Mar. 8:2 - Ebaibul

² “Ekesyon ayoŋ asepic, anerae ikiruk ka ayoŋ ŋirwa ŋiuni emam ibore ŋini nyamat.

Mar. 8:2 Iomraidhean Croise

1 Ŋirw. 19:6

Toŋoleŋolek iŋes, kiŋolik alodiyete akou keŋ amugati ŋina apeyo a ŋamoru a ŋuna amwanak, ido ayai nen amot a ŋakipi. Kimuj iŋes ka tomat, ido toper nabo.

Ŋikiru. 103:13

Ikwapei erimaania papa aneni a ŋidwe keŋ; erimaana Ekapolon aneni a ŋulu itopoloorito iŋes,

Ŋikiru. 145:15

Neni a Ekapolon eyarikinito ŋisubuna daadaŋ, ido inanankini iyoŋ ikes akimuj anapaki a ŋina iitanitotor.

Ŋikiru. 145:8

Isyoniono Ekapolon ka erimaana, nyepatana iŋes akiŋo, epol amina keŋ ŋina nyiryaŋiryaŋa.

Mika 7:19

Ikisyoni iyoŋ isua nabo; ikwaanikin ŋasecisya kosi ka ibore ŋini ipudaari iyoŋ a ŋakejen. Ilemari iyoŋ ŋasecisya kosi, ikwaanikin ka ibore ŋini imasaryo nanam kwap ŋakipi.

Mat. 14:14

Ani eriŋa Yesu edoki anataker, kiŋolik asepic ŋina alalan, kisyonioto ikes iŋes, tosodi kitaŋaleu ŋulu adyakasi.

Mat. 20:34

Kisyoni Yesu ikes totap ŋakonyen kec, tokienyut ikes atipei, kiwuapakis iŋes.

Mat. 9:36

Ani iŋolikini Yesu ŋasepico, kisyonioto iŋes, anerae eyaloloŋete ikes ka topapanunito ikwa ŋamesekin ŋuna emam ekeyokon.

Mar. 1:41

Abu Yesu kisyoni iŋes, torwaa akeekan, totap iŋes tema, “Acamit; toŋaleu!”

Mar. 5:19

Nai towou Yesu tolimok iŋes tema, “Toboŋo lore neni a ŋikonikonei, tolimok ikes ŋakiro daadaŋ ŋuna etiya Ekapolon neni kon, ikisyoniyo iyoŋ.”

Mar. 6:32

Toloto ikes make neni asilon eyakasi nataker.

Mar. 6:34

Ani edokuni Yesu anataker, toanyuwa asepic ŋina apolon; kisyonioto iŋes ŋituŋa, anerae ekote ikes ŋamesekin ŋuna emam ekeyokon. Kisyak nai akitatam ikes ŋakiro ŋuna agelegelya.

Mar. 8:3

Nai kemyek ayoŋ ikes toloto lorerya enyamit akoro, ilelenyi alorot, aŋuna eponitotor ŋice aneni alwanan.”

Mar. 9:22

Ŋacepakio imasanakini iŋes nakim ka nakipi, ecamit akiar iŋes. Nai ani kipedori akiŋarakin, kisyoni isua, kiŋarakinae.”

Luk. 15:20

Tonyou nai iŋes, tolot neni a papa keŋ. “Ani eriŋa iŋes elwana, towuat papa keŋ iŋes ebunit kisyoni iŋes, kikomak kisiryamia, totunakin, tonu iŋes.

Luk. 7:13

Ani iŋolikini Ekapolon apuserut, kisyoni iŋes tema, “Tojoŋo akigworo.”

Ŋibur. 2:17

Apolou a ŋakiro a ŋun atemar etemokino iŋes kikwaanikinos ka ŋikaitotoi keŋ alopitesyo a daadaŋ, ikotere toruwor Esacaradoti ŋolo Apolon nooi ŋolo isyoniono, ŋolo ikinyoma alotic ka Akuj, ikotere elemarere ŋasecisya a ŋituŋa.

Ŋibur. 4:15

Erae Esacaradoti ŋolo Apolon nooi ŋolo isyonit kire apalagu yok ŋina a ŋitai. Esacaradoti ŋolopei ŋol abu Satan kitem alopitesyo a daadaŋ a ŋulu ikitemio iŋes iwon, nai abu iŋes nyesec.

Ŋibur. 5:2

Ikwaŋinapei epalagia iŋes daŋ alotau, epataniar iŋes aneni a ŋulu edyakanarete, anerae emam ŋuna eyenete.