Mat. 11:5 - Ebaibul

⁵ Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak, nabo elimonokinio Ŋakiro ŋuna Ajokak neni a ŋikulyak.

Mat. 11:5 Iomraidhean Croise

2 Ŋirw. 5:14

Aŋun abu iŋes tocamu atiyaar naŋolol Yorodan kiloŋari ŋakiloŋaret ŋakanikaarei lopite ŋolo kirworitor ekadwaran Elisa; tojokyar akuwan keŋ todeletet kikok ŋina a edya a ŋolo cici, toŋaleu.

2 Ŋirw. 5:7

Ani irikakini erwosit a Isirael akisyom abaruwa ŋin, tocilicili ŋilowi keŋ tocelu tema, “Arae ayoŋ Akuj ŋina aari ŋituŋa kori ŋina eteyarununui a? Kaanukiro iyakunitor etuŋanan ŋol ekile lo neni kaŋ atemar etaŋaleu ayoŋ anadyak atapon? Toanyutu mono iyes epite ŋolo iwaritor iŋes ebura ka ayoŋ?”

Ŋikiru. 146:8

itekenyununui ŋakonyen a ŋimudukanotin, iŋaranakini ŋulu adaun akitapapanun, emina Ekapolon ŋulu iyookino.

Ŋikiru. 22:26

Imujete ŋulu a ŋican kimwoko; ipurete Ekapolon ŋulu itopoloorito iŋes, elipi inak Akuj ikes alakara anakiyar kec a daadaŋ

Awos. 4:11

Kiŋit nai Ekapolon iŋes tema, “Ŋae ainakini ituŋanan erwor? Ŋae ituruwonori iŋes ŋini nyirworo, kori ŋini ekiŋimana, ŋini ekyenyi, kori ŋini emudukana? Erae ayoŋ Ekapolon ainakini.

Isa. 29:18

Akoloŋit ŋin, iirarete ŋikiŋimanotin ŋakiro ŋuna igiritae lokitaabo, ido anakiyaloloŋ kec ka anakiryonut iŋolikinete ŋakonyen a ŋimudukanotin.

Isa. 29:19

Eryamunete ŋulu iyapara alelyanu ŋina kitete aneni ke Ekapolon ka itopoloorete ŋulu eyakatar akiitanit alotuŋa a Ekapolon Akuj ŋina a Isirael ŋina asegan;

Isa. 43:8

Yautu kiŋaren ŋituŋa ŋulu emudukaka toyakatar bo ŋakonyen, ŋulu ekiŋimaka, toyakatar bo ŋaki!

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Sakar 11:7

Aŋun, apotu ŋimucurus a ŋamesekin a ŋuna erae toŋolae okolimokis ayoŋ acok ŋamesekin kec, ido abu ayoŋ oruwor ekeyokon a ŋamesekin a ŋun. Abu ayoŋ olemu ŋibelae ŋiarei, onyara ekiro ke epei ebe, “Ajokis” ka ŋoloce ebe, “Akimorikina,” Abu ayoŋ eyok ŋamesekin ŋun.

Mat. 10:8

Kitaŋaleutu ŋikadyakak, kiteyarutu ŋikatwak, kitesegutu ŋulu ka atapon ka kiritanasi ŋipyan; ipotu iyes toryamut koŋin, aŋun, kipotosi iyes daŋ koŋin.

Mat. 11:4

Toboŋok Yesu ikes tema, “Toloto tolimokisi Yoana ŋuna ipupete ka ŋuna iteete.

Mat. 12:13

Tolimok nai iŋes ekile ŋol tema, “Toriyo akan kon.” Toriyo nai ekile akan, toŋaleu kikok ŋinace.

Mat. 21:14

Potu ŋimudukanotin ka ŋikaŋwalak neni keŋ alo Kai ka Akuj, kitaŋaleu iŋes ikes.

Mat. 5:3

“Erereŋ ŋulu eyenete atemar ekulyakaka ŋitai kec alokiŋaren Akuj; erae ajakaanut ŋina anakuj ŋina kec.

Mat. 9:30

Toŋaleut ŋakecekonyen. Kicik nai Yesu ikes nooi tema, “Nyilimokis idiotuŋanan nu.”

Mar. 7:37

Toumokis ikes nooi temasi, “Etiya iŋes ŋiboro daadaŋ ejok, esiira ŋikiŋimanotin ka esirworik ŋulu sek nyirworosi.”

Mar. 9:25

Ani iŋolikini Yesu asepic emotuno, kiyayak ekipye tema, “Iyoŋ ekipye ŋolo nyisirwori ka ŋolo itikiŋimanit, akalimokini ayoŋ iyoŋ, tolomu alotooma keŋ; nyiloma nabo neni keŋ jik.”

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Yoa. 10:25

Toboŋok Yesu ikes tema, “Abu ayoŋ okolimok iyes, nai nyinupito. Ŋiticisyo ŋulu etiyae ayoŋ alokiro a Papa kaŋ, ikes eketeyenunito ayoŋ.

Yoa. 10:38

Nai ani ketiyae ayoŋ ikes, tonupa ikes erae tari pa kikinupito ayoŋ; ikotere toyenuniata ayenunet apei jik atemar, eyai Papa tooma kaŋ ka ayai ayoŋ tooma Papa.”

Yoa. 2:23

Ani eriŋa Yesu eyai Yerusalem, alorwa a ŋulu a Paska, apotu ŋituŋa ŋulu alalak tonupa ekiro keŋ, anerae eteete ŋakujuwuanisya ŋuna etiyae iŋes.

Yoa. 3:2

Abu iŋes tolot nakwaare neni a Yesu tolimok tema, “Eketataman, ikiyeni isua atemar irae iyoŋ eketataman ŋolo ibunit aneni ka Akuj, anerae emam idiotuŋanan epedori akitiya ŋakujuwuanisya ŋuna itiyae iyoŋ, mati erukito Akuj ka iŋes.”

Yoa. 5:36

Nai ayakar ayoŋ akiteyenunet ŋina iloit tari ŋina a Yoana; anerae ŋiticisyo ŋulu akainaki ayoŋ Papa kaŋ akirikakin, ikes ikiteyenunito atemar Papa iŋes ekeyakuunit ayoŋ.

Yoa. 9:7

Tolimok Yesu iŋes tema, “Ape kilota ŋakonyen kon anabwal a ŋina a Siloam” (apolou keŋ atemar “Iyakitae”). Tolot iŋes, kilota, toboŋu ekienyi.

Ŋitic. 2:22

Topupokisi ŋakiro nu, iyes ŋituŋa a Isirael! Arae Yesu ŋolo a Nasaret ituŋanan ŋini eyakuunit Akuj. Abu iŋes kiteyenik ŋakiro neni kus alotooma ŋakujuwuanisya ka ŋaumonokineta ta ŋakitoodikineta ŋuna abu Akuj kitiya alotooma keŋ. Iyenete iyes ŋilopeyek ŋun.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.