Mat. 1:19 - Ebaibul

¹⁹ Aŋuna araakar Yosepu ekile keŋ ŋolo ajokan, abu iŋes totamu aesikin Maria ekililiŋat, anerae pa acamit akisirum iŋes ŋileec alotuŋa.

Mat. 1:19 Iomraidhean Croise

Akisy. 38:24

Ekaku a ŋilapyo a ŋiuni, tolimokinae Yuda temarae, “Kelom nateran kon Tamar ka daŋ epoti iŋes ikoku ŋinilomuna.” Tolimu Yuda tema, “Yautu iŋes kiŋa, emaikina kicunyae iŋes.”

Akisy. 6:9

Erae lu ŋirorwa a ŋiletok a Noa a ekile a ŋolo eyookino, a ŋolo amam ŋuna etoronitotor ŋituŋa keŋ ka etopoloorit Noa Akuj anakiyar keŋ.

Ŋilep. 19:20

“‘Ani kiryamakin ekile ka aberu ŋina erae apito, ŋina sek eikinitae ekile ece, nai toriŋa nyelakuna, kori nyimyekina iŋes tolot tojoŋo araakau apito, emaikina mono kiŋitatei ŋakiro ŋun. Nyemaikina ikes toarae, anerae ariŋa aberu ŋin erae apito.

Ŋilep. 20:10

“‘Ani kelom ekile edio aberu a ekidunyet keŋ, emaikina toarae ekaloman ŋol kaapei ka akaloman ŋin.

Mar. 10:4

Temasi ikes, “Abu koloŋ Moses itocamak isua tema ebe epedori ekile akigir abaruwa ŋina ke elakit, tosodi nai totyakas ka aberu keŋ.”

Mar. 6:20

Anerae akerit Erode Yoana, ayeni atemar arae ŋuna a kire ŋakiro ŋuna erworo Yoana ka arae iŋes ituŋanan ŋini eyookino ka ŋini ka Akuj; aŋun, emyekinit iŋes Yoana. Amina Erode akipup Yoana, erae daŋ kisiyaloloŋeneete ŋakitatameta a Yoana iŋes.

Luk. 2:25

Ayai Yerusalem ekile ŋolo anyaritae Simeon. Arae iŋes ekile ŋolo eyookino ŋolo ainakina neni ka Akuj; edarit iŋes akoloŋit ŋina eiunere Isirael, nabo ayai Etau ŋolo Asegan neni keŋ.

Ŋitic. 10:22

Toboŋokis ikes temasi, “Kornelio, ekapolokiniton ŋasigarya, iŋes ikiyakuunit isua. Erae iŋes ekile ŋolo ajokan, ŋolo iyookino ka ekerit iŋes Akuj. Ekerito Ŋiyudayan daadaŋ iŋes. Alimokini emalaika ŋolo ka Akuj iŋes anyarare iyoŋ bu kai keŋ, ikotere kiira iŋes ŋuna ilimuni iyoŋ.”

Ŋitic. 27:39

Ani iwalari, kiŋolikis ikes akwap, nai nyeyena atemar ai. Nai kiŋolikis agule ŋina ka anam ŋina eleleba asinyon, neni apotu ikes totyakut atemar kirimok ameeli todolere nen.

2 Ŋikor. 1:15

Aŋuna ayenia ayoŋ nooi ŋuna alosikinit, iŋes acamitor abunore mono neni kus, ikotere toryamut arereŋu ace nabo.

Ŋikis. 22:20

Nai ani kiyookino ŋuna elimunit ekile ŋol ka pa keryamunitae akitoodikinet ŋina itoodiunit atemar kerae apese ŋin ŋina pa eryamakina ka ekile,