŋ Moses, “Iyenunete iyes atemar erae neni ke Ekapolon iŋuruŋurasi iyes. Iyenunete iyes ŋun apaki ŋina ikiinakinia iŋes iyes akiriŋ tonyama eboŋ ka ŋamugati tonyama taparacu, anerae eira iŋes akiŋuruŋura kus neni keŋ. Ata ŋae mono isua? Meere neni kosi iŋuruŋurasi iyes, nai erae neni ke Ekapolon.”

Ŋakit. 13:25

Eyakatar ŋulu iyookino akimuj ŋina itemokino ŋina ecamito ikes, nai eororete ŋakookyes a ŋulu aronok.

Ŋilep. 26:26

Ani etasaluni ayoŋ akimuj aneni sek ilemyata iyes, ipoete ŋaberu ŋatomon akimuj alokeno ke epei, ido ikikorakinete ikes iyes akimuj ipimanaritae. Imujete iyes akimuj ŋin, nai erubakini akoro ikinyamit.

Agai 1:6

Idaut iyes akitare akimuj ŋina alalan, nai ilemut adio cici; imujete iyes, nai nyeryamuna iyes akimuj ŋina ikitemokino; imasete iyes, nai nyeryamuna iyes ŋimaten ŋulu ikitemokino, inapete iyes ŋilowi, nai mam ipei daŋ ŋini nyenyamit akaterot ka iyes ŋulu iryamununeete eropit, iryamununeete eropit kus, nai iroporito ŋisiliŋa alocweei kus.”

Mat. 14:21

Adolit ekimar a ŋikilyok a ŋulu emujete ŋalipyo ŋakan, pa imarakinitae ŋaberu ka ŋidwe.

Mat. 15:33

Kiŋita ŋikasyomak iŋes temasi, “Ai nai ikiryamunia iwon akimuj ŋina itemokin ŋituŋa ŋulu etya lu analoŋisat a na?”

Mat. 5:6

Erereŋ ŋulu iitanito nooi aanyun ŋuna ka akiyookino; einakini Akuj ikes ŋuna iitanito.

Luk. 1:53

Esimwon a ŋiboro a ŋulu ajokak ŋulu enyamit akoro, erita ŋulu abarak eokito ŋakan.

Luk. 9:17

Kimuja daadaŋ kimwoko, ido tocunut ŋikasyomak ŋapiyanunet ŋuna apotu kilelebun ŋaditae ŋatomon ka ŋaarei.

Yoa. 6:7

Toboŋok Pilipo tema, “Kerae tari toyakas ŋidinari ŋamiae ŋaarei, pa kitemokin akigyel ŋamugati ŋuna eryamuni ŋinituŋanan adio cici”