Mat. 1:20 - Ebaibul

²⁰ Nai ani eriŋa iŋes etamatamae ŋakiro ŋun, totakanu emalaika ŋolo ke Ekapolon neni keŋ anakiruja tema, “Yosepu lopapait a Daudi, nyikuryaniar akiit Maria toruwor aberu kon, anerae ŋini epoti iŋes ebunit aneni ke Etau a ŋolo Asegan;

Mat. 1:20 Iomraidhean Croise

Akisy. 31:11

Okonyar nai emalaika ka Akuj ayoŋ anakiruja tema, “Yakob” eyi ayoŋ otema, “Ayai!”

Akisy. 46:3

Tema Akuj, “Arae ayoŋ Akuj, Akuj a papa kon. Nyikuryan alosit atiyaar Ijipit, anerae eketipituni ayoŋ iyoŋ anakwap a ŋin.

1 Ŋirw. 17:13

Tema Eliya neni keŋ, “Nyikuryaniar, ape kitiya lopite ŋolo ilimunio iyoŋ, nai kipokinoe mono ayoŋ amugati adio a ŋakirya a ŋun ikiinu ayoŋ, kipou nai ekaku ŋina kon ka ŋina alokoku kon,

1 Ŋirw. 3:5

Ani eriŋa iŋes eyai Gibeon, totakanu Ekapolon nakwaare neni keŋ anakiruja. Tema Akuj neni keŋ, “Kiŋitae ayoŋ ibore ŋini icamit iyoŋ okoinak ayoŋ iyoŋ.”

Ŋikiru. 119:125

Arae ayoŋ eketiyan kon; inakinae ayoŋ apiiryanut, ikotere ayoŋ ayenuni ŋakiro ŋuna itubunit iyoŋ.

Ŋikiru. 143:8

Kimyekinae ayoŋ a ŋinataparacu eira ŋuna ka amina kon a ŋina nyiryaŋiryaŋa, anerae ekekinyomit ayoŋ iyoŋ. Kitoodikinae ayoŋ ŋuna emaikina ewuap, anerae neni kon iŋes elipi ayoŋ.

Ŋikiru. 94:19

Ŋinibore abunio ayoŋ otamatama nooi alocan kaŋ, ibu iyoŋ ikisirworiu ayoŋ, ikiinak alelyanu.

Ŋakit. 12:5

Erae ŋakiro ŋuna etamete ŋulu iyookino ŋuna iyookino; erae ŋakiro ŋuna ikilimokinete ŋulu aronok ŋuna nyipedori akikinyom.

Isa. 26:3

Iyokit iyoŋ a ekisil ŋulu nyiryaŋiryaŋasi anatameta kec, iyokit iyoŋ ikes, anerae ikikinyomito iyoŋ.

Isa. 30:21

Ani kilot iyes lowae ŋolo aloteten, kori lowae ŋolo alokedyeny, iirarete iyes etoil alokaku kus ebala, “Erot lo, tomekisi.”

Isa. 51:7

Topupokisi ŋakiro kaŋ iyes ŋulu eyenete ŋuna ka akiyookino, iyes ŋituŋa ŋulu iwuakinito akitatam kaŋ lotai kus nyikuryaketa aŋuna ŋituŋa a ŋulu ikiyanyete iyes, nyikikadak iyes apaki ŋina ikiyanyata ikes iyes,

Isa. 7:13

Tema nai Isaya neni ka Aas, “Kiirasi tokona iyes ŋiletok a Daudi, nyituupa mono iyes ŋituŋa anakidaŋidaŋ ŋakiro kus, ido icamito akituup Akuj kaŋ daŋ a?

Isa. 7:2

Ani iirarete ŋituŋa a Daudi atemar ariwo Aram ka Epuraim, tomaranikis Aas ka ŋituŋa keŋ daadaŋ lopite ŋolo emaranikiniata ŋikito anamoni apaki ŋina ekutunia ekuwuam.

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Yer. 33:26

Ikwaŋinapei, nyaŋeri ayoŋ acamunet kaŋ ka ŋiletok a Yakob ka ŋiletok a eketiyan kaŋ a Daudi, ido aseuni ayoŋ epei a ŋiletok a Daudi kipuka ŋiletok ka Aburaam, Isaka ka Yakob, anerae enyakakini ayoŋ ikes ŋarereŋisyo kec ka esyoni ayoŋ ikes.”

Yer. 40:9

Abu Gedalia lokoku ka Aikam a ŋolo arae lokoku a Sapan kikoŋ neni a ŋikarikok ka neni a ŋajorei kec tema, “Nyikuryaketa akitiyanakin Ŋibabiloniyae. Kiboiyoto anakwap yok, kitiyanakis erwosit a Babilon, mam ŋuna aronok itiyakin neni kus.

Yoel 2:28

“Ekaku, eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, irujaete ŋikasikou kus, ka eanyunete ŋikusisorok ŋatakanikineta.

Ekim. 12:6

Tema Ekapolon, “Kiirasi ŋakiro kaŋ nu: Ani eyakasi ŋikadwarak kidiŋ kus, ayoŋ Ekapolon, atakanikini neni kec, erworo ayoŋ neni kec anakirujaeta.

Mat. 1:18

Ekoni akidouno a Yesu Kristo etakanuni ne: eikinitae Maria toto a Yesu aruwor aberu a Yosepu, nai ani eriŋa ikes nyeruko, toryamunae Maria epoti aŋuna ka apedor a ŋina ke Etau a ŋolo Asegan.

Mat. 2:12

Aŋuna abunio Akuj kicik ikes anakiruja atemar nyeboŋosi neni eyai Erode, kitoro ikes lorot ece eboŋorete nakwap kec.

Mat. 2:13

Ani kerotokis ikes, totakanu emalaika ŋolo ke Ekapolon neni a Yosepu anakiruja tema, “Tonyou, ya ikoku ka toto keŋ tosiya tari Ijipit. Kiboi aina tari ŋina akalimokinia ayoŋ iyoŋ, anerae ecamit Erode akimimaun ŋakiro a ikoku, ecamit akiar.”

Mat. 2:19

Ani ketwana Erode, totakanu emalaika ŋolo ke Ekapolon anakiruja neni a Yosepu alo Ijipit

Mat. 2:22

Nai ani iirari iŋes atemar elunyokin Arikaleo lokicoloŋ a papa keŋ ke Erode aruwor erwosit ŋolo a Yudaya, tokuryaniar iŋes alomar Yudaya. Ani kedau Akuj akicik iŋes anakiruja, abu Yosepu tolot Galileya.

Mat. 27:19

Ani eriŋa Pilato iboi alokicoloŋ a ŋolo etubonokinere, kiyaku aberu keŋ ŋakiro nu neni keŋ: “Nyiloma nakiro ŋuna ke ekile a ŋol, a ŋolo iyookino! Anerae ekecanito ayoŋ ŋakiro ŋuna bien nakwaare erujat ayoŋ aŋuna keŋ.”

Mat. 28:5

Tolimok nai emalaika ŋaberu tema, “Nyikibul iyes, anerae ayeni ayoŋ atemar iwarito iyes Yesu ŋolo ebubukinio lomusalaba.

Luk. 1:19

Toboŋok emalaika tema, “Ayoŋ Gaburiel, ŋolo awuoi alokiŋaren Akuj. Ekeyakuunitae ayoŋ neni kon, alimokin iyoŋ ŋakiro ŋuna ajokak ŋun.

Luk. 2:4

Tonyou Yosepu daŋ alore a Nasaret a ŋolo eyai nakwap ŋina a Galileya, tolot lotaun a Daudi ŋolo anyaritae Betelem anakwap a ŋina a Yudaya. Alosi iŋes inaa, anerae arae iŋes ŋolo anateker a Daudi.

Ŋitic. 5:19

Nai ani nakwaare, toŋaa emalaika ŋolo ke Ekapolon ŋikekya ŋulu a mabus, ido yau ikes kiŋa, tolimok ikes tema,

Akis. 19:7

Olelyana ka olakaros, epuro apolou keŋ! Anerae adol apaki ŋina a ŋasuban a ŋuna ke ekiitanu a Imesek, itemokino daŋ ateran keŋ aŋuna keŋ.

Ŋikat. 13:3

Totakanu emalaika a Ekapolon neni ka aberu a Manoa, tolimok iŋes tema, “Tari kikolupana iyoŋ, kemam ŋidwe, ipotiuni iyoŋ ka idouni ikoku ŋinisapat.