Mat. 1:1 - Ebaibul

¹ Erae lu ŋirorwa atapapaa a Yesu Kristo, a ŋolo arae ekanateker a Daudi a ŋolo arae lopapait ka Aburaam.

Mat. 1:1 Iomraidhean Croise

Akisy. 12:3

Eterereŋi ayoŋ ŋulu ikiterereŋete iyoŋ, tosodi eceni ŋulu ikicenete iyoŋ. Aŋuna kon, eterereŋi ayoŋ ŋituŋa ŋulu ka akwap daadaŋ.”

Akisy. 2:4

Erae ŋol epite ŋolo asubia Akuj kidiama ta akwap. Akoloŋit ŋina asubia Ekapolon Akuj akwap ka kidiama,

Akisy. 22:18

ido eterereŋi ayoŋ ŋituŋa ŋulu ka akwap daadaŋ aŋuna a ŋiletok kon, anerae idau iyoŋ akiwuap ŋakiro kaŋ.’”

Akisy. 5:1

Erae lu ŋirorwa a ŋipapae ka Adam. Apaki ŋina asubunia Akuj ituŋanan, abu tosub ikwaan ka iŋes.

Ŋikiru. 132:11

Abu Ekapolon kikoŋ neni a Daudi, akikoŋet ŋina a kire ŋina nyelakari iŋes. abu iŋes tema, “Eturuwori ayoŋ epei a ŋidwe kon a ŋulusapa erwosit, ipukae iŋes ekaku kon.

Ŋikiru. 89:3

Ibu iyoŋ tema, “Adau ayoŋ acamun ka ituŋanan ŋini abu oseu, adau ayoŋ akikoŋ neni a Daudi ke eketiyan kaŋ

Ŋikiru. 89:36

Erubakini ete ŋiletok keŋ ŋikaru ka ŋikaru, erubakini apukan keŋ alokiŋaren kaŋ ŋirwa ŋulu ka akoloŋ daadaŋ;

Isa. 11:1

Ijojouni ateni aneni a Yese, elomuni ateni anataagor keŋ tora.

Isa. 53:8

Aponi toreikinae iŋes ŋakiro anatubokin a ŋina pa eyookino, aponi torikoroe iŋes akiar. Ŋae apedorit atamatam ŋuna itiyakin neni keŋ? Anerae aponi tolemarae iŋes anakwap a ŋulu eyarete, aponi toarae iŋes aŋuna a ŋasecisya a ŋituŋa kaŋ.

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Yer. 33:26

Ikwaŋinapei, nyaŋeri ayoŋ acamunet kaŋ ka ŋiletok a Yakob ka ŋiletok a eketiyan kaŋ a Daudi, ido aseuni ayoŋ epei a ŋiletok a Daudi kipuka ŋiletok ka Aburaam, Isaka ka Yakob, anerae enyakakini ayoŋ ikes ŋarereŋisyo kec ka esyoni ayoŋ ikes.”

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Sakar 12:8

Apaki ŋin, iuryari Ekapolon ŋulu iboiyete alo Yerusalem, tari ŋulu epalag alo kidiŋ kec, egogoŋioto lopite ŋolo agogoŋio Daudi. Ipukaete ŋipapae a Daudi ikes lopite ŋolo ipukaa emalaika a Ekapolon, lopite ŋolo ipukator Akuj alope.

Mat. 1:18

Ekoni akidouno a Yesu Kristo etakanuni ne: eikinitae Maria toto a Yesu aruwor aberu a Yosepu, nai ani eriŋa ikes nyeruko, toryamunae Maria epoti aŋuna ka apedor a ŋina ke Etau a ŋolo Asegan.

Mat. 1:2

Arae Aburaam papa a Isaka, touru Isaka Yakobo, touru Yakobo Yuda ka ŋikaitotoi keŋ.

Mat. 15:22

Bu aberu ŋina arae Akananait ŋina ayai nakwap ŋin, kimaima Yesu tema, “Ekapolon, Lokoku a Daudi! Kisyoni ayoŋ! Edyaka nakoku kaŋ, ikamunit ekipye iŋes!”

Mat. 3:16

Ani kedaun Yesu akibatis, todoku iŋes anakipi tosodi toŋaari nakuj, kiŋolik iŋes Etau ŋolo ka Akuj ebuni alokidiama ikoni akuri, todo neni keŋ.

Mat. 9:27

Ani erotokini Yesu a nen, totupakis iŋes ŋikilyok ŋiarei ŋulu amudukaka iworoete ebasi, “Lokoku a Daudi! Kisyoni isua.”

Luk. 1:33

Ipukae iŋes ateker a Yakobo ŋikaru ka ŋikaru, nabo nyedaun Apukan keŋ!”

Yoa. 7:42

Kire igiritae Nakigireta ebe, erae Kristo lopapait a Daudi, ebuni iŋes alo Betelem alore a ŋolo koloŋ ayai Daudi.”

Ŋitic. 2:30

Ayeni Daudi atemar, aris Akuj kikoŋ atemar eturuwori lopapait keŋ epei erwosit, kilunyokin lokicoloŋ keŋ.

Ŋirom. 1:3

Erae ŋakiro ŋun ŋuna a Lokoku ka Akuj a ŋolo erae Yesu Kristo Ekapolon yok. Alokuwane, erae iŋes eletonit ŋolo a Daudi.

Ŋirom. 4:13

Abu Akuj kiik Aburaam ka ŋiletok keŋ atemar eruwor akwap ŋina kec; pa etiyae Akuj ŋun aŋuna ewuapitor Aburaam Ŋikisila, nai aŋuna acamunere iŋes erae ŋolo iyookino ananupit keŋ.

Ŋirom. 9:5

Erae ikes ŋiletok ŋulu atapapaa yok a ŋulu apolok nooi a ŋulu elimokinitae ŋirorwa kec lokabilae a ŋituŋa ka Kristo daŋ alopite a ŋolo araakar iŋes ituŋanan, arae ŋolo anateker kec. Kipuroe Akuj ŋina ipukat daadaŋ, ŋikaru ka ŋikaru! Amen.

Ŋigal. 3:16

Nai tokona toyenete ebe, abu Akuj inak akiikinet keŋ neni ka Aburaam ka neni ke eletonit keŋ. Nyelimunito Ŋakigireta ebe “Ŋiletok”, iŋes atemar ŋituŋa ŋulu alalak, nai “Eletonit”, iŋes atemar ipeituŋanan bon, Kristo.

1 Tim. 2:5

Anerae eyai Akuj apei bon ka eyai epei bon ŋolo erae ekemorikinan Akuj ka ŋituŋa; ituŋanan ŋin, iŋes Yesu Kristo.

2 Tim. 2:8

Totamatamae ŋuna a Yesu Kristo a ŋolo aponi kiteyarunae alokatwak, ŋolo arae ŋolo anateker a Daudi ikwapei itatamere a Nakiro a ŋuna Ajokak a ŋuna alimonokini ayoŋ.

Akis. 22:16

“Ayoŋ Yesu eyakuunit emalaika kaŋ akiteyenun iyes ŋakiro nu anatukon a Ŋikristo. Arae ayoŋ ataagoroit ka alyasit--eletonit ŋolo anateker a Daudi; arae ayoŋ etop ŋolo ka ataparacu ŋolo enepi nooi.”