Mat. 1:11 - Ebaibul

¹¹ touru Yosia Yekonia ka ŋikaitotoi keŋ ŋirwa ŋulu arikorere Ŋisirael nakwap ŋina a Babilon aruwor ŋipi.

Mat. 1:11 Iomraidhean Croise

2 Ŋirw. 23:31

Arae ŋikaru a Yeoas ŋatomoniarei ka ŋiuni apaki ŋina esyakinia akipuka; kipuka iŋes Yudaya alo Yerusalem ŋilapyo ŋiuni. Arae ekiro a toto keŋ Amutal nakoku keŋ a Yeremia a ŋolo alo Libina.

2 Ŋirw. 24:14

Tocuna Nebukadinesar ŋituŋa a Yerusalem daadaŋ, ŋikapolok daadaŋ, ŋikajiok daadaŋ, ŋikayeak ŋiboro ta ŋiketyakak a ŋasuwa, ŋituŋa ŋulu aponi kikamarae a nen arae ŋalipyo ŋatomon, ŋikulyak bon aponi kimyekinae anakwap a ŋin.

2 Ŋirw. 25:11

Tosodi Nebusaradan toriko ŋituŋa ŋulu edoŋito lotaun kaapei ka ŋulu aris kecamut akiri ka erwosit a Babilon.

2 Ŋakiro a ŋirwa 36:10

Ani edoli ŋirwa ŋulu ka akicereet ekaru ŋol, abu erwosit Nebukadinesar kiyakiya ŋituŋa aomere Yeoiakin ka aponi yaarae iŋes Babilon kaapei ka ŋiboro ŋulu epol egyelit, ŋulu ayakasi Kai ke Ekapolon. Kilunyok Nebukadinesar Sedekia lokaato a Yeoiakin lokicoloŋ toruwor erwosit a Yudaya ka Yerusalem.

2 Ŋakiro a ŋirwa 36:20

Toriko Nebukadinesar Babilon ŋituŋa daadaŋ ŋulu keponi nyeari, ido apotu ŋul toruwor ŋiketiyak keŋ ka ŋulu a ŋidwe keŋ a ŋulusapa akitodol ŋina esyakinere apukan ŋina a Perisia.

Isa. 13:1

Erae nu ŋakiro ŋuna abu Akuj kisileerek Isaya lokoku ka Amos aŋuna a ŋituŋa a Babilon.

Yer. 27:20

ŋulu abu erwosit Nebukadinesar ŋolo a Babilon nyeya apaki ŋina arikorya iŋes alo Yerusalem tari Babilon erwosit Yekoia lokoku a Yeoiakim a ŋolo a Yudaya kaapei ka ŋikapolok daadaŋ ŋulu a Yudaya ka a Yerusalem.

Yer. 39:9

Tosodi abu Nebusaradan ekapolokiniton a ŋasigarya a Babilon toriko Babilon ŋituŋa daadaŋ ŋulu aya lotaun ŋulu apotu toriwo ka iŋes ka ŋituŋa ŋulu edoŋito lotaun.

Dan. 1:2

Abu Ekapolon inak Jeoiakim erwosit a Yudaya napedor a erwosit a Babilon, inak tari ŋiboro ŋulu esitiyao alo Kai ka Akuj. Abu Nebukadinesar ya ikes nakwap ŋina a Sinar, kiwuak ŋiboro ŋul kai ŋina eŋadao abaru a ŋakujo keŋ.

Mat. 1:12

Kedaun arikor ikes Babilon, abu Yekonia touru Saelatiel, touru Saelatiel Serubabel,

Mat. 1:17

Ŋanyameta a ŋituŋa a ŋul ameun aneni ka Aburaam tari neni a Daudi, arae daadaŋ ŋatomon ka ŋaomwon, ameun aneni a Daudi tari ŋina arikorere Ŋisirael Babilon aruwor ŋipi, arae ŋatomon ka ŋaomwon, nabo ameun anarikoret Ŋisirael Babilon tari ŋina edounere Kristo, arae ŋuna daŋ ŋatomon ka ŋaomwon.