Mat. 13:22 - Ebaibul

²² Isikwaanitae ŋikinyom ŋulu adoete lokukwa ka ŋituŋa ŋulu iirarete akirot, nai amitakinit ŋuna ka akwap ka ekibure ŋolo ke ebari, eridakinete akirot ŋin nyera.

Mat. 13:22 Iomraidhean Croise

Ŋikiru. 52:7

“Kiŋolikisi ituŋanan ŋini abu nyikinyom neni ka Akuj, nai abu kikinyom ebari keŋ ŋolo alalan, ido abu iŋes tobarak nakiar ŋuluce.”

Ŋikiru. 62:10

Nyiwuakis akikinyoma kus naryenyeo, kori nyigenosi atemar ikibari anakoko; tari daŋ kiyatanakin ebari kus, nyiwuakis ŋitai kus loboro ŋul.

Ŋakit. 11:28

Ituŋanan ŋini ikinyomit ebari keŋ, epuripuryaar ebari ŋol, nai ileereunete ŋulu iyookino erae ŋulu ebarito nooi.

Ŋakit. 23:5

Epedori ebari kon apuripuryaar ite iyoŋ, epuripuryaar atipei esibit kepena ŋabebenuk ŋuna epororya ikwa egole.

Ekal. 4:8

Eyakasi ŋituŋa ŋulu iboiyete bon, emam ikes ŋidwe ŋulusapa, kori ŋikaitotoi; nyieŋuneneete ikes akitiya, nyetemanarete ikes ikitemokin ebari ŋolo eyakatar ikes. Etamete iŋitasi ebe, “Aŋuna mono a ŋae aŋirikinitor ayoŋ akitiya nyacamitor akileile ebari kaŋ?” Erae ŋun daŋ ŋakoŋinae ka etic ŋolo emam alakara iryamuni.

Yer. 4:3

Irworo Ekapolon neni a ŋituŋa a Yudaya ka neni a ŋituŋa a ŋulu iboiyete alo Yerusalem ebala, “Kitata ŋimanikorin kus ŋulu nyitatae, nyiekis ŋikinyom kus neni eya ŋikukwa.

Mat. 12:32

Ŋinituŋanan irworo akirot ŋina ka akitidiŋit Lokoku a Ituŋanan, isyonio iŋes; nai ŋini irworo itidiŋit Etau ŋolo Asegan, nyisyoniyo iŋes alorwa a lu ka alorwa a ŋulu eponito.

Mat. 13:39

Emoit ŋolo keekini etirwae iŋes Satan; akilem iŋes Akoloŋit ŋina esalunia akwap; ŋikalemak ikes ŋimalaikan.

Mat. 13:40

Ikwaŋinapei ecunakinere etirwae kicunyae ka akim, itiyakinosi ŋakiro ŋun ikwaŋinapei Akoloŋit ŋina esalunia akwap.

Mat. 13:7

Todoto ŋice kidiŋ ŋikukwa toruput, nai ani epolounete ŋikukwa, toridakis ikes.

Luk. 12:15

Tolimok iŋes ŋituŋa daadaŋ tema, “Tocoikisi, kiyokito ŋawat kus anarorokanut a daadaŋ, anerae meere ebari itopoloe akiyar a ituŋanan.”

Luk. 12:21

Toŋetak Yesu erwor keŋ tema, “Ikote nen ŋulu etukete ebari kec kituruwosi ŋolo a ŋawat kec make, nai tomam nyebarito alokiŋaren Akuj.”

Luk. 21:34

“Tokienyete! Kiuryasi adakanu, amera ka apodo ŋuna ka akiyar a na, nyikitumosi iyes, todolu akoloŋit ŋin atipei pa iyenete iyes,

Luk. 8:14

Ŋikinyom ŋulu adoete lokukwa, erae ŋituŋa ŋulu iirarete akirot; nai amitakinit ŋuna ka akwap ka ekibure ŋolo a ŋiboro daadaŋ elomunete tooma toridakis akirot ŋina ka Akuj nyera.

Ŋitic. 8:18

Ani eanyuni Simoni atemar aponi inakinae Etau ŋolo Asegan anakidokokin ŋakan ŋuna a Ŋikiyakia, inak iŋes ikes ŋisiliŋa,

Ŋirom. 12:2

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

1 Ŋikor. 1:20

Ai mono alokiŋaren Akuj eyai ituŋanan ŋini aoson? Ai eyai ituŋanan ŋini eyeni? Ai eyai eketepegan anakwap a na? Nyeanyuwara tokona iyes epite ŋolo etabaŋaaniarya Akuj aosou ŋina ka akwap a na a?

1 Ŋikor. 2:6

Tari kikote nen, ikitatami isua ka aosou neni a ŋituŋa a ŋulu epakito anatameta kec tari pa kerae aosou na ŋina ka akwap a na, kori ŋina a ŋikepukak a ŋulu ka akwap a na a ŋulu esaluni apolou kec.

1 Ŋikor. 2:8

Amam tari ŋikepukak ŋulu ka akwap a na ŋulu ayenete ŋun, amam tari epei daŋ; kerae toyenunito, pa kibubukinito Ekapolon ŋolo ka apolou.

1 Ŋikor. 3:18

Nyitemokino idiotuŋanan emodikin bon. Ani ketami idiotuŋanan alokidiŋ kus atemar aos iŋes alopitesyo a ŋulu ka akwap a na, itemokino iŋes tobaŋaan, ikotere nai eruwor ŋini aoson kire.

2 Ŋikor. 4:4

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.

Ŋigal. 1:4

Abu Kristo tojal akiyar keŋ, ikotere isyoniyo ŋasecisya yok, ido itolacak iwon anakwap a na a ŋina ipukat ŋolo Aronon. Arae ŋin acamit ŋina ka Akuj Papa yok.

Ŋiep. 2:2

Apaki ŋin ipotu iyes kiwuapa ŋipitesyo ŋulu ka akwap ŋulu aronok; ipotu iyes kisipukas ekepukan ŋolo epolokinit ŋipyan ŋulu eyakasi kidiama, ekipye ŋolo tokona epolokinit ŋituŋa ŋulu nyiwuapito ŋakiro ka Akuj.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

2 Tim. 4:10

Aminaki Demas ŋakiro ka akwap a na, ido akaesiki ayoŋ, alot Tesalonika, alot Keresike nakwap a Galatia, alot Tito nakwap a Dalamatia.