Mat. 10:15 - Ebaibul

¹⁵ Akalimokini ayoŋ iyes kire atemar, Akoloŋit ŋina ka atubokino erimakinio ŋituŋa ŋulu a Sodoma ka ŋulu a Gomora akilo ŋulu ke etaun a ŋol.

Mat. 10:15 Iomraidhean Croise

Mat. 12:36

“Akalimokini ayoŋ iyes atemar, Akoloŋit ŋina ka atubokino itatamuni ŋinituŋanan ŋakiro daadaŋ ŋuna kelimunit iŋes, ŋuna pa kitemokino iŋes tolimu.

Mat. 5:18

Akalimokini ayoŋ iyes kire atemar, mati kesalu nakuj ka akwap, emam enyukuta kori akirot adio cici ŋina ikisaryo a Lokisila, mati kirikakin ŋakiro daadaŋ.

Mat. 7:22

Akoloŋit ŋin, etemarete ŋikalalak neni kaŋ, ‘Ekapolon, Ekapolon! Pa aponi isua todwarae alokiro kon ka eritanasi ŋipyan alokiro kon; nabo etiyata ŋakujuwuanisya alokiro kon a?’

Mar. 6:11

Akibois daadaŋ ŋina nyikijauniata iyes ŋituŋa, kori ewouniata akiirar iyes, totwakisi apuwa ŋina a ŋakejen kus nen, kitoodiu nen atemar esecito ikes.”

Yoa. 12:48

Ŋinituŋanan akaŋeri ayoŋ, nyecamu ŋakiro kaŋ, eyakar iŋes ekatubon. Ŋakiro ŋuna erworo ayoŋ, ikes eruworosi ekatubon keŋ Akoloŋit ŋina esidyon.

Yoa. 6:39

Acamit a ŋolo ekeyakuunit ayoŋ, iŋes na: nyitemokino ayoŋ etooliyo idiotuŋanan ŋini akainaki iŋes ayoŋ; nai akilo, eteyaru ikes Akoloŋit ŋina esidyon.

Yoa. 6:40

Ŋuna ecamit Papa kaŋ ikes nu: ŋini eanyuni ka tonup Lokoku, eryamuni akiyar ŋina nyedaun. Eteyaruni ayoŋ iŋes Akoloŋit ŋina esidyon.”

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”

1 Ŋikor. 3:13

Akoloŋit ŋina esidyon, isileereunio etic a ŋinituŋanan alotooma akim, anerae ikatakinio ka akim ibore ŋini edukitor iŋes.

1 Ŋites. 5:4

Nai ŋikaitotoi, nyiyakasi iyes nakiryonut, aŋun nyikiŋesari iyes Akoloŋit ŋin ikwa ekokolan.

Ŋibur. 10:25

Nyikipalik acunanakin iwapei ikwaŋina apalikiniata ŋice. Nai orubakisi ikisimukekina make, nooi anapaki a na a ŋina aapuunia Akoloŋit ŋina ke Ekapolon.

2 Pet. 2:6

Abu Akuj totubok ŋitaunio ŋulu a Sodoma ka Gomora, tomunya ikes ka akim, kituruwo akitaanyikinet neni a ŋulu eŋerito Akuj.

2 Pet. 2:9

Etakani nai atemar eyeni Ekapolon epite ŋolo iunet ŋulu eyarete, epite ŋolo ecamit Akuj anakikatanakineta kec ka eyeni epite ŋolo esikinet ŋikasecak akitodol Akoloŋit ŋina ka atubokino; kisicanae.

2 Pet. 3:7

Nai nakuj ka akwap ŋuna eyakasi tokona iŋadakinitae alotooma akirot ŋinapei ka Akuj. Iŋadakinitae ikes akitodol Akoloŋit ŋina ka atubokino, ikotere inyasunio anakim, kaapei ka ŋituŋa ŋulu eŋerito Akuj.

1 Yoa. 4:17

Epite lo iŋes itemokinere kire amina keŋ neni yok, ikotere oyakatar atitinyu Akoloŋit ŋina ka atubokino, anerae akiyar yok anakwap a na ikoni ŋina a Kristo.

Yud. 1:6

Ŋimalaikan daŋ ŋulu apotu toŋero apolou kec, apotu toesikis neni eboiyoto ikes, ido eenit Akuj ikes a ŋiriko a ŋulu ruba, anakiryonut a ŋina iryono cuc, akitodol Akoloŋit ŋina apolon ŋina ka atubokino.

Yud. 1:7

Totamunito daŋ Sodoma ka Gomora ta ŋitaunio ŋulu edunyatar ikes, ŋulu apotu ŋituŋa kitiyaata ikwa ŋimalaikan ŋul anakitiya ŋakiro ŋuna ka amalao ka asupitoi ŋina gelaanot. Isicanitae tokona ikes anakim a ŋina nyeduŋe. Alopite a lo erae ikes akitaanyikinet tocoikiniata daadaŋ.