Mat. 12:31 - Ebaibul

³¹ Aŋun, akalimokini ayoŋ iyes atemar, isyoniyo ŋituŋa ŋasecisya ka ŋiyany kec; nai ŋini iyanyi Etau ŋolo Asegan, nyepedoryo akisyon.

Mat. 12:31 Iomraidhean Croise

Isa. 1:18

Irworo Ekapolon ebala, “Iyes ŋituŋa a Yudaya, potu tokona erworiutu ŋakiro, tari kereŋak ŋasecisya kus puu ikwa ŋaokot, ekwaŋunete ikwa ŋalepan; tari kereŋak ikes ikwa ausi ŋina areŋan-kipurat, ekwaŋunete ikwa ŋajul a amesek a ŋina akwaŋan.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Ŋilep. 24:16

Ituŋanan daadaŋ ŋini iyanyi ekiro ŋolo ke Ekapolon, emaikina toarae. Emaikina ŋituŋa daadaŋ tocaka iŋes a ŋamoru. Ituŋanan daadaŋ, kerae iŋes igelaanot, kori Esiraelit, ani kiyany iŋes ekiro ŋolo ke Ekapolon, emaikina toarae.

Luk. 12:10

“Ituŋanan daadaŋ ŋini elimuni akirot itoroniyarit Lokoku a Ituŋanan, isyoniyo; nai ŋini iyanyi Etau ŋolo Asegan, nyisyoniyo jik.

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋibur. 10:26

Emam nabo amuronot ace ŋina elemari ŋasecisya erae kikiredak iwon ikirubakinit ikisecenene, tari kedaun akiteyenikin iwon ŋakiro ŋuna a kire.

Ŋibur. 10:29

Ikokini nai ai ituŋanan ŋini ejamuwarit Lokoku ka Akuj? Ŋini itusubunit koŋin ŋaokot ŋuna ka Acamunet a ŋina ka Akuj ŋuna etesegunere iŋes anasecisya, ŋini nabo iyanyi Etau ŋolo etoodikini ajokis neni keŋ? Totama mono iyes, etya ai akisicanet ŋina eryamuni ituŋanan ŋin!

Ŋibur. 6:4

Nyepedorete ŋituŋa ŋulu adaut akiŋer anupit kec akibelekin nabo anasecit kec. Anapakio a ŋace a ŋuna alunyarosi, ayenete ikes ŋakiro ŋuna ka Akuj; eirito ainakinet ŋina anakuj ka aryamunito Etau ŋolo Asegan.

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.

1 Yoa. 5:16

Ani kiŋolik ipei lokaato keŋ eseci asecit ŋina nyikirikori natwanare, itemokino iŋes kilip neni ka Akuj aŋuna a lokaato keŋ, ido inak Akuj iŋes akiyar. Erworo ayoŋ, ikotere ŋulu nyeseca asecit ŋina ikirikori natwanare. Eyai asecit ŋina ikirikori natwanare; nyabala ayoŋ itemokino iyes kilipa ikotere ŋakiro ŋun.