Mat. 12:30 - Ebaibul

³⁰ “Ituŋanan ŋini nyeyai lowae kaŋ, akaŋerit ayoŋ, nabo ituŋanan ŋini nyekeŋarakinit ayoŋ akicun, ielieli.

Mat. 12:30 Iomraidhean Croise

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

Ŋikiru. 94:16

Ŋae abu towo aŋuna kaŋ akitoroniyar ŋulu aronok? Ŋae abu oriwo ka ayoŋ, kitoroniya ŋulu itiyaete aronis?

Ŋakit. 11:24

Einanakinete ŋituŋa ŋice ŋiboro kec neni a ŋuluce pa etacitae, ido iatakin nabo ŋice neni kec tobara nooi; ewounitotor ŋice ŋiboro kec ainakin ŋuluce, ido eruwonor ŋituŋa ŋul ŋikulyakanotin.

Osea 1:11

Imorikinosi nabo ŋituŋa a Yudaya ka ŋulu a Isirael, eseunete nai ikes ekarikon kec epei, ikamarete ikes akwap kituruwosi ŋina kec. Kire, eruwor akoloŋit ŋina itiyakinotor ŋakiro ŋun alo Yesireel akoloŋit ŋina apolon nooi.

Mat. 12:29

“Ikokini mono ai ituŋanan epedori alomar lore ŋolo ke ekile a ŋolo agogoŋon tolema ŋiboro keŋ, erae pa keroc mono ekile ŋol, tosodi nai tolema ŋiboro keŋ?

Mat. 6:24

“Emam ituŋanan ŋini epedori akitiya ŋiticisyo ŋulu a ŋikapolok a ŋiarei, eŋeri epei tosodi tominak ŋoloce, kori imiidikin neni ke epei tosodi tojamuwa ŋoloce. Nyipedorete iyes akitiyanakin Akuj ka ebari.

Mar. 9:40

Anerae ŋini nyikitepegi iwon, erae ŋini yok.

Luk. 11:23

“Ituŋanan ŋini nyeyai lowae kaŋ, akaŋerit ayoŋ; nabo ituŋanan ŋini nyekeŋarakinit ayoŋ akicun, ielieli.”

Luk. 9:50

Tolimok Yesu Yoana ka ŋikasyomak ŋuluce tema, “Nyiretakis iŋes, anerae ituŋanan daadaŋ ŋini nyikitepegi iyes, erae ŋini kus.”

Yoa. 11:52

Meere aŋuna ka akwap a ŋin bon, nai ikotere ecunakini iwapei ŋidwe ŋulu ka Akuj, ŋulu ielara.

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”

Yos. 5:13

Apaki apei eyai Yosua diyete Yeriko, abu iŋes kikeu ereet keŋ kiŋolik ekile ewoi alokiŋaren keŋ etiŋit ekileŋ. Tolot Yosua neni ayai iŋes kiŋit tema, “Irae iyoŋ epei a alokidiŋ kosi, kori irae emoit?”

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.