Mat. 12:34 - Ebaibul

³⁴ Iyes ŋulu iroko ŋulu ikote ŋapomia, ikokinete iyes irworosi ŋakiro ŋuna ajokak toraakas ŋulu aronok ai? Anerae elimuni akituk ŋuna eya lotau.

Mat. 12:34 Iomraidhean Croise

Ŋikiru. 53:1

Ebasi ŋibaŋaanotin alotai kec ebe, “Emam Akuj.” Emunaara ikes ka itiyaete ŋakiro ŋuna ka asiilyo; emam ipei daŋ ŋini itiyae ŋuna ajokak.

Ŋikiru. 64:3

a ŋulu itokwanito ŋaŋajepa kec ikwa ŋileŋia, tocebete ŋakiro ŋuna apipilak ikwa aremot ŋina a ŋikaleŋeleŋe

Ŋikiru. 64:5

Iricito ikes nooi alosikinet kec ŋina aronon; irworosi ikes ŋakiro ŋuna ka adapununun ŋuluce pa eyenete, iŋitasi ebe, “Ŋae mono epedori akiŋolikin iwon?

Ŋakit. 16:23

Iyokiunito ŋatameta a ŋikaosok ŋikaosok anakiro a ŋuna irworosi ikes, ido iasete ŋatameta kec lorwor kec ŋakiro ŋuna esupunak.

Ŋakit. 4:23

Kiyokite akiyar kon icoikinit ŋakiro daadaŋ, anerae nen eleleunia akiyar ŋina ajokan.

Isa. 32:6

anerae irworosi ŋibaŋaanotin abaŋao, eyeete ŋatameta kec akitiya ŋuna aronok, akitiya ŋuna nyiwuapito ŋuna ka Akuj, akirworo neni a Ekapolon ŋuna nyiyookino, elemanari akimuj aneni a ŋulu enyamit akoro, elemanari ŋakipi aneni a ŋulu enyamit akure.

Isa. 59:14

Neriŋa jik isua irworoe ŋuna ka akiyookino ka alwaketa aneni kosi ŋuna ka akiyookino, anerae edoŋo kwap alorotin a ŋulu ke etaun ŋakiro ŋuna a kire, emam akiwuapit ŋuna iyookino alotooma etaun.

Isa. 59:4

Nyisitanakinosi ŋituŋa anakiyookino; nyetubio ŋakiro erae ŋuna a kire iwuapitae ŋikisila. Iwuapito ikes ŋipegeta koŋin, ido irworosi alyokonu, aŋun, idyasete ikes ŋican ŋulu eyaunete aronis;

Isa. 9:17

Ŋakiro ŋun abunio Ekapolon nyisyon ŋisorok kec, kori nyisyonik ŋikokyok ka ŋapesur alotuŋa a ŋul, anerae pa ewuapito ŋituŋa daadaŋ ŋuna ka Akuj ka arae ŋulu etiyaete ŋuna aronok, erworosi ŋituŋa daadaŋ ŋakiro ŋuna ka abaŋao. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Mat. 12:35

Ituŋanan ŋini ajokan elimuni ŋuna ajokak ŋuna eyakasi lotau keŋ ka ituŋanan ŋini aronon elimuni ŋuna aronok ŋuna eyakasi lotau keŋ.

Mat. 15:18

Nai ŋakiro ŋuna itorunete nakituk a ituŋanan eponito alotau, ido tomunaasi ituŋanan;

Mat. 23:33

Iyes ŋulu aronok ŋulu ikote ŋapomia, ikokinete iyes ibucarosi anatubokino ka anakim a ŋina nyeduŋe ai?

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Luk. 3:7

Tolimok Yoana ŋasepico ŋuna aponito neni keŋ akibatisao tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit aneni ka Akuj?

Luk. 6:45

Ituŋanan ŋini ajokan alotau keŋ, itiyae ŋakiro ŋuna ajokak. Ituŋanan ŋini aronon alotau keŋ, itiyae ŋakiro ŋuna aronok. Anerae irworo akituk ŋuna ilapun alotau.

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋiep. 4:29

Nyirworosi ŋakiro ŋuna awanak, nai kirworos ŋuna eŋarakinak, ŋuna epedorete akiŋarakin ŋituŋa alotooma ŋuna iitanito ikes, ikotere yaut ŋarereŋisyo lotuŋa ŋulu ikipupete iyes.

Ŋiep. 5:4

Nyejok daŋ iyes irworosi ŋakiro ŋuna a ŋileec, ŋuna a ŋiyany kori ŋuna ke erasi. Nai itemokino tolakanaros neni ka Akuj.

Yak. 3:2

Ikidyakanari iwon daadaŋ. Nai ani keyai ŋini nyedyakanari anakiro a ŋuna irworo iŋes, erae ituŋanan ŋin ŋini ajokan akilo, ŋini epedori akiyokiun akuwan keŋ daadaŋ.

1 Yoa. 3:10

Aŋun, ileereunete ŋidwe ŋulu erae ŋulu ka Akuj ka ŋulu erae ŋulu a Satan; ituŋanan daadaŋ ŋini nyitiyae ŋuna iyookino, kori ŋini nyemina lokaato keŋ, nyerae iŋes ikoku ka Akuj.

1 Sam. 24:13

Ikwapei ebaakar akitadapet ŋinaŋorot ebe, ‘Neni a ŋikasecak iŋes elomununuya asecenu’; aŋun, mam nyakaari ayoŋ iyoŋ.