Mat. 13:44 - Ebaibul

⁴⁴ “Ikoni Apukan ŋina anakuj abaru ŋina eyai lomanikor, ŋina ani eripuni ituŋanan, kiwua. Tosodi tolot togyela ŋiboro daadaŋ ŋulu eyakar iŋes, togyelu nai emanikor ŋol.

Mat. 13:44 Iomraidhean Croise

Yob 28:13

Nyeyenete ŋituŋa erot ŋolo elosi neni eyai aosou, nyepedoryo aryamun aosou anakwap a na a ŋina eya ŋituŋa.

Ŋakit. 16:16

Ejok nooi aryamun aosou akilo aryamun egolid, ejok aseun aryamun ayenut akilo aseun aryamun esilipa.

Ŋakit. 17:16

Erae aneni a ibaŋaanot atacar ŋisiliŋa aryamunia aosou akicanican ŋisiliŋa, anerae ebaŋaana iŋes nyeyeni ajokis ŋina ka akisyom.

Ŋakit. 18:1

Ituŋanan ŋini nyerukito ka ŋuluce emisit ŋuna keŋ bon a ilope, itoodiunit iŋes atemar eŋerit ŋuna eyenete ŋituŋa ŋuluce atemar iyookino.

Ŋakit. 23:23

Togyelu ŋakiro ŋuna a kire, ido nyigyela; togyelu aosou ka ŋakiro ŋuna ikitatamio ta ayenut.

Isa. 55:1

Okoe, potu daadaŋ ŋulu ikinyamit akure, potu neni eya ŋakipi ka iyes ŋulu imamukatar ŋisiliŋa potu, potu togyela ka kimuja! Potu togyela epiini ka ŋakile emam ŋisiliŋa ka emam etyae a ŋisiliŋa.

Mat. 13:24

Tolimok nabo Yesu ikes akitadapet ace tema, “Ikoni Apukan ŋina anakuj ituŋanan ŋini keekini ŋimomwa ŋulu ajokak lomanikor keŋ.

Mat. 13:46

ŋolo ani eryamuni amoru apei ŋina epol egyelit, elosi togyela ŋiboro daadaŋ ŋulu eyakar iŋes, tosodi togyel amoru ŋin.

Mat. 13:47

“Ikoni nabo Apukan ŋina anakuj atibait ŋina aponi tocakakinae nanam, kirirau ŋikolya ŋulu agelegelya.

Mat. 19:21

Tolimok Yesu iŋes tema, “Ani kicamit iyoŋ aruwor ituŋanan ŋini ajokan nooi, tolot togyela ŋiboro ŋulu iyakar iyoŋ daadaŋ tokorak lokulyak, ibu nai ikiwuapak ayoŋ. Iryamuni iyoŋ ebari kon anakuj.”

Mat. 19:27

Tema nai Petero eboŋokini, “Kiŋolik iyoŋ, ikiesik isua ŋiboro daadaŋ ikiwuapak iyoŋ. Nyo ikiryamuni isua?”

Mat. 19:29

Nabo ituŋanan daadaŋ ŋini aesiki ekeere kori ŋikaitotoi keŋ, papa keŋ, toto keŋ, aberu keŋ, ŋidwe keŋ, kori ŋamanat keŋ aŋuna kaŋ, einakinio eropit ŋolo erae amiat ŋarwa amiat, ka eryamuni akiyar ŋina nyedaun.

Mat. 6:21

Anerae neni eyai ebari kon, iŋes eyai etau kon daŋ.

Luk. 14:33

Toŋetak Yesu erwor keŋ ebala, “Ikoŋinapei, emam tari ipei alokidiŋ kus ŋini eruwor ekewuapan kaŋ, mati kipoto ibore daadaŋ ŋini eyakar iŋes.

Yoa. 6:35

Tolimok Yesu ikes tema, “Arae Ayoŋ akimuj ŋina ka akiyar. Ŋini enyami akimuj ŋin, nyenyami akoro jik ka ŋini akanupi ayoŋ, nyenyami akure jik.

Ŋirom. 15:4

Ŋakiro daadaŋ ŋuna igiritae Nakigireta, aponi kigirae aŋuna ka akitatamya iwon, ikotere ikiryamuni akigeno anatitinyu ka anakimukekin ŋuna ikiinakinete Ŋakigireta iwon.

Ŋikol. 2:3

Neni a Kristo iwuaitere ebari daadaŋ ŋolo ka aosou ka ŋolo ka ayenut.

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.

Ŋibur. 10:34

Ipotu iyes tomora ka ŋulu aya mabus ŋican kec, ipotu daŋ tocamut ka alelyan eŋataryo ŋiboro kus, aŋuna iyeniata iyes atemar iyakatar ŋiboro ŋulu ajokak akilo, ŋulu eroparete.

Akis. 3:18

Aŋun, akalimokini ayoŋ iyoŋ, togyelu egolid aneni kaŋ, egolid ŋolo eliitae ka akim, ikotere tobar. Togyelu daŋ ŋilowi ŋulu akwaŋak, ikotere torapya ŋileec kon ŋulu ileryo. Togyelu tari ekitoe ŋolo a ŋakonyen kon, ikotere tokienyu.