Mat. 12:2 - Ebaibul

² Nai ani iŋolikinete Ŋiparisayon ŋun, tolimokis Yesu temasi, “Toanyuwa, itiyaete ŋikasyomak kon ŋuna italeo akitiya akoloŋit ŋina a Sabato.”

Mat. 12:2 Iomraidhean Croise

Awos. 23:12

“Kitiyata ŋiticisyo kus ŋirwa ŋikanikapei, nai ani edoli akoloŋit ŋina a ŋakanikaarei, emaikina kieŋut, ikotere ŋimoŋin ka ŋisigirya kus daŋ kieŋut, tosodi kieŋu epito ŋolo euritae alokalya kus ka kieŋu igelaanot ŋini iboiyete ka iyes.

Awos. 35:2

“Emaikina iyes kitiyata ŋiticisyo kus alotooma ŋirwa ŋikanikapei, akoloŋit ŋina a ŋakanikaarei, kituruwosi akoloŋit ŋin ŋina asegan, akoloŋit ŋina a Sabato ŋina ka akieŋun aŋuna ke Ekapolon. Ituŋanan daadaŋ ŋini itiyae etic edio akoloŋit ŋin, emaikina toarae.

Isa. 58:13

Ani pa kibila iyes akiciket ŋina ka akiricakinit akoloŋit ŋina a Sabato, pa kiwuap iyes ŋuna icamito iyes ŋikulepek alotooma akoloŋit kaŋ ŋina asegan, ani kinyarata iyes Sabato akoloŋit ŋina ka alakara, ani kinyarata iyes akoloŋit ŋina asegan ŋina a Ekapolon akoloŋit ŋina itopolooritae; ani kitopoloosi iyes iŋes anaesikin akitiya ŋuna icamito iyes ŋikulepek, kori anaesikin akitiya ŋuna ikitalakarito iyes, kori akiwarit akitiya ŋuna kus a ŋikulepek,

Mat. 12:10

neni ayai ekile ŋolo amitarit akan. Ayakasi nen ŋituŋa ŋice ŋulu acamito akisitakin Yesu. Kiŋita ikes iŋes temasi, “Ecamakinitae mono a Lokisila yok akitaŋaleunun ŋituŋa akoloŋit ŋina a Sabato a?”

Mat. 12:3

Toboŋok Yesu Ŋiparisayon tema, “Nyesyoma iyes ŋuna abu Daudi kitiya apaki ŋina anyamya akoro iŋes ka ŋirukitos keŋ a?

Mar. 2:24

Kiŋita Ŋiparisayon iŋes temasi, “Toanyuwa! Nyo itiyaata ŋikasyomak kon ŋuna italeo akoloŋit ŋina a Sabato?”

Luk. 14:3

Kiŋit nai Yesu ŋiketatamak a Ŋikisila ka Ŋiparisayon tema, “Ecamakinitae mono a Lokisila yok itaŋaleunio ituŋanan akoloŋit ŋina a Sabato kori emam?”

Luk. 23:56

Toboŋosi nai lorerya kec akitemokin akimyet ŋina akukunyon ŋina kiwosakina nakuwan keŋ. Kieŋut ikes akoloŋit ŋina a Sabato, ikwa egiritere Lokisila a Moses.

Luk. 6:2

Kiŋita Ŋiparisayon ŋice ikes temasi, “Nyo itiyaata iyes ŋakiro ŋuna italeo akitiya akoloŋit ŋina a Sabato?”