Mat. 10:19 - Ebaibul

¹⁹ Ani ikipotorete ikes iyes akisitakin, nyiyaloloŋo aŋuna ilosete iyes akirwor kori epite ŋolo limunet, anerae ikiinakinio iyes ŋakiro ŋuna itemokino tolimut apaki ŋin.

Mat. 10:19 Iomraidhean Croise

Awos. 4:12

Torotok tokona, ekeŋarakini ayoŋ iyoŋ topedo erwor ka akalimokini ayoŋ iyoŋ ŋuna emaikina tolimu.”

Awos. 4:15

Itemokino iyoŋ kirwor neni ka Aron, tolimok ŋakiro ŋuna emaikina iŋes kirwor. Ekeŋarakini ayoŋ iyes ka eketatami ayoŋ iyes ŋuna emaikina kitiyata.

Yer. 1:7

Nai abu Ekapolon okolimok ayoŋ tema, “Nyitema, ‘Eriŋa ayoŋ arae idya;’ anerae ilosi iyoŋ neni a daadaŋ a ŋulu ekeyakiyari ayoŋ iyoŋ, ido ibuni iyoŋ akirwor ŋakiro daadaŋ ŋuna akalimokini ayoŋ iyoŋ.

Yer. 1:9

Abu nai Ekapolon kiopeu akan keŋ totap akituk kaŋ, tosodi okolimok ayoŋ tema, “Tokona adau ayoŋ akiwuakin ŋakiro kaŋ nakituk kon.

Mat. 10:18

Ikirikoryo iyes kiŋaren ŋikepukak ka ŋirwosi aŋuna kaŋ, ikotere toruworos iyes ŋisuudae kaŋ alokiŋaren kec ka alokiŋaren ŋituŋa ŋulu nyerae Ŋiyudayan.

Mat. 6:25

“Aŋun, akalimokini ayoŋ iyes atemar, nyiyaloloŋete aŋuna ka akiyar kus; aŋuna a ibore a ŋini nyamat kori a ŋini matat. Nyiyaloloŋete tari aŋuna a ŋilowi a ŋulu napan. Meere mono akiyar iloit akimuj ka akuwan iloit ŋilowi a?

Mat. 6:31

Aŋun, nyiyaloloŋete ibasi, ‘Okoe nyo ikimuji, nyo ikimasi’ kori ‘Nyo ikinapi?’

Mat. 6:34

Nyiyaloloŋete aŋuna a moi taparacu, anerae moi taparacu daŋ eyakar ŋuna keŋ. Kimyekisi ŋinakoloŋit kitemokin ŋican keŋ.

Luk. 12:11

“Ani ikiyaunete ikes iyes losinagogae kori kiŋaren ŋikepukak kec, nyitemokino iyes kiyaloloŋo ŋuna iboŋokinete kori ŋuna ilimunete;

Luk. 12:12

anerae Etau ŋolo Asegan iŋes ebuni akitatam iyes ŋuna itemokino tolimut apaki ŋin.”

Ŋitic. 6:10

Nai inak Etau ŋolo Asegan Stepano aosou ŋina pa apedoryata ikes akitepeg, kilouniata iŋes.

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.