Mat. 10:26 - Ebaibul

²⁶ “Aŋun, nyikera ikes, anerae emam ibore ŋini erapitae ŋini nyisileereunio ka emam ŋini imunonitae ŋini nyeanyunio.

Mat. 10:26 Iomraidhean Croise

Ŋakit. 10:9

Eyari ituŋanan ŋini iyookino erae ŋini eiuna, nai ituŋanan ŋini itiyae ŋuna nyiyookino, eripunio.

Ŋakit. 28:1

Eosunit ituŋanan ŋini aronon tari kemam ituŋanan iwarit akikamun iŋes, nai etitiny ituŋanan ŋini iyookino lopite ŋolo etitinyo eŋatuny.

Ŋakit. 29:25

Erae akuryanu emoit a ituŋanan, nai ituŋanan ŋini ikinyomit neni a Ekapolon, iuryaryo erae ŋini eiuna.

Ekal. 12:14

Ikitubokini Akuj iwon anakiro a daadaŋ a ŋuna ikitiyat iwon, kejokak, kori keroko ka anakiro a ŋuna itiyao iwon anakimunono.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 41:14

“Iyes ŋituŋa a Yakob ŋulu ipalag, nyikuryaketa, iyes ŋituŋa a Isirael ŋulu ikudyoko, nyikuryaketa. Ekeŋarakini ayoŋ iyes, Akuj ŋina asegan ŋina a Isirael iŋes erae akalakunan kus.

Yer. 1:8

Nyikuryaniar aŋuna kec, anerae ikirukit ayoŋ ka iyoŋ aŋuna ka aiun iyoŋ.”

Esek. 2:6

Nai iyoŋ lokoku a ituŋanan, nyikuryaniar aŋuna kec, kori nyiker ŋakiro kec tari kiyai iyoŋ nakitukuruworeta ka kepipil ŋakiro kec ikwa ŋikukwa, kori kiboi iyoŋ alokidiŋ ŋituŋa ŋulu ikote ŋitwania. Nai nyikuryaniar aŋuna a ŋakiro kec ka nyikitubulo ikes iyoŋ iŋolikini, anerae erae ikes ekal ŋolo aŋeron.

Mat. 10:28

Nyikera ŋulu earete akuwan, nai nyepedorito akiar etau; nai tokera ŋolo epedori akiar akuwan ka etau, tocakak tooma nakim ŋina nyeduŋe.

Mar. 4:22

Anerae emam idiobore ŋini imunonitae ŋini nyisileereunio, nabo emam ŋini iwuaitae ŋini nyitatakanunio.

Luk. 24:47

Itemokino kitatamae akiki ka akisyon ŋasecisya lobukui daadaŋ alokiro keŋ, akisyakin alo Yerusalem.

Luk. 8:17

Anerae emam ibore ŋini imunonitae ŋini nyisileereunio, kori ibore daadaŋ ŋini iwuaitae ŋini nyitatakununio yaunae nakica.

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 4:13

Toumok Atukot iŋolikini atitinyu a Petero ka Yoana, a ŋulu tari pa asyomito ka torae ŋikoŋinae ka toyenut daŋ atemar arae ikes ŋirukitos a Yesu.

Ŋitic. 4:19

Nai toboŋokis Petero ka Yoana temasi, “Totubutu iyes ŋilopeyek ŋuna iyookino alokiŋaren Akuj--akiwuap ŋakiro kus kori ŋuna ka Akuj.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

1 Pet. 3:14

Nai ani tari kiryamut iyes ŋican aŋuna itiyaata ŋuna iyookino, ikiterereŋitoe iyes nooi! Nyikera idiotuŋanan ka nyiyaloloŋo.