Mat. 1:21 - Ebaibul

²¹ idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Mat. 1:21 Iomraidhean Croise

Akisy. 17:19

Tema Akuj, “Mam, euruuni aberu kon Sara ikoku ŋinisapat aŋuna kon, ido ilimokini iyoŋ ekiro keŋ Isaka. Ewuak ayoŋ acamunet kaŋ ka iŋes erae ŋina a ŋikaru ka ŋikaru a ŋuna a ŋiletok keŋ.

Akisy. 17:21

Nai acamunet kaŋ ka iyoŋ, etogogoŋi ayoŋ aneni a Isaka a ŋolo euruuni Sara aŋuna kon apaki napei na ekaru ŋolo moi.”

Akisy. 18:10

Tolimok epei alokidiŋ ŋikilyok ŋul Aburaam tema, “Kire jik, aboŋuni ayoŋ neni kon apaki ŋina ejokunia ekaru ŋina ieteunio, apaki ŋin, eyakaunor aberu kon Sara ikoku ŋinisapat.” Apupi Sara ŋakiro ŋun alopuke a eema alokaku Aburaam, aneni eboiyo iŋes.

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 33:16

Alorwa a ŋul eiunio ŋituŋa a Yudaya ka iboiyete ŋituŋa a Yerusalem emam ŋace. Erae lo ekiro ŋolo enyaraere etaun, ‘Erae Ekapolon akiyookino kosi!’

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Mat. 1:25

Nai nyiryamakina tari ŋina edounio Maria ikoku ŋini sapat, tolimok Yosepu ekiro a ikoku Yesu.

Luk. 1:13

Nai tolimok emalaika iŋes tema, “Nyikuryaniar Sakariya, anerae eira Akuj akonikilip, idouni akoniberu Elisabet ikoku ŋini sapat, ilimokini iyoŋ ekeekiro Yoana.

Luk. 1:31

ipotiuni iyoŋ kidou ikoku ŋini sapat, tolimok ekeekiro Yesu.

Luk. 2:11

Anerae nakuwar na, edoun Ekaiunan kus alotaun a Daudi--Kristo ŋolo erae Ekapolon!

Luk. 2:21

Ani edoli ŋirwa ŋikanikauni ŋulu kileŋeret ikoku, tolimokinae ekeekiro Yesu, ekiro ŋolo alimori emalaika eriŋa nyepotiuno iŋes.

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Yoa. 4:42

Tolimokis ŋituŋa ŋul aberu ŋin temasi, “Meere ŋakiro kon bon tokona ikinupitor isua iŋes, nai ikiira isua ŋilopeyek atemar, erae lo kire Ekaiunan ŋolo ka akwap.”

Ŋitic. 13:23

Ayau Akuj aloletok a Daudi Ekaiunan ŋolo a Ŋisirael, ŋolo erae Yesu, ikwaŋina aris iŋes kiikinia.

Ŋitic. 3:26

Aŋun, abu Akuj toseu eketiyan keŋ, kiyaku mono neni kus akiterereŋ iyes; kibelekinos iyes daadaŋ alopitesyo kus a ŋulu aronok.”

Ŋitic. 4:12

Emam aiuno aneni a ice a daadaŋ, anerae emam ekiro ece anakwap a daadaŋ ŋolo einit Akuj ŋituŋa, ŋolo epedoryata ŋituŋa aiunor.”

Ŋitic. 5:31

Kitopoloo Akuj iŋes, kisiboik lowae ŋolo aloteten keŋ toruwor Ekarikon ka Ekaiunan, ikotere Ŋisirael epedorete akiki, kisyoni Akuj ŋasecisya kec.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 3:5

Iyenete iyes atemar atakanuni Yesu alemar ŋasecisya ka emam asecit aneni keŋ.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.

Ŋikat. 13:3

Totakanu emalaika a Ekapolon neni ka aberu a Manoa, tolimok iŋes tema, “Tari kikolupana iyoŋ, kemam ŋidwe, ipotiuni iyoŋ ka idouni ikoku ŋinisapat.

1 Sam. 1:20

Aŋun nai, abu Ana topoti, kidou ikoku ŋinisapat. Tolimok Ana ekiro a ikoku Samuel, anerae abu iŋes tema, “Abu ayoŋ eŋit Ekapolon ainakin ayoŋ ikoku.”