Mat. 12:36 - Ebaibul

³⁶ “Akalimokini ayoŋ iyes atemar, Akoloŋit ŋina ka atubokino itatamuni ŋinituŋanan ŋakiro daadaŋ ŋuna kelimunit iŋes, ŋuna pa kitemokino iŋes tolimu.

Mat. 12:36 Iomraidhean Croise

Ekal. 12:14

Ikitubokini Akuj iwon anakiro a daadaŋ a ŋuna ikitiyat iwon, kejokak, kori keroko ka anakiro a ŋuna itiyao iwon anakimunono.

Mat. 10:15

Akalimokini ayoŋ iyes kire atemar, Akoloŋit ŋina ka atubokino erimakinio ŋituŋa ŋulu a Sodoma ka ŋulu a Gomora akilo ŋulu ke etaun a ŋol.

Mat. 11:22

Nai akalimokini ayoŋ iyes kire atemar, isyoni Akuj nooi ŋituŋa ŋulu a Tiro ka ŋulu a Sidon Akoloŋit ŋina ka atubokino akilo iyes.

Mat. 12:37

Anerae ŋakiro kon ikes ikitubokinere iyoŋ, ikes itoodiunete atemar isecit iyoŋ kori nyisecit.”

Ŋirom. 14:12

Isisauni nai ŋinituŋanan alotooma yok ŋakiro keŋ a ilope alokiŋaren Akuj.

Ŋirom. 2:16

Etakanunete ŋun Akoloŋit ŋina ebunio Akuj atubokin ŋituŋa alotooma Yesu Kristo anakiro a ŋuna eya lotai kec, ikwapei iteyenunitotor Ŋakiro ŋuna Ajokak ŋuna alimonokini ayoŋ.

Yak. 3:6

Ikoni aŋajep daŋ akim. Erae iŋes alope ka aronis anakuwan. Emunauni akuwan daadaŋ, iwuakini akiyar daadaŋ ŋina a ituŋanan tooma nakim ŋina ebunit anakim a ŋina nyeduŋe.

Akis. 20:12

Abu eŋolik ŋikatwak, ŋikarwok ka ŋicaryo ewuasi kaapei alokiŋaren ekicoloŋ, toŋaarae ŋikitaaboi. Toŋaarae nabo ekitaabo ece, ekitaabo ŋolo ka akiyar. Aponi totubokinae ŋikatwak ikwaŋina kitiyatotor ikes, ikwapei igiritere lokitaaboi.