Mat. 12:39 - Ebaibul

³⁹ Nai toboŋok Yesu ikes tema, “Okoe nyapeinyamet karonon ka ŋina nyikinyomit Akuj, iitanit iŋes akujuwuanut; nai emam akujuwuanut ŋina einakinio iŋes, mati ŋina a Yona a ŋolo arae ekadwaran.

Mat. 12:39 Iomraidhean Croise

2 Ŋirw. 14:25

Abu iŋes tomeme nabo akwap daadaŋ neni koloŋ arae akwap a Ŋisirael, kikama ameun aneni enyaritae Leboamas alowae a ŋolo alo Kwap akitodol nanam ŋina atwan alowae a ŋolo alo Kuju. Etiyae iŋes ŋun lopite ŋolo alimunitor Ekapolon ŋolo erae Akuj a Ŋisirael anakituk a Yona a ekadwaran a ŋolo arae lokoku ka Anitai a ŋolo alo Gaseper.

Isa. 57:3

Nai ani eruwor iyes, potu ne, iyes ŋidwe a ŋikekukujak, iyes ŋiletok a ikaloman ka imalaanot.

Yona 1:1

Acekoloŋit, tolimok Ekapolon Yona lokoku ka Amitai tema,

Mat. 16:4

Eroko nooi ŋituŋa a ŋirwa a lu nyekerito tari ŋina erae Akuj! Iwarito akitoodikinet ŋina ailiilon! Nai emam akitoodikinet ace ŋina ailiilon ŋina itoodikinio ikes mati ŋina ke ekadwaran a Yona.” Torotok nai Yesu toesik ikes.

Mar. 8:12

Kieŋak Yesu nooi tema, “Nyo ecamitor anyamet na akujuwuanut? Akalimokini ayoŋ iyes kire atemar, emam akujuwuanut ace ŋina itoodikinio iŋes.”

Mar. 8:38

Anerae ŋinituŋanan irumete ŋileec aŋuna kaŋ ka aŋuna a ŋakaakiro ananyamet a na a ŋina aloman ka a ŋina asecesecan; Lokoku a Ituŋanan daŋ irumete ŋileec aŋuna keŋ apaki ŋina eboŋunio iŋes ka apedor a Papa keŋ kaapei ka ŋimalaikan ŋulu ka Akuj.”

Yak. 4:4

Iyes ŋulu nyikikinyomitae alokiŋaren Akuj, ikwa ŋikalomak alokiŋaren ŋaberu kec! Nyiyenete iyes atemar akoneo ka akwap erae aruwor emoit ŋolo ka Akuj a? Ituŋanan daadaŋ ŋini ecamit aruwor ekone ŋolo ka akwap, eruwor emoit ŋolo ka Akuj.