Mat. 13:19 - Ebaibul

¹⁹ Ŋituŋa ŋulu iirarete akirot ŋina ka Apukan ka nyeyenut, ikote ikes ŋikinyom ŋulu adoete lorot. Ani ebuni Satan, tolema alotai kec ŋuna sek aekinitae.

Mat. 13:19 Iomraidhean Croise

Ŋakit. 1:7

Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Ŋakit. 17:16

Erae aneni a ibaŋaanot atacar ŋisiliŋa aryamunia aosou akicanican ŋisiliŋa, anerae ebaŋaana iŋes nyeyeni ajokis ŋina ka akisyom.

Esek. 31:18

“Ekitoe ali alo Eden epedoryo akisikwaan ka iyoŋ anapolou kon a ŋina ailiilon ikimasakinio tokona iyoŋ kwap kaapei ka ŋikito a Eden, ikiwuakin nakibois a ŋikatwak, iperi iyoŋ aneni eperyoto ŋulu nyileŋeritae, aneni eperyoto ŋulu aaryo a ekileŋ. Erae Parao ka ŋajoresyo keŋ irworo Ekapolon ŋakiro kec a ne.”

Mat. 12:26

Ani kiritanari Satan Satan, iŋes atemar atyakatyaka bon; ikokini nai akeepukan icasi ai?

Mat. 13:20

Isikwaanitae ŋulu adoete loŋaro ka ŋituŋa ŋulu iirarete akirot, tosodo kijaut atipei ka alakara.

Mat. 13:38

Emanikor iŋes akwap. Ŋikinyom ŋulu ajokak ikes ŋidwe ŋulu ka Apukan ka Akuj. Etirwae iŋes ŋidwe a Satan.

Mat. 4:23

Tolot Yesu kirimo Galileya daadaŋ itatami alosinagogae kec ka tolimonokini Ŋakiro ŋuna Ajokak ŋuna ka Apukan ka Akuj, kitaŋaleununuye ŋituŋa alodekesyo a daadaŋ.

Mat. 5:37

Tolimu atemar ‘Ee’ kori ‘Mam’ -- ŋuna daadaŋ iyatakini iyoŋ, eponito aneni a ŋolo Aronon.

Mar. 4:15

Ikote ŋicetuŋa ŋikinyom ŋulu apotu todoto lorot, ŋinapei iiraryata ikes ŋakiro ŋuna ka Akuj, bu Satan atipei, tolema ŋakiro ŋuna aris keekin neni kec.

Luk. 10:9

Kitaŋaleununutu ŋikadyakak a nen, tolimokisi ŋituŋa temasi, ‘Aapuu Apukan ka Akuj neni kus.’

Luk. 9:2

Kiyakiya ikes akisera ŋakiro ŋuna ka Apukan ka Akuj ka akitaŋaleunun.

Yoa. 18:38

Kiŋit Pilato Yesu tema, “Nyo erae ŋuna a kire?” Kedau Pilato alimun ŋun, toboŋo kiŋa, tolimok Ŋiyudayan tema, “Nyeryamuna ayoŋ asecit ŋina tubokinet iŋes.

Yoa. 8:43

Kaanukiro ikipiyoritor iyes akiirar ŋuna erworo ayoŋ? Anerae iwounito iyes apupokin ŋakiro kaŋ.

Ŋitic. 17:32

Ani iirarete ikes ŋuna ka ayarun alokatwak, tojamuwasi ŋice iŋes; nai temasi ŋice ebe, “Ikicamit isua akiirar iyoŋ irworo ŋakiro ŋun nabo.”

Ŋitic. 18:15

Nai ikwaŋinapei eraakar ebura lo ŋolo a ŋakiro ka ŋirorwa ka ŋikisila kus a ŋilopeyek, itemokino iyes ŋilopeyek tosubakis ŋakiro kus. Nyaruwor ayoŋ ekatubon ŋolo a ŋakiro a ŋuna ikote nu!”

Ŋitic. 20:25

“Ayeni ayoŋ tokona atemar iyes daadaŋ ŋulu adau ayoŋ alimonokin ŋuna ka Apukan ka Akuj, nyikiŋolikinete ayoŋ nabo.

Ŋitic. 28:23

Aŋun, totubut ikes akoloŋit ŋina iryamunotor ka Paulo. Akoloŋit ŋin, potu ikes elalak neni eboiyo Paulo. Ŋinapei taparacu akitodol eboŋ, kiteyenik ka kisileerek daŋ iŋes ikes ŋakiro ŋuna ka Apukan ka Akuj. Alorwor keŋ ŋakiro ŋuna a Ŋikisila a Moses ka ŋakigireta ŋuna a ŋikadwarak, abu kikatak akitacamun ikes ŋakiro ŋuna a Yesu.

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

Ŋirom. 14:17

Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan.

Ŋirom. 2:8

Nai ebuni anyunyura ka aŋoit ŋina ka Akuj neni a ŋulu iwarito ŋuna kec a ŋilopeyek make, toŋerito daŋ ŋuna iyookino, ido kiwuapito ŋuna aronok.

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

2 Ŋites. 2:12

Aŋun nai, etubokini Akuj ŋituŋa daadaŋ ŋulu pa apotu tonupa ŋuna a kire, ŋulu abobokinit asecenen.

Ŋibur. 2:1

Aŋuna a ŋakiro a ŋun, itemokino ericakisi ejok ŋuna ikidau akiirar, ikotere nyikioliyo.

1 Yoa. 3:12

Nyikikwaanikin ka Kain ŋolo ariit neni a ŋolo Aronon, ŋolo abu toar lokaato keŋ Abel. Kaanukiro aarya iŋes lokaato keŋ? Anerae aroko ŋiticisyo keŋ ka kiyookino ŋulu a lokaato keŋ.

1 Yoa. 5:18

Ikiyeni iwon atemar ituŋanan daadaŋ ŋini erae ikoku ŋini ka Akuj nyesecenene, anerae iyoki Lokoku ka Akuj iŋes, ka nyepedori ŋolo Aronon akiwan iŋes.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.