Mat. 11:18 - Ebaibul

¹⁸ Abu Yoana bu eroneene ka pa emasi ŋagwe, nai temasi ŋituŋa, ‘Ikamunit ekipye iŋes.’

Mat. 11:18 Iomraidhean Croise

2 Ŋirw. 9:11

Ani eboŋori Yeu neni a ŋikapolok a ŋasigarya a ŋuna ke ekapolon keŋ, kiŋita ikes iŋes temasi, “Eya ŋakiro eroko a? Kaanukiro abunitor ŋolo a ŋibaŋibaŋ ŋol neni kon?” Toboŋok iŋes tema, “Iyenete iyes iŋes ka ŋakiro ŋuna irworo iŋes.”

Yer. 15:17

Nyiboikino ayoŋ neni aya ŋulu emwomworete elakara, kori nyelelyana ayoŋ; eboi ayoŋ aneni kaŋ bon, anerae ibu iyoŋ ikisican ayoŋ, ibu iyoŋ kilelebik aŋoit lotau kaŋ.

Yer. 29:26

‘Ikituruwo Ekapolon iyoŋ esacaradoti kilunyokin lorot a Yeoiada, ikotere eyakaunotor ŋikapolok Kai ka Akuj ŋulu iteete atemar ituŋanan daadaŋ ŋini ikerepikinit, ido edwari esibit erae ekadwaran, emaikina kikamunae toenae a ŋiriko kilogakinitetei asuwat lodokole keŋ.

Osea 9:7

Adolut ŋirwa ŋulu ka akisicanio, adolut ŋirwa ŋulu a ŋinyaŋ, igworosi ŋituŋa a Isirael ebasi, “Erae ekadwaran ebaŋ, irumito ŋikerep ituŋanan ŋini eyakar etau ŋolo ka Akuj.” Aŋuna a ŋasecisya kus a ŋuna alalak, elalak daŋ ŋiminan kus.

Mat. 10:25

Itemokino ekasyoman kikoni eketataman keŋ ka eketiyan kikoni ekapolon keŋ. Ani kenyaritae ekapolon ŋolo ka akai atemar Belesebul, enyarao ŋituŋa ŋulu ka akai a ŋin a ŋirorwa a ŋulu aronok nooi.

Mat. 11:17

temasi, ‘Ikipotu isua okutakisi arupepe ŋina kimomworet, nai nyimomworikis iyes; aponi isua kikalounoe aŋuna ka atwanare, nai nyiluuroto iyes.’

Mat. 3:4

Anapit Yoana elou ŋolo etiyaunitae a ŋajul a ŋuna ke ekaal, tonapite arokoba anacir keŋ, kimuji emaase ka ao analoŋisat.

Mat. 9:34

Nai temasi Ŋiparisayon, “Iritanari iŋes ŋipyan, anerae erae ŋolo epolokinit ŋipyan einakinit iŋes apedor ŋina kiritanaret ikes.”

Mar. 3:22

Tari ŋiketatamak a Ŋikisila ŋulu apote alo Yerusalem temasi, “Eyai iŋes Belesebul ŋolo isiritanari iŋes ŋipyan, ŋolo erae daŋ ekapolon a ŋipyan.”

Luk. 1:15

anerae erwoniar iŋes alokiŋaren Ekapolon. Nyitemokino iŋes tomat epiini kori idiobore ŋini ikitemerakini, ilelebun iŋes Etau ŋolo Asegan, tari eriŋa eyai nakook a toto keŋ.

Yoa. 10:20

Temasi ŋulu alalak, “Eyai ekipye neni keŋ! Kiruma ŋikerep iŋes! Nyo epupere ŋakiro keŋ?”

Yoa. 7:20

Toboŋokis ŋituŋa iŋes temasi, “Eyai ekipye tooma kon. Ŋae iwarit akiar iyoŋ?”

Yoa. 8:48

Kiŋita Ŋiyudayan Yesu temasi, “Pa nai ikiyookinit isua ikibala irae iyoŋ Esamaritanoit ka eyai ekipye neni kon a?”

Yoa. 8:52

Tolimokis Ŋiyudayan Yesu temasi, “Kire ikidau isua tokona aanyun atemar eyai ekipye neni kon. Abu Aburaam totwan, totwaka tari ŋikadwarak daŋ; nai ibala iyoŋ ebe ‘Ŋini iricakini ŋakiro kaŋ, nyetwani jik.’

Ŋitic. 26:24

Ani irworikini Paulo aŋuna keŋ alopite a lo, kiŋenyak Pesto iŋes tema, “Ikikerepikinit iyoŋ Paulo! Kikimunaiya iyoŋ asyomit kon ŋina apolon!”

1 Ŋikor. 9:27

Etogogoŋi ayoŋ akuwan kaŋ a ŋanaŋan, ikotere kiwuap ŋuna acamit ayoŋ, ikotere nyakalemar ayoŋ ŋolo abu onyarau ŋuluce nakerit.