Mat. 13:13 - Ebaibul

¹³ Erworo ayoŋ neni kec a ŋakitadapeta, anerae kiŋolikis daŋ nyeanyuwasi, ani kepuput daŋ, nyiirasi kori nyeyenut.

Mat. 13:13 Iomraidhean Croise

Isa. 44:18

Ŋituŋa ŋulu itiyaete ŋun, emam ŋakiro eyenete, nyeyenete tari ŋakiro ŋuna kitiyaete ikes, anerae egolitoe ŋakoŋen kec, ikotere ikes nyepedosi akiŋolikin, ŋatameta kec daŋ, egolitoe, ikotere ikes nyepedosi ayenun.

Yer. 5:21

Okoe iyes ŋituŋa ŋulu ibaŋaaka ka ŋulu nyitamete, kiirasi ŋakiro nu, iyes ŋulu iyakatar ŋakonyen, nai nyiteete iyes, ŋulu iyakatar ŋaki, nai nyipupete.

Esek. 12:2

“Lokoku a ituŋanan, iboiyete iyoŋ ka ŋituŋa ŋulu akaŋerito ayoŋ. Eyakatar ikes ŋakonyen akiŋolikinia, nai nyiteete, eyakatar ikes ŋaki akiirarya, nai nyepupete, anerae erae ikes ŋituŋa ŋulu nyiwuapio ŋuna abala ayoŋ.

Esek. 20:49

Abu nai ayoŋ otema, “Ekapolon Akuj! Ebasi ŋituŋa irworosi aŋuna kaŋ ebe, ‘Meere mono ŋakitadapeta irworo iŋes a?’ ”

Mat. 13:16

Nai iterereŋitoe ŋakonyen kus, anerae iteete ka ŋaki kus, anerae epupete.

Ŋirom. 11:8

Ikwaŋinapei igiritere Nakigireta ebe, “Abu Akuj kitililimiyo ŋitai kec, kitabaŋaan ŋatameta kec. Akitodol tari tokona, nyepedorete ikes akiŋolikin a ŋakonyen kec kori akiirar a ŋaki kec.”