Mar. 8:6 - Ebaibul

⁶ Tolimok Yesu asepic akiboikin; tolemu ŋamugati ŋunakanikaarei, tolakar neni ka Akuj, tonyilinyili, inak ŋikeekasyomak, tokorakis lotuŋa.

Mar. 8:6 Iomraidhean Croise

Mat. 26:26

Ani eriŋa ikes imujete, tolemu Yesu amugati, ani kedau akilipakin, tonyilinyili, inak ŋikeekasyomak tema, “Kijaasi, kimuja; erae na akaakuwan.”

Mar. 8:20

Kiŋit nabo Yesu ikes tema, “Ani bo ŋina paaran anyilinyilia ayoŋ ŋamugati ŋakanikaarei aŋuna a ŋituŋa a ŋalipyo a ŋaomwon, ŋaditae ŋayai ipotu iyes kilelebikis ŋapiyanunet?” Toboŋokis ikes temasi, “Ŋakanikaarei.”

Mar. 8:5

Kiŋit Yesu ikes tema, “Ŋamugati ŋayai iyakatar iyes?” Toboŋokis ikes temasi, “Ŋakanikaarei.”

Mar. 8:7

Ayakatar nabo ŋikasyomak ŋikolya ŋidikudyo ŋulu cicik. Kilipak Yesu ŋulu daŋ tema, “Tokorakisi lotuŋa.”

Luk. 12:37

Erereŋ nooi ŋiketiyak ŋulu erukauni ekapolon kec ekienyete apaki ŋina eboŋunio iŋes. Akalimokini ayoŋ iyes kire atemar, enyiki iŋes ŋilowi keŋ, kisiboik ikes tokorak akimuj.

Luk. 24:30

Ani iboikinosi Yesu ka ikes akimuj alomesa, tolemu iŋes amugati, kilipak ka tonyilinyili inak ikes.

Yoa. 2:5

Tolimok nai toto keŋ ŋiketiyak tema, “Kitiyata ŋuna daadaŋ ikilimokini iŋes iyes.”

Yoa. 6:23

Kepotu ŋatakerin ŋuna alo Tiberia todolut diyete neni emuja asepic ŋina a ŋituŋa ŋamugati, kedau Yesu alakar neni ka Akuj.

Ŋirom. 14:6

Ituŋanan ŋini itopoloorit akoloŋit ace, itiyae ŋun anakerit Ekapolon. Iŋes daŋ ŋini enyami ibore daadaŋ, itiyae ŋun anakerit Ekapolon, anerae elakari iŋes neni ka Akuj aŋuna ka akimuj. Ŋini daŋ eŋeri akinyam ŋiboro ŋice, itiyae ŋun anakerit Ekapolon ka elakari iŋes neni ka Akuj.

Ŋikol. 3:17

Ŋinibore daadaŋ itiyaete kori irworosi iyes, itemokino kitiyata alokiro ke Ekapolon Yesu, tolakara neni ka Akuj Papa alotooma Yesu.

1 Sam. 9:13

Alomar iyes lotaun bon, iryamunete iyes iŋes eriŋa nyeloto nakibois ŋinamukur akimuj, nyimujete ŋituŋa mati kelot iŋes nen; anerae emaikina iŋes kiterereŋ amuronot, kimuja nai ŋituŋa ŋulu enyaritae nen. Kitipeiyosi, iryamunete iyes iŋes atipei.”