Mar. 9:41 - Ebaibul

⁴¹ Akalimokini ayoŋ iyes kire atemar, ituŋanan daadaŋ ŋini ikitamasi iyes ŋakipi, aŋuna iraakatar iyes ŋulu a Kristo, eryamuni iŋes eropit keŋ.”

Mar. 9:41 Iomraidhean Croise

Mat. 10:42

Nabo ituŋanan daadaŋ ŋini itamasi ipei alokidiŋ ŋulu cicik lu, tari epeikopo ŋolo a ŋakipi a ŋuna alilimok, aŋuna eraakar ekewuapan kaŋ, eryamuni kire eropit keŋ.”

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Mar. 4:10

Ani iboi Yesu aneni keŋ bon, potu ŋikasyomak keŋ ŋulutomon ka ŋiarei ta ŋituŋa ŋulu aris keyenut iŋes, kiŋita apolou ŋina a ŋakitadapeta.

Ŋirom. 14:15

Ani kitakadak iyoŋ lokaato kon aŋuna a ibore a ŋini inyami iyoŋ, ido nyenyami iŋes, iŋes atemar nyeriŋa nai iyoŋ itiyae ŋuna ka amina. Nyimyek akimuj ŋina imuji iyoŋ emunaiyari ituŋanan ŋini abunio Kristo totwania!

Ŋirom. 8:9

Nai nyiyarete iyes alopitesyo a ŋulu ka aseconu, nai iyarete alopitesyo a ŋulu ecamitor Etau ŋolo ka Akuj iyes toyaryata--ikwapei kire eyakar Etau ŋolo ka Akuj tooma kus. Ituŋanan ŋini nyeyakar Etau ŋolo a Kristo, nyerae ŋini a Kristo.

1 Ŋikor. 15:23

Nai iteyarunio ŋinituŋanan ikona: eteyarun mono Kristo; ekaku iteyarunio ŋikanupak a Kristo apaki ŋina eboŋunio iŋes.

1 Ŋikor. 3:23

nai iraakasi iyes ŋulu a Kristo ka erae Kristo ŋolo ka Akuj.

2 Ŋikor. 10:7

Iteete iyes ŋiboro alopite a ŋolo etakaniata alokiŋa bon. Eyai idiotuŋanan ŋini ebala arae iŋes ŋini a Kristo a? Itemokino iŋes totam nabo, ido eyenuni atemar eraakae isua daŋ ŋulu a Kristo ikwapei iŋes.

Ŋigal. 3:29

Ani nai kiraakasi iyes ŋulu a Kristo, iraakasi ŋiletok ŋulu ka Aburaam ka iryamunete ŋuna adau Akuj akiikin.

Ŋigal. 5:24

Adaut ikes ŋulu erae ŋulu a Kristo akitotwakiar aseconu ŋina alotooma kec ka ekibure keŋ alomusalaba a Kristo.